1st May 2011, Lawrkhawm:

@@ Pu Samuel V. Hmar chu hun iemani chen Delhi a chawl hmang a a um hnungin April 28, Friday zan  khan a training na hmun Mussoorie tieng a lo liem tung nawk tah

@@ Zani 3:00 pm khan Delhi Hmar Centre Committee chun ei inkhawmna Apostles’ Methodist Church basement a General Body Meeting koin inkhawmna nei a nih, amiruokchu Quorum tling tawk lo leiin thupui rel nei lovin hmang a nih. DHCC invawngdan article 7.2 dungzuiin ni 15 hnunga GBM hi nei nawk dingin ti a nih.

@@ Zani zan khan South Extention area thalai inkhawm na hunah Pathien le Pastor Lalditsak hma a biekin sunga inkhawmlai mobile hmanga SMS/Call hai reng reng thaw talo dingin ban phar in intiemna an nei niin chanchin ei dawng. Area dang danghai khawmin hing ang hi thaw thei inla nuom a um takzet.

@@ Pastor Lalsiesang hai contact nuomhai ta ding in hing a hnuoi a ph. no. a hin contact thei ning an tih.

Pastor Lalsisang - 8860845878

Pastornu Remthangmawi -

8860845879

@@ Tukum Assam Board hnuoi a Class-X exam a Hmar MIL latu Students 592 an tling a, kum 2010 khan 341, kum 2009 ah 288, kum 2008 ah 212 an nih. Chun Class-XII tukum (2011)exam a Hmar MIL la po chu Students 276 an nih tiin Assam MIL monitoring committe thusuok chun a hril.

@@ Retzawl khuo, N.C. Hills a inthawka shooting Hmar film thar ‘Hmangaina Chuoilo” chu zo fel vang a ni ta a, May first/second week vel hin iengkim zo fel vawnga zawr suok hman a ni ding thu producer a inthawk chanchin ei dawng. Nghakhla a um takzet.

@@ Zani 1pm hin Rengkai Play Ground-ah 7th Martyrs Trophy hawngna Rev. Joseph D. Hmar, Vice President,  Hmar Inpui in nei a. Pu Lalhosan, EM, ADC, Churachandpur Chief Guest in a thang a, Guest of Honour in Pu Songlianlal a thang bawk. Hi tournament hi may 16 chen  aw a ta lawmman chu hing ang hi a nih. Winner : Rs. 30,000/-

1st Runner-up : Rs. 20,000/-

Best Discipline Team : Rs. 1000/

Man of the Match : Rs. 1000/-

Best Defender : Rs. 500/-

Best Midfielder : Rs. 500/-

Best Striker : Rs. 500/-

Best Goalkeeper : Rs. 500/-

Top Scorer : Rs. 500/-

@@ Lovely Professional University (LPU) Jalandhar, Punjab hmunah football inkhel huna in suk lungsen leia that a um Johnny F Lalhmangaih thina le inzawmin North East Students’ Organization (NESO), All Assam Students’ Union (AASU), Asom Jatiyabadi Yuba Chattra Parishad (AJYCP) le students organizations dang danghai chun an dem thu an puonglang. Hi thina le inzawma kuttlak tuhai, African students hai chunga an nat thei anga action lak ding le hmun dang dang a North-East a inthawka India State dang danga inchuklaihai venghim na suk khau nawk zuol dingin ngenna a siem bawk.