HMAR WELFARE SOCIETY, GUWAHATI
Regd. No. KAM(M)/240/A-25/667
1-C, Aasirwad Palace, Dinesh Ojah Path, Bhangagarh,Guwahati 781005
* hmarwelfaresocietyghy@gmail.com
INHRIETTIRNA LE NGENA
Khawvel inthang pei dan thlirin, Guwahati khawpui hi India hmarsak kotsuo le state danghai tadinga chakkhai lakna hmun poimaw tak a hung nita a. Hi khawpui le a sevel a hai umna hmun khuor a, mani inhmun ngei (plot) nei le chengna in (Flat) hung nei thei ei pung deu deu khelah, Sorkar le company a hai thoka um nghet le inchuklai ei pung pei leiin, Hmathlirna tha neiin le makmawna ah ngaiin, ei hotu hai in Hmar Welfare Society indin in registered ani ta bawk.
A chunga ei hril hai khelah, Guwahati khawpui hi sumdawngna dinga hmuntha le damdawiin (hospitals) hai tha tak tak innghatna a nia; damnaw beidong tluklutna hmun poimaw a hung ni deu deu pei bok. Damnaw tamtakin damna an inlawipui lai zingin, neisun sun senga dam zo talo, mani khuotienga ruong intawl suok ngaina um bok lova, Guwahati hmuna invui ngai le tul ei umpei bok. Invuina hmun ding a vang khelah, suma inchawka invuiliem naw thei ani ngai bok si nawh. Hieng hai ei tong hlak lei le hmathlir hang sukseiin, Hmar Welfare Society chun thlanmuol ding ram inchawk alo nih ta a.
Tuhin, ei thlanmuol le inhneng zing, remchangthlak taka inchawk belsa thei, Welfare in laksa thiltha nia ngaiin, nasa taka thanglak ani zinga, tlawmngai sin thawtlang dingin ei infiel anih. Chukhel tiengah, Hmar Community Hall nei tumna lungril phan tan ani mek bok. Sumhnar siem tumna lampui dap na in `gift coupon’ siem anih a. Chu lampui satnaa thang hung la ve ngei ding le Welfare hmalakna hi mi lo bawzui pui le inchaw pek dingin. I tlawmngaina kan hni el khelah, kan ngiet che/cheu anih.
Ram le hnam tadinga in thawpui.
No comments:
Post a Comment