CHANCHIN LAWRKHAWM

## Sin  zawm thar: Central Secretariatah Assistant Grade, direct recruit a tling:

1. Pu Lalhmingthang Songate: Deptt.of Expenditure, Ministry of Finance.

2. Nk. Chonglienmawi: Ministry of Health & Family Welfare.

3. Pu Jacob Shakum: Ministry of Health & Family Welfare. hai chun  November 2011 thla laia inthawk khan training an lo nei ta chu, tarik ni 2, March, 2012 khan an training chu tluongtaka zo felin zani khan an Ministry ding senga sin an lo zawm tah. Ei lawmpui takzet. Ei hnam, kohran le khawtlangah mi trangkai tak hung ni pei dingin DT chun ditsakna an hlan nghal bok.

## CPO(Sub-Inspector, SSB)a sin hmu: Thalaipawl Committee Member le Vice-Chairman lo ni ta hlak, Tv.H Johnson Hmar chu SSC hnuoiah CPO(Sub-Inspector, SSB) a tling thar. Ei lawmpui takzet.

## CSIR-UGC NET a hlawtlingna chang: Tv.Jehova Jire L. Hmar  (Munirka) S/o Upa G K Thanga Sellate (Rengkai) chun CSIR-UGC NET (Physics) December-2011 Exam  result suok a chun hlawtlingna a lo chang. Ama hi Ahmednagar College a M.Sc (Physics) 1st Class a zo ngat khom a nih. Ei lawmpui hle.

## Tuoksiet tuok: Pi. Lalthiengzo W/o Pu.Vanlalmuon Joute chu tarik ni 03-03-12 (zani) zing dar:8:45am vel khan R.K Puram,Sector-IV ie Biekin bullai Car a hnung tieng zawnga hung tlan chun a bawpal leiin Safdarjung Trauma Centre Emergengy pan pui a nih. That tieng a hung pan pei thu ei lo dong

## Delhi Thurawn correspondence dinga ruot thar: HSA area visit le inzoma thil pawimaw a ngai Delhi Thurawn hin vengbuk tin hin correspondence nei sien ti a ni a hiengang hin hung ruot pei nghal a nih.North Delhi-ah: Tv.Lalhrietsung, West Delhi-ah Tv: Chawngneirum Joute (Ruma), Mahipalpur-ah: Tv. Robert Khawbung hai hi ning an tih. Area tin khan chanchin le thil dang dang Delhi Thurawn le inzawma thil insuo nuom hai khawmin an ni hai hi indawn thei zing ning an tih. Hmun danga dinghai khawm la hung ruot pei ni bawk a tih.

## Thina tuok:  Tv.Lawrence Zothantluong(Tawia) S/o Pu. Lalfakzuala Saikot chu tarik ni 28 feb. 2012 zan dar 12:45 vel  khan Dhaula kuan lai Scooter-a an tlan lai truck-in a baw leiin a hmuna  a thina a tuok ngal a. DHWA/HCFD chun Pi Lalremsiem-a in Vikaspuri hmuna sunna hunser tarik ni 29 feb, 2012 zan khan a lo siem tah. Lusun tourtu hai hi ei tuorpuiin, poi ei tipui takzet.