Tawngbauhai

@@ Pastor Lalditsak Inbuon le a nuhmei Pi Chonghoi Inbuon hai chu Shillong ah EFI inkhawmpui hmang a hun iemani chen an thang hnung in May 18, Nilaini khan damtakin Delhi an lo hung chuongkai nawk tah. Ama, Pastor Lalditsak hi Tv. Zarzolien Infimate, Secy., Dept. of Music & Youth Affairs, leh

UBS, Pune a BD inchuk dingin May 30 vel khin Delhi an suok san ta ding niin thu ei lo dawng bawk.

@@ Pi Lalhrietpui le DHWA Chairman Pu C Thant Khobung nuhmei Pi Singpui khawm a sangpa Pu KS Dinglien Darngawn in nat lawk khawm um lo a muol a lo liemsanna le inzawm a Tuithaphai hang suok zawk chu zani May 21 khan damtakin Delhi an lo hung chuongkai ve nawk tah. Zani ma khan ei thuoitu mi iemani zat zet in an chengna Platinum Heights, Sector-18/B, Dwarka ah an va kan. Lusun tuortuhai ei tuorpui takzet.

@@ Pi Rothangpui, w/o Pu HT Sangliana, chu a upa Pu Lalmawia, MCS thina leiin veng tieng a lo suok ve a. Zani May 21 khan damtakin Delhi a lo hung chuongkai nawk tah. Ei sunpui takzet. Hi le inzawm hin DHWA thuoituhai chun vawizan inkhawm tin char hin an chengna in, Moti Bagh II ah ralna an va nei ding niin thu ei lo dawng.

@@ Pu Benzamin Khawbung le Pi Rosy Khawbung hai nupa chun an nau pathumna dingin nau nuhmeite lawmum tak el an lo nei ve nawk tah. Naute hi kar liem ta Sunday, May 15, 10:30 am vel khan Leekha Nursing Home, Hauz Khas ah nei dan pangngai a pieng anih. A nu le naute khawm an hriselna a tha pei. Ei lawmpui takzet.

@@ Zani, May 21 khan ei inkhawmna Apostles’ Methodist Church, RK Puram ah ei Building Project le inzawmin General Body Meeting nei anih. Mi thahnem tawk tak fekhawm in ro khawm fel tak a rel ani a. ‘Tuta ei Building Project fe lai mek hi HCFD kutah peklut ani tah’ ti chu hi thungkhawm a an thurel lai a pawimaw tak anih. Mitin in a thar taka ei building project hi invawi a, inthuruol tak a mani hma zawn seng ei dawm a pawimaw zie chu thungkhawm a thanghai hin a hril uor hle. Mipuihai khawm nasa tak a thang la thar dingin ei zuk in fiel nghal bawk anih.

@@ Tuta kar liem ta Tuesday, May 17 khan Pu Hrangthangvung, Secy., DHWA hai khawm Sector-3, RK Puram  ah an lo insawn nawk tah.

@@ Pu Lalhmingthang Joute, Deputy Commandant, CRPF, tuta Manipur a posting mek chu chawlkar hni vel Delhi a nu le nauhai bula chawl hmang ding a hung inzin chu an sungin veng tieng a chawl hmang lem dingin tuta kar liem khan an lo inthawk tung ve nawk tah.

@@ Tuta kar liem ta May 17, Tuesday khan West Delhi Vengbuk Inkhawm hai chu Tv. Chawngneirum inah inkhawm in Pastor Lalsiesang BD inchuk zo lawmna hun an hmang a. Fak le dawn khawm KFC a mi ngat la in inkhawmhai an tlai hle ti thu ei lo dawng.