Thina Chunga Lawmthu

Kan nu Zaichullo (64), kan ngai em emin July ni 19-a a mi maksan thu hre a, hmun tin le ram tina inthawk hung tlankhawm a, mi buoipuitu le mi sunpuituhai kan lawm takzet cheu a nih ti hi thuziek tlawm tak hmang hin kan hung puong a nih.

 Aizawla a ruong buoipuituhai, kan khuo-Tinghmun tienga phur pheina ding ngaituotu hai, thilpek le hmel ngei inlanga mi tuorpuituhai chunga kan lawmna kan hril zo thei nawh a. Kan in le lo inrieng takah sunna hun lo buotsai a, a zingah vui thei dinga thlan le program fel taka lo buotsaitu kohran, khawtlang le YMA chungah kan lawm takzet a nih.

Tripura tienga kan naupa –Tv Lalthangsang lo lengpui a, thlanthut lo neipuituhai, Muolvaiphei tienga kan sangnu –Nk Lalmuongpui lo lengpui a, lo thlamuontuhai le Delhi-a kan naunu –Nk Zaithankung lo lengpui a, sunna program phuisui taka lo buotsaitu Delhi Hmar Welfare Association le Hmar Christian Fellowship-Delhi thuoituhai le mipui chungah kan lawm tak zet a. Abikin Delhi khawpuia thuoituhai le nunghak-tlangval hai, thungna khawm chang lova hnuoiah inthung-biel puma mi hung sunpuituhai kha kan lawm cheu va. A thi ti an hriet chara kan naunu lo lengpui a, lo va riekpuituhai kha kan lawm takzet cheu a nih.

Ralna sum le tuom-puon hai hin in mi tuorpuizie hmu theiin a tarlang a, kan thla a muong. In rengin Lalpa malsawmna chang seng ro.

Upa Ronghaklien le a nauhai

Tinghmun, Mizoram