CHANCHIN LAWRKHAWM

## Tipaimukh Biela dingin Pu Chaltonlien Amo: Manipur mipui ha’n nghâkhla taka an lo thlir 10th Manipur Legislative Assembly Election, 2012 result chu tarik ni 6, march 2012 khan puonglang a lo ni tah Hmar biel (Tipaimukh) sunga dingin Pu. Chaltonlien Amo chu thlang tling a nih. A khingpui hai leh hieng ang hi an vote inthlau dan a nih.

1 Dr. Chaltonlien Amo INC    : 4525

2 Dr. Lallukhum Fimate AITC: 3639

3 Ngursanglur IND                   :2894

4 Ngurrivung IND                     :    99

Pu.Chaltonlien Amo hi ei lawmpui hle ruol ruolin ram le hnam  ta dinga thilthra tam tak hung phur suoktu ni ngei dingin DT chun ditsakna insang tak an hlan.

## Tuok siet tuok: Tarik ni 4 march, 2012 Pathienni chawhma lai khan Tv. Lalneilien Inbuon, Secretary Dept. of Music & Youth Affairs chu Thalaipawl thil le inzawma sa suong tuma thuomhnaw lakkhawm dinga Vasant Vihar lai Bike a an tlankuolna-ah an thlu pal leiin,a hahmai le a khakah hai hliem a tuok. That tieng a hung pan pei tah thu ei lo dawng. Ama hi karliem ta khan hun iemani chen cham dingin ankhuo Sielmat tieng insung trulna leiin a lo suok tah.

## Thina tuok chunga ralna hunser:  DHWA member Tv. Henry Haulienkung a pa Pu.Lalhlu Rengkai CCPur chu tarik ni 8 march, 2012 a chatuon ram a mi lo inlawi sanna le inzawmin anaupa Tv. Henry Haulienkung a chengna in Vasant Vihar hmun-ah DHWA/HCFD chun ralna hunser a hmang. Lusun tuortuhai DT khawmin a tuor pui takzet.

## Naute thar nei: Pu Thachunghnung Joute le Grace Niengmawi hai inkarah nau a pahnina dingin nau nuhmeite lawmum takel. Modi Hospitalah tarik ni 7 march, 2012 khan thatakin an lo nei tah.  Ei lawmpui takzet.

##Doctorate Degree inhlan anih: Delhi lai khawm rawng lo  hung bawl tah hlak Pastor Lalmawilien chu Faith Theological College and Seminary, Bangalore chun February 2, 2012 nia 24th Convocation an neina chun Doctorate Degree an lo in hlan, Pastor Lalmawilien h/o Rohlupui of Sielmat, Churachandpur, Manipur chu Healing Ministry and Community Care le inzawma a rawngbawlna leiin Honorary Doctorate Degree an pek a nih. Doctorate Degree inhlana a um ni hi an nupa innei champha a vawi 41a tlingna khawm a lo ni tah bawk. A Doctorate Degree dawng hi ei lawmpui takzet.

(source:hmasawnnathar)

-font-� u l : �� `e� or:#494949'>10 March 2012.