Lawrkhawm 26 August 2012

Ø    Hung tlung ding September 2, Pathienni chawibiek inkhawm tin (dar 7:00) hin

Department of Music & Youth Affairs, HCFD chun music video album an buoipui mek le inzawma fund raise-na dingin Pu RH Hminglien Hmar in, 626, Sector-3, RK Puram, New Delhi ah banquet an buotsai ding thu ei dawng. Mitin thahnemngai taka zu thang dingin ei fiel.

Ø    Hung tlung ding August 31, 2012, Zirtawpni zantieng dar 2:00 hin Tv. DJ Varte le Nk. Ethel Vaninmawi hai chuh BSSC, Mahipalpur ah kohran danin an innei ding ni’n chanchin ei lo dawng. DT chun ei lawmpui takzet a; nupa ditum tak an insiem ngei ei ditsak hle bawk a nih.

Ø    Liem tah, August 20, 2012 khan Delhi Hmar Welfare Association chun Dwarka, New Delhi ah meeting an nei a. Hi inkhawmna hi Tipaimukh biela ei MLA Pu Dr. Chaltonlien Amo khawma a va sim ve niin ei thu dawngna chun a hril.

Ø    ** HSA Joint headquarters, Delhi in an huoihawt Freshers’ Social Meet vawi 27-na chuh zani, August 25, 2012 khan Samaj Sadan, Sector-4, RK Puram, New Delhi hmunah hlawtling taka hmang zo a lo ni tah. Thu le hla mawi tak tak hai ngaithlak a ni bakah ATM Group ha’n Musical Drama, ‘Tuoni Le Neilal: Glee Version’ an inchang chun mipui lawm a hlaw hle. Miss Fresher chu Nk. Rebecca Ramsiemmawi a ni a, Mister Fresher chu Tv. Nathan Varte a nih. Hi sersuon hmang a ni dan chu Delhi Thurawn suo nawkah kimchang lema la hung tarlang ning a tih.