Lawrkhawm June 24, 2012

Naupasal Lawmum:

HCFD Thalai Chairman Pu Timothy Shakum hai nupa (Pi Mawii Shakum) chun 23^rd June zing 9:30 vel khan Maternity & Gynae Hospital, Sector-5, RK Puram ah naupasal lawmum tak el an lo nei nawk tah.

Hi naute hi Kg. 3.6 a rik niin Ceaserean a nei a nih a; hi chanchin ei sut chen hin a nu le naute chu damdawi-ina enkawl an la ni zing ni’n ei thu dawngna chun a hril. Hriselna tha lem le damtaka an hung suok vat theina dingin DT chun ditsakna an hlan.

DU 1^st Cut-Off List:

June 26, Thawleni khin Delhi University hnuoia inzieklut thar, college chang tahai list a suok ta ding a na. HSA Delhi chun hi ni hin North Campus ah ei tleirawl tharhaiva’n rawi venawk an tih. Tukum DU Registration Help Desk le inzawma an inthawk tawpna ding an tah. Hi le inzawma hriet ding:- A fe ding hai chu zing dar 10:00 a a hmun tlung hman ding; Inzieklut thar hai khan Acknowledgement Card le Admission related documents po po a kim thei anga chawi ding.

Mithi Ral Ding

Ei Val-Upa Pu Lalchunghnung Infimate a nuhmei Pi Mahmingi upa, Pu Ramhlunmawia (35) chu vawisun chawhnung tieng khan thin natna leiin Aizawl ah muol a milo liem san tah. Hi le inzawm hin vawizan inkhawm tinah DHWA le HCFD chun Pu Lalchunghnung Infimate hai in Vasant Vihar ah ralna hun hmang an tih. Hmun hla a inthawka hung inkhawm hai khawm buoi lo a khawsawt in an leng ve nghal a remchang lema hriet a ni leiin vawizan chuh ei mithi ralna hun pangngai neka inhma lem, dar 7:00 ah program tan ning a tih.