Lawmthu

Thina Chunga Lawmthu Hrilna

            Khawvel buoina le mangangna thuo tam kar a mi lo sukhlim ve hlak tu, famkimlona rama ka lungkham bangna, kan hrai bung dawntuoi Hosea Laldinsang Sinate

in a hnuoi silfen hlip a fam dairiel a mi chang san el hi kan hril a haih hle a. A fam chang dan reng khawm tuor thiem a harsa ngei el. Inchukna run sang bela a kalchawi beisei taka kan lo thlir zing laiin, Pa hun tiem chu a chungah a lo tlung ve ta a, chatuon ram a lo pan el chu an tah. A rauthla muongte’n chawl sien.

            A thi thu khawm kan la hriet phak hma a inthawka tlawmngai taka lo buoipui a, thil tul le pawimaw hai po po mi sukfel pek a, a ruong khawm mawikhai tak a in chen hung thawntu Delhi Hmar Welfare Association, Hmar Christian Fellowship Delhi le Delhi Nunghak Tlangval hai chungah kan lawm ngawt el. Pathienin a ram le khawtlang a in rawngbawlna hai a thar takin malsawm pei raw se. Delhi hmun kar hla tak tak a inthawka a sun a zan ti lo a a ruong lo buoipui a, khawvar pui a, Sum-le-Puon a hung raltu hai po po chungah kan lawm takzet a. Kan lusunna mi tuorpui a mi sunpuitu hai po po chungah khawm kan lawm takzet a nih.

            Nangni a inthawk a hmangaina le malsawmna kan dawng hai po po hi keini chun rul zo thei ngai nawng kan ti cheu. Amiruokchu, ei Lalpa Pathienin taksa le thlarau ah tam takin malsawm sien cheu; Hi thina hi malsawmin um raw se.

In thatna dawngtu-

Rev. Dr. Lalthankhum Sinate & Family