Kum 2007 a Rev. B.Thangluoi Memorial Trophy a vawikhatna ei nei a inthawk kum 4 (li) hnungah a vawihnina chu HSA Delhi Joint Headquarters hmalakna zarin August 6, Inrinni khan Kathuria Public School Playground, Vasant Kunj, New Delhi hmunah tan a lo ni nawk ta a nih. Ama, Rev. B.Thangluoi hi tam tak chun ei hriet ta dal thei a, a chanchin tawi, kamkhat kamhni vel chau zuk thailang zawk ei tih.
Delhi Hmar nau laia inkhelmihai chun hun iemani chena inthawk ta khan nghakhla takin ei lo thlir thap a. Unau NEREFS (Kherseu FC) hai lem chu an phurna kha a sawt ta hle. A hun a hung tlung meu chun an uniform jersey thar khawm a lo hlui hman vang an tah. Zantieng dar 4:00 ah inkhel tan a ni a, ankhel hmasa lem chu Vangsip (Rest of Delhi) le Invawng (Munirka+Vasant Vihar) an nih. Full time an inkhel zo khawm a goal 1 ve ve thun in an lan draw a. Hun iemani chen belsa a ni hnung khawm chun an la thun naw ta rawp leiin Tie-Breaker (Penalty Shoot Out) nei a ni a. Invawng FC chun 3-1 in Vangsip FC chu an lo hneban ta a nih.
A nuhnung a inkhel chu Hmarhleng (Mahipalpur+RK Puram) le Kherseu (NEREFS Delhi) an nih. Tan a ni charin Hmarhleng hai chun goal an thun nghal a, first half po ah chu thun sap a um ta nawh. Second Half tan ani charin Kherseu hai chun an si bat chu an hung thung kir ve nawk ta a. Amiruokchu, Full Time whistle anrik hma charin Hmarhleng hai chun goal thun nawkin hrat lem nina an chang ta lem hlau a nih. Team hai an in bei tawk thei char char hle.
13th August 4:00 pm khin a hmun pangngai ah inkhel ni nawk a tih. Inkhel ding hai le match referee ding hai chu a hnuoia ang hi ning a tih:-
Match I: Vangsip v/s Kherseu
(Referee-Tv. James Pusing; Assts.- Tv. Ch. Phlegon & Tv. James Lethil)
Match II (Final): Invawng v/s Hmarhleng
(Referee-Tv. Edward Sungte; Assts.-Tv. Kenny Ruolngul &
Tv. ? Kherseu tieng anthawk mi pakhat hung insiem an tih)
No comments:
Post a Comment