Lawrkhawm

@@ Pi Temsutola W/o Dr. L. Robert Varte, Scientist 'B' DRDO a sin thaw mek chu kar liemta khan North - Eastern Hill University in Degree of Doctor of Philosophy alo inhlan tah.
Anni nupa hi Anthropology a Doctorate Degree hmu ve ve an nih.

@@ Delhi Hmar Welfare Association member Tv Hosea L Sinate s/o (L) Romanglien Sinate chu date 22 July, 2011 khan a um na in Malka Ganj a muol a mi lo liemsan tah. A ruong hi vawituk zingkar khan Indigo flight in Sielmat tieng phur tung a nih. DHWA Chairman Pu C Thant Khobung, Nk. Sylvia Buongpui, Justin Lalkhumthang, Alfread, Rihlimum le Pi Ramthar hai sungkuo in a ruong hi an zui. Ama hi Karorimal college, DU north campus a Bsc. 1^st year inchuk lai a nih. DT chun pawi a ti in an pam takzet a nih.

@@ DHWA Member Nk Zaithankungi a nu Pi Zaichullo chu an khawsakna Tinghmun, Mizoram ah July 20, 2011 khan ei lo the tah. 20 July zan 8:30 khan DHWA/HCFD chun ralna hunser Pu R H Hminglien in, 626/III, R K Puram ah nei a nih. Nunghak Tlang val cho naw khawm Nupui Papui thahnem tawk tak fe khawm a nih, Lusun tuhai ei turpui takzet.

@@ Department of Music and Youth Affairs, HCFD huoihawt na hnuoiah vawituk zingkhar khan thalai mi 22 chu Upa Dr. Lalsiemlien inrawi na hnuoiah Chandigar Hmar Fellowship hai kan dingin an lo inthawk dawk tah, an programme ang chun vawizan hin an hung kir nawk ding niin changchin ei dawng. Pathien thlarau malsawmna tamtak le hlawk taka an hung kir ngei ei beisei.

@@ Delhi HSA thuoitu lo ni hlak Pu Thachunghnung Sub-Inspector (ITBP) chu zirtawp ni khan hun iem a ni chen cham dingin Delhi a lo hung in tawl lut nawk tah. Ama hi chanchin ei dawng dan chun August first week hin a sin hmu thar Asst. Commandant in CISF khawm a zawm ta ding. Ei lawmpui takzet.

@@ West Delhi Tlangval Joshua R Sungte chun IB a sin lawmum tak a lo hmu ve tah. Ama cho nilo DT khawmin a lawmpui takzet a nih. Malsawmna tamtak le a sin thar hung zawm dingin DT chun a ditsakna insangtak an hlan nghal bawk a nih.

@@ Pu Phirthanglien Buhril le a nuhmei pi Zari hai chu an napa Tv. Hrilsiemlieng Buhril admission ding le inzawmin Delhi an lo hung inzin ve. Pu Phirthanglien Buhril hi HSA Delhi a President sin lo chel hlak a nih.

@@ Staff Selection Commission hnuoia COMBINED GRADUATE LEVEL EXAM., 2011 TIER-I a hlawtlingna chang tu chena ei hriet thei hai: 

Robert Sanglora Khawbung, Williamson Serto, Roselynn Serto, Laltinkim Sanate,

Florence L Amo, Johan L Joute, Joshua Sungte, Solomon V Hmar, Stephen

Khawbung, Esther Lalsanhim

 ani naw khawm hi ei hriet lo um ngei an tih. Hmatieng peia hung hlawtling dingin DT chun a ditsakna insang tak an hlan bawk a nih.

@@ Nk. Cross Varmawi Buongpui chu hun iem a ni chen cruse-line a sin thaw inzin suok chu zirtawpni khan Delhi a hung vunglut nawk tah, Rengkai a inthawk a nu le pa Pu Lalhimlien Buongpui le Pi Lalnghillo khawm ama tuok ding hin Delhi an hung inzin niin chanchin ei dawng.

@@ ITBP Staff Nurse Physical test a tling Nk. Zaionkim le Nk. Mercy Tuolte hai chu zani khan written exam nei dingin Chandigar an lo pan tah. Result lawmum tak an hmu ngei DT chun a nuompui takzet.

@@ Hung tling ding 30 July, 6 & 13 August hin HSA Delhi hmalak na in lo famtah Rev. B Thanglui memorial football league 2011 nei tum a nih, amiruokchu ti angin football ground hi hmu thei a ni naw leiin timing fixture le ground hai chu ei la hung tarlang thei naw a nih. Area in the dan ding chu hing ang hi ning a tih.

Team 1: Munirka & Vasant Vihar

Team 2: NEREFS Pvt. Ltd.

Team 3: Mahipalpur, RK Puram, Girgaon, Vasant Kunj.

Team 4: South Extention, West Delhi & Rest of Delhi

Thu ching lem chun Asst. Sport Secy. Tv. Phleagon (9873816361) a indawn thei ning a tih. Chun Delhisinleng a khawm hung insuo ni bawk a tih.

@@ Parbung Nunghak Miss Lalditum Gospel Music Video ‘Ka Mawina Lalpa” thiem taka a I sak a copy tlawmte a um a vawisun zawr ning a tih. A dithai chu Pu Thuoisuok kawla ngaiven thei ning a tih.

@@ Tv. Samuel Joute chu zanikhan a Training sunzawmna ding hmun Operational Santa Cruz Airport, CCpur a inthawk Mumbai a lo pan tah tah. Mr Samuel Joute hi Indira Gandhi Rashtriya Uran Academy (IGRUA), Raebarely, UP ah an chuk zo hnungin campus placement fethlengin Air India in a ko a, tuhin thla 10 commercial flight training zoin Air India ah a thawk tan ta ding a nih. Ama hi kar liem ta khan Delhi maksan in CCpur a lo inzin suok ta hrim a nih.

DT/21/7