Lawrkhawm

@@ HSA Delhi Jt. Hqrs. President sin chel lai mek Tv. James Pusing chu May 10, Thawlenni khan a pa hriselna a that tawk naw leiin  Manipur pan in Delhi a suoksan a. May 11 khan damtakin Parbung a lo tlung tah. Chanchin ei lo dawng dan in a pa  upa tak el tah, kum 100 tling phak vang ani ta a. A zuk chau zuol hin biek khawm a hriet mumal lo, fak le dawn khawm nei pei lo dam in a um mek anih. Thaw thei dang ei nei naw khawm a tawngtaina’n lo hre zui pei ei tiu.

@@ Pastor Lalditsak Inbuon le a nuhmei Pi Chonghoi Inbuon hai chu Shillong a EFI inkhawmpui hmang in an thang mek a. May 18 vel hin Delhi an hung tlung hman beisei anih.

@@ DU hnuoi a course dang dang a undergraduate, regular student ha’n exam an nei mek a. A tan ding mek khawm an la um pei. School of Open Learning hnuoi a correspondent course zawmhai khawm June thla vel khin an exam ve ding anih. Tawngtai pui nasa zuol sau ei tiu.

@@ Hung tlung ding May 16 le 17, 2011 hin Naga Forum, Delhi huoihawtna in Conference Centre, Delhi University hmunah “National Level Conference on Globalisation And Changing Tribal Identity In The North East” um a tih. Hi huna va thang ve ding hin North East, abiktakin inchuklaihai, po po fiel ei ni a. Chun, hi huna va thanghai chu ‘Certificate of Participation’ inhlan seng an ni ding anih. HSA memberhai khawm a thang thei thei va thang ve dingin ei in ditsak hle.

@@ Chanchin ei lo dawng dan in hung tlung ding May 16, 2011, Thawtanni hin mi thahnemngai thenkhathai hmalakna in Delhi hmunah khawm hnam tading a hringna lo chan ta hai hrietzingnain hunser hmang ani ding ani a. Inhnikna nei, thuchieng lem hre nuom hai chun +919717621817 hi contact ding anih.

@@ Ei Building Project le inzawmin Mahipalpur Area a’nthawk Tv. Freddy Infimate, Nk. Jenny Joute le Nk. Zarzokim hai thlatin a thawlawm dingin an hung in volunteer a. Ei thuoituhai khawm an lawm hle niin chanchin ei lo dawng. Sum le pai tam tak ei lo thawlawm ve thei naw ani khawm a rawngbawlna thei kawng tam tak ei nei ti hi thalai/inchuklai ha’n hre thar ei tiu. Entawn an tlak hle.

@@ Ei member Tv. Eleazer Sungte chu an khuo tieng a chawl hmang dingin May 17 hin Delhi a suok san ding niin thu ei lo dawng.

@@ Tulai hin Upa Bieka le a farnu Evan. Pienglawm hai chun Hmar biel lai nasa takin rawngbawlna an nei mek a. Pahtien thilmak thaw tam tak a tlung zing niin chanchin ei lo dawng a. Parbung khuo ah lem chu nikhat lai el khan mi 30 bawr vel Sai-ip puon sila bawk invak in khawlaidung an fang a. Hartharna a tlung mek ni’n an hril.  

@@ Hung tlung ding May 21, 2011 khin tlangmi tawng dang dang a Pathien inpakna hla sak hlak ECT Trio hai chun an Music Video Album thar an tlangzar nawk ta ding niin thu ei lo dang.