Lawrkhawm 12 August

HSA Meeting Nei A Nih

          Liem tah August 5, Pathienni zan khan HSA Delhi Meeting nei a ni a. DHPL-V thlirletna nei a ni bakah Freshers’ Social Meet 2012 programme tlangpui induong a ni bawk.

Chun hi le inzawm a mawphurna hrang hrang latu ding hai khawm ruot fel ani bawk. Tukuma HSA Freshers’ Social Meet chu 25^th August hin Samaj Sadan, Sector-4, RK Puram, New Delhi a hmang dinga riruong a nih.

DoM&YA Meeting

            Vawisun, August 12, Pathienni chawibiek inkhawm tin hin Department of Music & Youth Affairs, HCFD Meeting nei ning a tih. Member po po kim taka thang seng dingin Secretary Tv. Lalneilien Inbuon chun inhriettirna a siem.

ICI Executive Council Delhi Ah

            Independent Church of India Executive Council vawi 135-na chu August 14 le 15 hin Bethesda Social Service Centre, Mahipalpur, New Delhi ah nei ning a tih. Hi Council a thang ding hin hmun hrang hranga inthawk ICI kohran thuoitu mi 60 bawr vel an hung khawm niin ei palai chun a hril. Chun, vawizan (August 12) dar 9:00 hin BSSC Chapel ah chawibiek inkhawm khawm um tan nghal a ta, ni 15 zan chenin zan tin inkhawm zie ning a tih. A nuom taphawt hi inkhawma thang ding hin an lawmlut zing thu ei lo dawng bawk. An council hlawtling ngei dingin DT chun ditsakna ei inhlan.

HSA General Hqrs. Secretary Delhi ah A La Cham Zing

            Tv. L. Rothanglien Khawbung, Secretary, HSA General Headquarters chuh chawlkar hni vel liem ta khan Delhi a lo hung chuongkai a. Ama hi sin hrang hrang leiin hun iemani chen a la cham ding niin ei thu dawngna chun a hril.

SSC CGL Tier-I Result Puong

          Staff Selection Commission hnuoia Combined Graduate Level Tier-I Exam result chu kar liem ta khan a suok tah. Hmar nau hlawtlingna chang ei hriet thei chin chu mi zakhat le sawmli (140) lai an tling phak. Hlawtlingna changtuhai po po ei lawmpui takzet a, hmabakah tha taka thaw zawma hlawtlingna chang pei dingin ditsakna ei inhlan a nih.

HCFD Chawibiek Inkhawm Programme

            19^th August 2012, 3:30-5:30 pm

            (Sunday School)

Conductor:    Tv. William R Darngawn

Tantu:                        Nk. Kimi Pulamte

SS Thuoitu:  Pu LB Tuolte

                        (Exodus 30)

            26^th August 2012, 3:30-5:30 pm

            (Sacramental Service)

Conductor:    Pastor Lalsiesang Joute

Tantu:                        Pi Biekvel Varte

Sacrament:   Pastor Lalsiesang Joute