Aihnaphapui

                                                  -Z.Keivom

       Aihnaphapui ei ti hai chu ei ruol\ha tawpkhawk, a sie a tha iengkima eiin thloppui hlakhai le ei bei dong hle lai khoma mi thlathlam ngai lo hai hi an nih. Mihriem hai hi manikhat a khawsa thei lo ei nih, Ei vangnei ni le vangduoi ni khom a ruollepai bo a khawsa thei der lo ei ni bok. Lawmni a lawmpuitu nei lo le siet ni a thangpuitu le tuorpuitu nei lo hai chu upa haiin vanlai zawla makhat a hung tla leh an hril khi hlak.  Sietni le thatnia tuorpuitu ding le lawmpuitu ding hau hle inla khom

, a tawpkhawk chena innghatna tlak le beltlak chu hi khawvela hin tukhom an um thei nawh, Ei aihnaphapui Lal Isu ti chau naw  chuh. Ruoltha dai sawt lo um hai sien khom, unau neka eiin hnaipui lem ruoltha aihnaphapui Lal Isu ei nei a nih (Thuvarhai. 18:240).

        Ruoltha  ka aihnaphapui mihrang le sahrang hmaah khom mi thlathlam ngai lo a hmin a sel kan tlangpui ti ding ei nei seng ring a um. Chuong mi hai chun iemani chen chu mi sawmdawlin an mi tlamuong thei, a tawpkhawk chena ding chun beltlak le innghatna tlak an tling zo ngai nawh.  Ei aihnaphapui Lal Isu ruokhi chu tuta le chatuon chena dingin beltlak le innghatna tlak makhat chaua ei um lai khoma hlimtaka min umtir theitu a ni si a.  Hmelma ei ni lai khomin a Pathien na hiel khom  thlakhla thei lokhawpin hmangaina lei chauin iengmalo anga insiein, siehlaw angin a’n siema, mihriem angin a hung uma, an ngaitlawma, thi chena thu zawmin, nang le kei a ta dingin a hringna  an hlan a nih. Nenea a chawm lai naute, Nuin a theinghil hlak maw? A rila r^ naupang ngei chu, a lunginginsietnaw ding maw?, A theinghil khomin, Kei chun theinghil nawng ka cheu, en ta, ka kutphaa hin i hming ka ker a ni hi!, Lalpa chun a ti a nih. (Isai.49:15-16).   Ei ni’n zawl le ruola ei man khom ni lo,  hmangaina lei lieu lieua  a thisena  zawl le ruola mi hung mantu Lal Isu hi  ngainat a va hang um char char ngei de aw!,  A hming thienghlim chu inpakin um pei raw seh Amen.

        Ei Lalpa Isu chun mi rimsie le rikphur po po a kuomah hunga sawldamna lo pe dingin a mi la ko zing a nih, a ringkol b^tin a kuomah eiin chuk chun zaidamna le lungrila inngaitlawmna in chuk suok ei ta,  ei thlarau ta dingin sawldamna ei hmu ding a nih. (Mathai.11:28-29). Ei ruoltha ei aihnaphapui Lal Isu hin neinaw iengkhom a nei nawh a, ei mamaw tinreng a neia,  a kuoma  fe taphawt chu hlawsamin an kir ngai nawh. Ama naupa ngei khom hla loa ei renga ta dinga petu chun thil dang khom a thlawnin a mi pek sa  naw dim a nih ti ei Pathien thu chun a mi hril (Rom.8:32). Phulo ruoltha Lal Isu thlarau le taksa a ei dam theina dinga a thisena thu mi tiemtu

hi innghilin khawvel parmawi hnawtin in vak hmang san ngai nawng ei tieu.          Ama leh eiin hlat pha pha leh muongna tam tak ei chan hlaka, natna tuor lo ding ding  ei tuor pha hlak a nih. Thlemna chi hrang hrang ei tuok lai dam hin buoina chi dang dangin ami lo tlak buok tawng hlak, Ei sin thawna le in zoma mawphurna lien tak tak ei chunga innghat le insung thil phur rik in a mi del chang dam hin ei chau ngawi ngawi hlak, ruoltha Lal Isu kuomah tlan lutin ei phur rik hai a kuomah innghat hlak ei tiu, hieng huna ding hin an nawm ei ta dinga thi chena rinum a lo tuor nih.

           

   “Ruol\ha Isu ka hmu tah, iengkima ka iengkim,

    Kathlarau di’n sang sawm lai a tha tak;..........

            Lungngaia ka thla muongna,lungzinga kan nghatna,

            Lungzing tin ama hnawk di’n a mi hril;

            Phaizawl Lili p^r chu a nih,Zing arasi le >ng,

            Ka thlarau di’n s^ng s^wm laiah atha tak”.

Keivom R`n

30 June 2011

    

[DT 5/6]