Hmar United

(Hmar Students’ Association Delhi)

            Ei hriet seng ta angin hung tlung ding 22^nd October-5^th November inkar hin Tangkhul Naga Society Delhi chun North East Tamchon Football Trophy an huoihawt nawk ding ani a.

HSA Delhi (Tukuma inthawk chu Hmar United ti ni tang a tih) chun kum dang ang bawk a thang ve ngei tumin hun iemani chen a inthawk khan hma ei lo lak ta a nih. Tukum lem chu kum dang angin sponsorship ei hmu mumal thei naw leiin ei harsa em em a. Hratna chang ngei tuma nitina insawizawi hlak ei inkhelmihai khawm refreshment mumal khawm pe thei lo in ei la um a. Ei player hai lakah khawm ei inphalam hle lai zingin ei ngirhmun a hung that tung pei ei beisei a. Amiruokchu, thang an lak nasa hle a, hlawtlingna insang lem khawm ei chang phak ngei ei beisei a nih.

            Tukum lem chu Opening Ceremony puithu taka hmang dinga inpuocha mek a ni a. Closing Ceremony khawm ropui taka hmang dinga riruong a ni bawk a nih. Nikum lai a TV Reality Show pakhat, “India’s Got Talent” a pakhatna lo la phak hiel Shillong Chamber Choir hai khawm fielin an um a, an hung thang ding thu dawng ani bawk. Phur a um ta hle.

            Kha hma met khan Delhi Thurawn ah Hmar United Probable Players’ list ei hung insuo tah a. Chu taka ei lo tarlang tak ang khan performance, regularity, discipline, punctuality le thil dang dang hai ei en hnungin Delhi player hai lai a inthawk Hmar United final squad ei thlang fel ta a. Chu dungzui a ei players dinghai chu a hnuoia ang hi an nih:-

1. Chawnga Sinate,               2. Damrawse Sinate,

3. David Ramchullo,             4. Emmanuel R.Lungtau,

5. Erwin Fimthanglawr,      6. Gospel Ralsun,                 

7. James Lalremruot,           8. James M.Khawbung,       

9. Mang James,                     10. Max Lalzarlien,              

11. Michael Hringlon,          12. Mordekai Joute,                        

13. Patrick Infimate,                        14. Paul Hellienhang,

15. Samuel Tusing,               16. William R.Darngon

            A chunga hming ziek hai po hi timing le a hmun pangngai ah nitin practice a thang ding a nih. Hun vawng dik kha ngai pawimaw seng ei tiu. Discipline le thil dang dang hai ei la en zing ding a ni leiin squad a thang ti a inthlada hai chu strict deuin an chungthu rel ning a ta, drop thei la ni bawk an tih.

            -Edward Sungte,

            Manager, Hmar United