Proceedings Of Hmar Students’ Association Executive Council

                A Hmun       -         Hmarkhawlien, Cachar, Assam

A hun           -         April 21, 2012; 5:00PM

Speaker       -         Dr. John H. Pulamte (Assembly Speaker)

Secretary     -         Lalzawmlien (Assembly Deputy Secretary)

Members Present:

·       Lalhlamuana Hmar                   -         President, GHQ

·       L. Rothanglien Khawbung         -         General Secretary, GHQ

·       John Lalrohlun Puruolte -         Joint Secretary (Assam), GHQ

·       Lalhmarthang Tuolor       -         President, NC Hills & Karbi Anglong JHQ

·       Lalringum Sanate            -         CEC Member

·       Simon L. Infimate            -         Asst. Gen. Secretary, GHQ

·       Mawii Darngawn             -         Finance Secretary, GHQ

·       Joseph V. Tuolor              -         Secretary (Education), GHQ

·       Lalropieng Hmar             -         Vice President, NC Hills & Karbi Anglong JHQ

·       Dewitz Thiek                             -         Gen. Secretary, NC Hills & Karbi Anglong JHQ

·       R.B Hmar                        -         I & P Secy., NC Hills & Karbi Anglong JHQ

·       Lalchhanchhuaka             -         President, Kolasib JHQ

·       H.P Lalfakzuala               -         Secretary, Kolasib JHQ

·       Brando H. Keivom                     -         Asst. Gen. Secretary, Shillong JHQ

·       J. Daizova                        -         EC Member, Sinlung Hills JHQ

·       Lalthutlung                      -         President, Barak Valley JHQ

Hun hmasatakah vawisunni taka chatuon ram mi lo inlawi san, Barak Valley Joint Headquarters General Secretary, Tv. Zarzolien sunna hunser neiin palai fekhawmhaiin to tawka sunna (silent prayer) nei a ni zoin NC Hills & Karbi Anglong President, Pu Lalhmarthang Tuolor-in Pathien kuoma tawngtaina a neia, rorel tan a nih.

Resolution No. 1:

Hun lo taka muol mi liem san, HSA Barak Valley JHQ General Secretary ni lai zing, Tv. Zarzolien hrietzingna dingin Barak Valley Joint Headquarters inrawina hnuoiah kum tin ‘Zarzolien Memorial Trophy’ siemin football tournament buotsai nisien tha kan tih. Chun, Hmar Students’ Education Fund dawla um mek anthok Rs. 1,00,000/- (Cheng Nuoi Khat) siedawk nisien, hi pawisa pung anthawk kum tin Barak Valley Joint Headquarters huom sunga SEBA hnuoia HSLC Exam-a mark hmu insangtak kuomah ‘Zarzolien Memorial Award’ sumfai le citation pek ni sien tha kan tih. Hi Trophy le Award-hai hi kum 3 sung ensin phawt nisien tha kan tih.

Resolution No. 2:

HSA Campus, Rengkai, Churachandpura ram le ramri chungchanga mawphurna lo latu dingin Vice President Rochunghnung le Joint Secretary (Manipur) Ngursangvung kan ruot. Hi lai hmuna HSA hmalakna hnuoia Tribal Hostel bawl mek a um hi kum thar 2013 anthawk Hmar hnam le HSA memberhai ta dinga hlawk taka hmang a ni theina dingin hma lak nisien tha kan tih. Thil tha le remchang lem dinga hriet a ni leiin hi ram le inmat, Hmar Art & Cultural Society (HACS) ram le buildinghai HSA hmingin kum 5 sung hluo dinga hni nisien tha kan tih. A hluo man ruok chu Tribal Hostel Management Committee mawphurna nisien kan tih bok. 

 

Resolution No.3:

HSA General Headquarters Financial Rules 2012 buotsaia um chipchier taka en le hriltlang a ni hnungin allowances thang lovin tuta Council a inthawk a hmang tan nghal dingin kan pawm.

Resolution No. 4:

HSA Aizawl Joint Headquarters haiin an hming an inziek dan hi General Assembly nuhnungtak thurel le HSA Constitution kal niin kan hmu. Hi chungchang thu hi ziek ngeiin inhriettirna pek nihai sien, an harsatna le ngirhmun anni ngeiin ni 30 sungin ziekin hung pelut ve ngei hai sien tha kan tih. 

Resolution No. 5:

All Vangai Chief Association haiin ‘Buonzawl - The Arena’ guest room pakhat a thlabia hluo dinga an hung hni le inzawma thuthlukna lo siemtu dingin Vice President Rochunghnung kan ruot. 

Resolution No. 6:

Aizawl ah Working Office inthut thei ngei nisien tia thurawt um hi tha kan tia, muongchanga  a hmun ding lo ngaiven dingin General Headquarters President le General Secretary mawphurna kan pek.

Resolution No. 7:

General Headquarters le Mizoram Joint Headquarters pathumhai common agenda, ‘Hmar Cultural Attire’ nei nisien ti thu le inzawma hma lo latu dingin President le General Secretary kan ruot.        

Resolution No. 8:

Inchukna (education) dawmsangna le suk hmasawnna dinga HSA hmadawm dan ding fumfetak anhma thei anga siem nisien tha kan tia; mawphurna latu dingin Education Secretary Joseph V. Tuolor kan ruot.

Resolution No. 9:

Hmar Students Education Fund ngirhmun biel tina palai hai anthawk ngaithlak a nih a; tukum 2012 sung hin ngawr nawkzuolin bawzui nisien tha kan tih.

Resolution No. 10:

HSA Imphal Joint Headquarters inthlangna le charge handover kawnga mawphurna latu dingin Assembly Secretary John V. Puruolte le CEC Member Hrilsangmawi kan ruota; Churachandpur Joint Headquarters inthlangna neipuitu dingin Joint Secretary Ngursangvung kan ruot bawk.

Resolution No. 11:

Ahmednagar, Maharastra-a Hmar inchuklaihaiin thahnemngnaina leia HSA an lo indin hi Branch puithlinga pawm kan rem tih.

Resolution No. 12:

Inchuklai Nun thu le inzawma tu chena HSA Shillong Joint Headquarters hma lo lakna hi lawmum kan tia, pawisa sum sengso lo um hai le tul belsa dinghai chu Finance Secretary le inbierawnin lo sukfelhai sien tha kan tih.

Resolution No. 13:

Tuta inthawk chu HSA General Headquarters levela information inpeksawna dingin electronic mail (e-mail) le SMS hmang ni ta hlak sien tha kan tia; General Headquarters Post Box ruok chu la sukhring nisien tha kan tih.

Resolution 14:

HSA Executive Council nawk chu Shillong ah nei tha kan tih. A hun le ni chu General Headquarters General Secretary mawphurnaah kan sie.

Finance Secretary Ms. Mawii Darngawn-in Pathien kuoma tawngtaina a nei zovin Council suktawp a nih.

Sd/                                                                                    Sd/

(Dr. John H. Pulamte)                                     (Lalzawmlien)

Speaker                                                                             Secretary