Lawrkhawm

@@ Hmar Students’ Association, Jt. Hqrs., Delhi huoihawtna hnuoiah Freshers’ Social Meet vawi 26-na chu August 20, 2011 khan Community Center, Sector-4, RK Puram, New Delhi hmunah hlawtling tak a hmang zo a lo ni tah.

Hi programme le inzawma report chu Editorial Page a en thei a nih.

@@ August 22, Thawtanni khan Delhi a Hmar nauhai insuikhawmna pathum-HCFD, DHWA le HSA-thuoituhai chun tulai hnai a ei khawtlang boruok pal mek le inzawmin Inthungkhawmna (Joint Meeting) Apostles’ Methodist Church, Sector-4, RK Puram, New Delhi hmunah an nei. Hi inthungkhawma hin ei thuoituhai an kim thawkhat hle a. Ei khawtlang le ei hnam in hma a sawn pei theina ding le, fel lema ei invawng thei dan ding lampuihai dapin thu pawimaw tak tak el iemani zat zet hril tlang a nih. A tul a ni chun lan ko khawm nawk el dinga Meeting hi suktawp a nih.

@@ Zani, August 27 khan Pu RH Hminglien Hmar In, Sector-3, RK Puram ah Hmar Literature Society megazine neisun, ‘Thuro’ Editorial Board Meeting nei a nih. Hi taka hin hma tieng peia hi megazine hi a suok dan ding le tuta neka a suok regular lem dan ding hai hril tlang a nih. Bufak khawmna khawm nei nghal a ni bawk.

@@ Tukum Civil Service (Prelim) result suok a HSA member a tling ei hriet thei ta po hai chu-

1. Tv. Isaac Zote

2. Lalthuoisang Pangamte

3. Tv. Blessing SH Buhril

4. Tv. Williamson Serto

5. Nk. Esther Laltankim Serto

6. Immanuel Infimate

7. Oswin Nampui

8. Zosanglur Zote, Rengkai

9. E. Lalringum Pulamte

10. Lalthazam

An reng hin Delhi a inthawk vawng a nih. A then chun Delhi suoksan a mani khuo a um an ni tawl ta bawk. Ei lawmpui takzet a, hlawtlingna hung chang zawm pei dingin ditsakna insang tak ei inhlen nghal bawk a nih.

@@ All Party Leaders Committee, Sinlung Hills, Mizoram hmalak nain 25^th Aug. khan Sinlung Hills Development Council sunga khaw pathum-Sakawrdai, Suongpuilawn le Saiphai khuo haia Political Party tum tuma inthawka mipui fekhawm han PEACE RALLY an nei a, an thil ngen inziekna Memorandum Pu Lalthanhawla, Chief Minister, Mizoram kuomah an pek. An Memorandum pek a hin SHDC sunga inremna le muongna tluontling a hung um theina dinga Mizoram sawrkar le HPC(D) inbiekna sunzawm nawk dinga an ngenna an zieklang. Memorandum- a hin H. Zoliana, Secretary le Lalneithanga, Chairman, All Party Leaders Committee, Sinlung Hills, Mizoram han an hming ziekin suoi an thaw.

@@ Vawizan, August 28 inkhawm tin hin Pu L.Thahgen In, Sector-8, RK Puram ah HSA Jt. Hqrs., Delhi thuoitu hlui le thlang thar a um hai charge inhlanna nei ning a ta, zanbu khawm kil tlang ni nghal a tih.

@@ September 2, 2011 Thalai Inkhawm Programme:- Conductor- Tv. Joshua Pakhuongte; Sharing- Tv. Paul Lalrohlun; Special No.- Nk. Kimi Pulamte; Thuhriltu- Pastor Lalsiesang

DT-28-Aug-2011