-Timothy Shakum
Ei zuk hriet lar thei dan dingin Vasant Vihar hi Munirka le veng in ep an nih. Lamlien in a thre hran a, ke a in lawn na phak cho a nih. Ei ni zohnathlak hai Vasant Vihar a um hai chu sawrkar inn a um ei ni vawng ti inla chu in khel kher naw ni. Type II le Type III sawrkar quarter a um ve ve a, Type II hi UDC le a hnuoi hai chan ding a siem a ni ang bawkin Type III hi Asst le SO hai hluo dinga Sawrkarpa in a siem a nih. Sienkhawm,
SO a inthawka Under Secretary kaisangna hmu inhma deu hai Type III a hin an um ve tho, asanchuh, an seniority in Type IV an la hmu phak naw deu lei a nih. Kum thum liem tah lai ang naw tak in tui a thra ta khawp el, zingtieng le zantieng dar 06:30-07:30 inkar hin a put a, hmang khawp zen zawn a nih. CCPur le an in ang naw na tak chu electric a thi ngainaw hi ning a tih. Private Flat/ Apartment nei chu a hau antak a, mani inn a um hai chu mi hausa tawntaw tak tak an ni tawl. Sawrkar ofis hieng North/ South Block le India Gate hai hi Km 16 le 18 vel a hla an nih. A lawilen khawm a thawveng a, inn tin in inleng car nei ngat 20 hawn khawm lo lawmlut thei ning a tih.
State le Central sawrkar inbiekpawna a remchang le fel lem beiseina a State House sawrkarin a buotsai hieng Mizoram House, Jharkhan Bhawan hai Vasant Vihar a hin an innghat a. Meghalaya House chu bawl in a um mek. Mizoram House hi siet le thrat hun a khawm hmang thrangkai in a um hlak bawk. Thuomhnaw le incheina thil mawi tak tak le thra tak tak zawrna, cinema hall, fak chi a bikin naupang du chi, mi changkang le a lairawl le an hnuoi deu hai inchawk tawk zawrna hmun a um bawk a, chu chu ‘Priya Complex’ ti a ko a nih. Hun awl nei phat a sungkuo a va leng thawvengna dingin a thra khawp el, va lengvel chang hin innkhat nu buoitaka chawlkarkhat sung inn a lo relbawlna a sawl em em khawm theinghilin an nui ver ver el hlak a ni. Hiengang bawk hin nunghak, tlangval le thralai deu hai khawmin hi hmun a hin tudang ngai lovin inhawi an ti ve ring a um. PNB, CitiBank hai in ATM hi hmun a hin an inthrut bawk. 5 Star tlungin Vasant Continental a um bawk.
Tuhin, Hmar inn sari (09) CGH Complex, Vasant Vihar a hin ei um a, ni dang ngaituo chun ei inthawt ta khawp el. Kum iemanizat liem ta lai khan chu, Delhi tlanga Hmar nauhai in siet thrat ei tuok phat a ei tlan khawm na kha Vasant Vihar a ni hlak a na. Ni an her liem ang hin khawvel hi a lo va danglam hrat de aw!
Nilaizan zat hin hmeruo/ thei chikim an zawrna ‘Wednesday Market’ ti a hriet lar a veng lailung laitak hin a um hlak a. A zawrtu hai in an thil zawr nuom man a an hang khek tak tak chu ngainuom a um thei ie. Vawikat lem chu vaifanghma zawrpa in a thlum thra a ni aw a ti tum na ning a ti, ‘chini, chini’ tiin a thil zawr kha a vawr lau lau ti. An thil zawrhai hi wholesale rate vawng a ni, karkhat dai ding inchawkna in cheng 200/- vel ei seng hlak. Munirka a inthawk khawmin kai phakna a ni leiin ruolthra/ laina hai an hung kai ve phat inhmuna remchang a hmangin ‘in dam de maw’ tiin mipui lai buoi sak sak in ei in chibai hlak anih.
Naupang sikul kai lai nei hai ta ding chun um na chi tak ning a tih. Prep School le school puitling hieng Tagore International, Holy Child, Modern le a dang dang an um bawk a. Naupang sikul kaina dingin mi motor hire lova mani a va thak/ inthla na phak cho a ni tawl.
A vengbuk hin inhawina rieu a nei a, ei hriet ta naw, tiena tlanga lo um ta haiin an lo sukhawi kha fe pei in tuchen hin inngainatna, inlainatna, inhmangaina le inhriethtiemna a um pei ni in an lang a. Zirtawp zan zat dar kuo hin vengbuk inkhawm inn tin a, a hmatiem in nei pei hlak a nih. Hi hin sharing le in trawngtrai pek tuona a hun hi hmang a ni tak. Hotuhai in Bible Study an mi hung hmangpui hlak leiin vengbuk inkhawm khawm a suk phuisui hle. Vasant Vihar in hung remchang phat, kan inn hai a hung lengin hung hadam hlak ro.
[DT 12/06]-Guest Editorial
Ei zuk hriet lar thei dan dingin Vasant Vihar hi Munirka le veng in ep an nih. Lamlien in a thre hran a, ke a in lawn na phak cho a nih. Ei ni zohnathlak hai Vasant Vihar a um hai chu sawrkar inn a um ei ni vawng ti inla chu in khel kher naw ni. Type II le Type III sawrkar quarter a um ve ve a, Type II hi UDC le a hnuoi hai chan ding a siem a ni ang bawkin Type III hi Asst le SO hai hluo dinga Sawrkarpa in a siem a nih. Sienkhawm,
SO a inthawka Under Secretary kaisangna hmu inhma deu hai Type III a hin an um ve tho, asanchuh, an seniority in Type IV an la hmu phak naw deu lei a nih. Kum thum liem tah lai ang naw tak in tui a thra ta khawp el, zingtieng le zantieng dar 06:30-07:30 inkar hin a put a, hmang khawp zen zawn a nih. CCPur le an in ang naw na tak chu electric a thi ngainaw hi ning a tih. Private Flat/ Apartment nei chu a hau antak a, mani inn a um hai chu mi hausa tawntaw tak tak an ni tawl. Sawrkar ofis hieng North/ South Block le India Gate hai hi Km 16 le 18 vel a hla an nih. A lawilen khawm a thawveng a, inn tin in inleng car nei ngat 20 hawn khawm lo lawmlut thei ning a tih.
State le Central sawrkar inbiekpawna a remchang le fel lem beiseina a State House sawrkarin a buotsai hieng Mizoram House, Jharkhan Bhawan hai Vasant Vihar a hin an innghat a. Meghalaya House chu bawl in a um mek. Mizoram House hi siet le thrat hun a khawm hmang thrangkai in a um hlak bawk. Thuomhnaw le incheina thil mawi tak tak le thra tak tak zawrna, cinema hall, fak chi a bikin naupang du chi, mi changkang le a lairawl le an hnuoi deu hai inchawk tawk zawrna hmun a um bawk a, chu chu ‘Priya Complex’ ti a ko a nih. Hun awl nei phat a sungkuo a va leng thawvengna dingin a thra khawp el, va lengvel chang hin innkhat nu buoitaka chawlkarkhat sung inn a lo relbawlna a sawl em em khawm theinghilin an nui ver ver el hlak a ni. Hiengang bawk hin nunghak, tlangval le thralai deu hai khawmin hi hmun a hin tudang ngai lovin inhawi an ti ve ring a um. PNB, CitiBank hai in ATM hi hmun a hin an inthrut bawk. 5 Star tlungin Vasant Continental a um bawk.
Tuhin, Hmar inn sari (09) CGH Complex, Vasant Vihar a hin ei um a, ni dang ngaituo chun ei inthawt ta khawp el. Kum iemanizat liem ta lai khan chu, Delhi tlanga Hmar nauhai in siet thrat ei tuok phat a ei tlan khawm na kha Vasant Vihar a ni hlak a na. Ni an her liem ang hin khawvel hi a lo va danglam hrat de aw!
Nilaizan zat hin hmeruo/ thei chikim an zawrna ‘Wednesday Market’ ti a hriet lar a veng lailung laitak hin a um hlak a. A zawrtu hai in an thil zawr nuom man a an hang khek tak tak chu ngainuom a um thei ie. Vawikat lem chu vaifanghma zawrpa in a thlum thra a ni aw a ti tum na ning a ti, ‘chini, chini’ tiin a thil zawr kha a vawr lau lau ti. An thil zawrhai hi wholesale rate vawng a ni, karkhat dai ding inchawkna in cheng 200/- vel ei seng hlak. Munirka a inthawk khawmin kai phakna a ni leiin ruolthra/ laina hai an hung kai ve phat inhmuna remchang a hmangin ‘in dam de maw’ tiin mipui lai buoi sak sak in ei in chibai hlak anih.
Naupang sikul kai lai nei hai ta ding chun um na chi tak ning a tih. Prep School le school puitling hieng Tagore International, Holy Child, Modern le a dang dang an um bawk a. Naupang sikul kaina dingin mi motor hire lova mani a va thak/ inthla na phak cho a ni tawl.
A vengbuk hin inhawina rieu a nei a, ei hriet ta naw, tiena tlanga lo um ta haiin an lo sukhawi kha fe pei in tuchen hin inngainatna, inlainatna, inhmangaina le inhriethtiemna a um pei ni in an lang a. Zirtawp zan zat dar kuo hin vengbuk inkhawm inn tin a, a hmatiem in nei pei hlak a nih. Hi hin sharing le in trawngtrai pek tuona a hun hi hmang a ni tak. Hotuhai in Bible Study an mi hung hmangpui hlak leiin vengbuk inkhawm khawm a suk phuisui hle. Vasant Vihar in hung remchang phat, kan inn hai a hung lengin hung hadam hlak ro.
[DT 12/06]-Guest Editorial
No comments:
Post a Comment