LAWRKHAWM

* Thalai Conference Lawmman Lawm: Kar hmasak Pathienni inkhawm tin khan Rev. VT Kappu Group hai chun Pu Lalthuoisuok Pudaite hai inchungah Thalai Conference a an lawmman lak hai lawmna hun an hmang. Chartang le hmepawk inhnik tawk tak leh ruoi kil tlang a nih.

Chun, zani October 1 khan Rev. Thangler Group hai chun hi inkhawmpui a an lawmman lak hai lawmna an nei bawk. Mipui pungkhawm hai an hlim tlang hle ni’n ei palai a inthawk thu ei lo dawng.

* HSA Educational Tour: Ei lo hriet ta angin Hmar Students’ Association, Delhi Jt. Hqrs. huoihawtna hnuoia October 14 khin Educational Tour fe ding ti ani a. Hi Tour a fe nuom hai chun October 8 chen hin HSA thuoituhai kawlah hming le fee la pek lut thei ning a tih. Chuleiin hi tour a fe tum hai chun anhma tienga ngaiven vat vat tul tang a tih. Thu chieng lem indawn nuomtuhai chun ei Secretary Tv. Zacharia Varte (+919711721497) le Education Secretary Nk. Esther Lalsanhim (+918802813429) contact thei ning an tih.

* Essay Writing a Lawmman: HQ IDS, Ministry of Defence in ‘Ways to make Defence a chosen Career’ ti thupui hmanga essay writing competition a buotsai a chun Pu Thangnuntluong Ralsun in lawmman pahnina a lak a. Hi hlawtlingna lawmna le Tv. Robert L.Khawbung in MA Second Divisiona a pass lawmpuinain zani, October 1 khan Mahipalpur Vengbuk Inkhawmna ah a’nchawng thu ei palai a inthawk thu ei lo dawng. Ei lawmpui hle a nih.

* Siroy Sports Meet 2011: Chanchin ei lo dawng danin hung tlung ding October 4 le 5 khin Manipur Students’ Association Delhi (MSAD) chun Annual Siroy Sports Meet 2011 chu Ramjas College, University of Delhi, New Delhi ah an huoihawt ding a nih. Hi Sports Meet a main event chu ‘9-man Soccer’ ning a tih. Hmar United khawm hi Meet a hin an va thang ve ding a nih. “MSAD a inthawk fielna ei dawng a, ei player hai khawma an hlawkpui ngei ei beisei leiin thang dingin ei suktluk an tah” ti’n Hmar United captain Tv. Emmanuel R.Lungtau chun a hril. Hratna chang ngei dingin ditsakna ei inhlan nghal.

* Vengbuk Sandamna Camp: October thla ei lo chuongkai nawk ta a, hun iemani chena inthawka Hmar Christian Fellowship Delhi tieng a ei thuoituha’n an lo tinzawn tah Vengbuk Sandamna Camp chu tan ni vat tang a tih. Programme ang dungzui chun hi camp hin October thla le November thla bul chen a aw ding a nih. Ei renga ei thang tlang a nuom thu ei pastor chun a hril. Ei ruol le pai hai khawm hi programme chungchang hi lo hril sawng a bau lo in tam deu dingin ei in fiel thar a nih. Ei khawtlang a suol ral hrang mek hai khawm hnebana a um theina dingin mitin in thang lain, tawngtaina leh lo bawzui pei ei tiu.