Lawrkhawm

** June 26, Pathienni zan khan HSA Delhi Jt. Hqrs. Meeting nei a nih. Thil dang dang bakah tukum a Fresher’s Social Meet ding le inzawma thil tul le pawimawhai ngaituo tlangna nei a nih.

** HSA Delhi Jt. Hqrs. President Tv. James Pusing Sanate chu hun iemani chen an khuo tieng a pa dawnawna leia hang suok chu June 27, Thawtanni khan dam takin Delhi a lo hung chuongkai nawk tah. Ama hi kar thar khin CPO hnuoia Sub-Inspector lakna a Medical Test dingin Darjeeling tieng a kir nawk nghal ding a nih. Hril hai tlak takin a pa hin muol a mi lo liemsan ta a, thaw thei iengkhawm nei naw inla khawm HSA Delhi chun July 2, Inrinni zan khan Tv. Emmanuel Ramngailien Lungtau In, Mahipalpurah ralna an nei. Zanbu khawm kil tlang nghal a nih. A hmasuon ding Medical Test hi hung hlawtling ngei dingin ditsakna ei inhlan nghal bawk a nih.

** July 1, Friday zan khan Department of Music & Youth Affairs, HCFD meeting nei a nih. Hi meeting a hin tukum September 10 (tentative) a Thalai Conference ei hmangna ding le inzawma thil pawimawhai rel fel a nih. Group inthe dan ding, Competition item le Programme tlangpui chu siem fel a ni tah.

** July 2, Inrinni khan DHWA thuoitu lo ni hlak Pu John Ruolngul chu Tokyo a inthawkin a nuhmei le nauhai leh an rengin Delhi an lo hung chuongkai ve nawk tah. Ama hi a thawkna Ministry of External Affairs, Government of India hnuoiah Deputy Secretary a hlangkai a ni thu ei lo dawng. Kar thar khin Tuithaphai tieng hun tawite cham dingin hang suok an ta, an hung kir nawk pha chu Hanoi, Vietnam tieng a posting ta ding a nih. A kaisangna ei lawmpui takzet a, an post thar a khawm malsawmna tam tak dawng zawm pei dingin ditsakna ei inhlan nghal bawk a nih.

** July 2, Inrinni khan HSA Delhi le SSPP football match JNU(Main Campus) Ground a inkhel nawk a ni a. SSPP chun 2-1 bawkin HSA chu an lo hneban nawk tah a nih.

** Hung tlung ding July 8, Zirtawpni zan 8:30 pm khin Thalai Inkhawm um nawk a tih. Topical Study nei a ni nawk ding a na; Mehrauli tiengpang a ei thalai ha’n chanvo chang an tih. Programme tlangpui chu:- Conductor-Tv. Fimsanglien Tuollai; Tantu-Nk. Betsy Hmingkhummawi; Special No.-Nk. Melody Lalengmawi Varte; Topical Study Thuoitu-Tv. Zacharia Varte. Thilpek lawkkhawmna le tawngtairuolna um bawk a tih.

 [DT 3/7]