@@ Nk. Mercy Lalhmangai Tuolte D/o (L) Rev. Lalkhawmawi Tuolte, SA Road, Churachandpur le Nk. Lalbiakdiki Fenate
D/o Lalbiakluaia, Ramhlun Venglai, Aizawl hai chun Indo Tibetan Border Police Force ah Sub-Inspector (Staff Nurse) sin an lo hmu tah. Ei lawmpui a, ei suong takzet a nih.@@ Hmar Christian Fellowship Chandigarh (HCFC) kana fe ei thalaihai chu July 25 zingkar khan dam takin Delhi an lo hung chuongkai nawk tah. Upa Dr. Lalsiemlien Pulamte, Chairman, HCFD, inrawina hnuoia va fe niin programme hlim tak le hlawtling taka an va hmang thu a fe haia inthawkin ei lo dawng. Unau HCFC hai hi tukum Thalai Conference hunah group pakhat angin a hung thang ve tan ta ding a nih.
@@ Nineties lai a sawrkar sinthaw a Delhi a lo zuongtla hai lai a mi Pi Priscilla chu a naupa’n Heart & Kidney natna a nei leiin AIIMS a in enkawl dingin chawlkar liem ta khan Delhi an lo hung tlung tah. Anni hi tuhin Pu Hrangthangvung, Secretary, DHWA, hai chengna Sector-3, RK Puram ah an innghat mek a. Pathien zara an hung that suok vat ei beisei. Tawngtaina’n lo san ei tiu.
@@ Tangkhul Naga Society Delhi huoihawt hlak North East Tamchon Football Tournament a vawingana chu October 22, 2011 khin Dr. Ambedkar Stadium, New Delhi hmunah tan ni nawk tang a tih. Chun, final match chu November 5, 2011 khin inkhel a ni ding thu Mr. Shimray, Secretary, Organising Committee, a inthawkin chanchin ei lo dawng. HSA chu hi tournament a hin tum hni lai final kai ve in 1st Runner-Up lawmman a lo dawng ve ve a nih.
@@ A rawl mawina le ngainobeina leia Hmar nau hai chengna ram po po a hriet hlaw tak el, Delhi a khawsa mek, Nk. Mary Jones Lalhmangai a Music Video Album Volume-3, “Lenkawl a Var Nawk Tah” ti chu zo fel diem a ni tah. Hi album hi hung tlung ding August 20 khin HSA Freshers’ Social Meet programme a tlangzar ning a tih. Tlangzartu dingin Pu C.Thant Khobung, Chairman, DHWA, beisei a nih. Nghakhla a um ta char char hle.
@@ Pi Lal Remsiem hai nupa hmalakna in tulai tak hin United Kingdom ah ‘Ni Sawmli le Zan Zawmli Bu nghei Tawngtai’ programme hmang mek a nih. Hmun hrang hrang ah rawngbawlna nei peiin August thla tawp tieng khin an hung kir hman beisei a nih. Pathien malsawmna tam tak chang pei dingin ditsakna ei inhlan a nih.
@@ July 29, Zirtawpni zan khan Department of Music & Youth Affairs, HCFD chun Munirka a ei thalai inkhawmna ah fellowship programme inhawi takin an hmang a. Delhi a ei hlasak thiem Tv. Joseph Pakhuongte, Tv. James Vanlallur Sellate, Nk. Zaithankungi le mi dang dang hai a inthawk hla mawi tak tak el ngaithlak a nih. Chandigarh kanna report khawm mi iemani zat haia inthawk ngaithlak a ni bawk.
@@ HSA Delhi hmalakna in Rev. B.Thangluoi Memorial Trophy vawihnina chu August 6 le 13, 2011 khin Kathuria Public School playground, Vasant Kunj ah inkhel ning a tih.
DT/31/July
No comments:
Post a Comment