LAWMTHU THALAI BLANKET SAWP 2012

Thalai Committee in Fund raise na dinga blanket sawp a rawt chu Pathien zar chau in tukum 2012 sunga ding chun zo a lo ni tah. Hi blanket sawp hi thawk hni lai zet nei a ni a, sukpuitling theia a um leiin a hmasa takin Pathien kuomah lawmthu ei hril a nih.

Hi taka ding hin tha le zung el bakah sum le pai tamtak ei mamaw a. Chuong ei baksamna hai mi phuhruk pek dinga thangpuina sum hung petuhai, Pu Lalchungsiem Thlawngate, Pu Henry Famhoite, Tv. Joseph Lalrofel, Tv. Zonunmawia, Nk. Gladys L Khawbung le Nk. Chawnglienmawi hai chungah lawmthu ei hril a. Pathien rama an inpeknahai hi tlawn naw ni a, Lalpa’n a let tamin malsawm raw seh.

Chun ei blanket sawpna ding hin a hmun le hmang el bakah tui tamna hmun hai khawm a lo pawimaw leiin, Shiv Vihar hmuna mi lo buoipuitu Evan. Vanlaltlan le RK Puram ah Pi Judith Hmar hai chungah lawmthu ei hril bawk a nih. Fak le dawn chungchangah kel (goat) pumkhat tawpa hung inchawng Evan. Rehana kuoma khawm ei lawmthu ei hril bawk a nih. Pathien rama an inpeknahai popo a let tamin Lalpa’n malsawmin thuoi pei raw seh.

Blanket sawpna le inzawma tha le zung tamtak hung thawtu Thalai memberhai popo chungah Thalai committee hmingin lawmthu ei hril bawk a. Ei fund raise na dinga an blankethai phal taka min sawptirtu hai popo kuoma khawm lawmthu ei hril bawk a nih.

Lalpa’n malsawmin thuoi pei raw se cheu.

Sd/-                                                                 Sd/-

Timothy Shakum                                        Lalneilien Inbuon

Chairman                                                         Secretary

Department of Music & Youth Affairs, HCFD