Tawngbauhai 03 June 2012

K. Thangkhansuan Ei Lo The Tah:

            May 30, 2012 khan Mr. K. Thangkhansuan s/o K. Zamkhanpau of New Lamka chu ei lo the tah.

Ama hi DWHA member Nk. Carolyn Ching, Munirkaa a cousin Nk. Betsy Mawii hai le um mek, unaupa a nih. Hi zan la la hin DWHA le HCFD chun ralna a nei nghal. Lusun tuortuhai ei tuorpui takzet.

Ram Le Hnam Tadinga Tawngtaina:

            HSA Delhi Jt. Hqrs. hmalakna’n June 1, Zirtawpni zan khan Pi Judith Hmar in, 920, Sector-8, RK Puramah Ram le Hnam tadingin zankhuo’n tawngtaina hun hmang a nih. Hi huna hin mi thahnem tawk tak an thanga, inhawi an ti tlang hle ni’n ei palai a’nthawk thu ei lo dawng.

UBS Inchuklaihai An Kir Ta Ding:

            UBS, Pune a BD inchuk mek ei Pastor Lalditsak, Tv. Steven L.Infimate le an ni ruola Delhi a chawl hung hmang ve, ei hlasakthiem Tv. Richard Tryte hai chu an lut a lo hun  nawk ta leiin kar thar khin Pune panin Delhi an lo suoksan nawk ta ding ni’n chanchin ei lo dawng. Tluong taka inchuk pei a hlawtlingna hung chang pei dingin ditsakna ei inhlan a. Tawngtaina’n lo san zawm pei dingin ei in fiel thar bawk a nih.

DU Undergraduate Registration 2012:

            Delhi university hnuoia undergraduate course hrang hrang a ding registration hun chu June 4, Thawtanni khin DU North le South Campus hai ah tan ni tang a tih. Hi le inzawm hin HSA Delhi chun Help Desk a buotsai nawk ding a ni a. HSA Help Desk hi nitin a hawng a ni naw ding a ni leiin registration thaw ding hai chun HSA  thuoituhai le inhre paw a va bawzui dingin ei inhriettir thar a nih. Document pawimaw le HSA thuoitu hai contact no. a hnung kawmah hmu thei a nih.

General Store Hawng Thar:

            Ei Games & Sports Secretary Tv. Phlegon nu Pi Lalengmawi chun Ramesh Building, Mahipalpur ah tuta kar liem ta khan General Store a lo hawng ve tah. Kuva, Sathu, Tlangram hme, Rawtuoi le Nga tin le thil dang dang iengtik lai khawm inchawk thei zingin a um thu ei palai in a hril.