Lawrkhawm June 10, 2012

Ei  Lȃwmpui  Takzet

Nk. Rebecca Lalnunfel Ralsun, d/o Pu Thangnuntluong  Ralsun le Pi Mary Infimate  chun  All India Pre-Medical Entrance Test ah hlawtlingna a chang. Ieng Medical College tak am  a chang ding hriet a la ni naw a, ama chun south tienga fe a nuom thu ei hriet.

Chun, Assam state a Engineering Entrance  le Medical Entrance Test ah hlawtlingna a chang ve ve bawk. Medical ah lem chu Hill Tribe candidate hai lai an sáng tak ni a hriet a nih. A hlawtlingna hi DT chun a lâwmpui takzet.

Thalaihai Hla Khum

            Tuta kar liem khan Dept. of Music & Youth Affairs, HCFD chun an music project a ding hla pahni Ebony & Ivory Records, Hauz Khas ah an va khum sap nawk. An zona dingin kar thar hin hla pakhat an la khum nawk ding ni’n hotuhai a’nthawk thu ei lo dawng.

DU Registration Help Desk

            June 4 & 7 hai khan HSA, Delhi chun DU Registration fe mekah inchuklaihai sawmdawlin DU North le South Campus ah tumkhat ve ve Help Desk a va hawng ve. Tu chena HSA hrietpui a eini mi DU Undergraduate Course a in register ta po chu mi 15 lai an nih tah. HSA Delhi a inthawk chanchin ei dawng danin Students hai thangpui dinga in Volunteer nuom taphawt ta dingin kawt lientak an hawng zing a nih. Buoina dang a um naw a huntha ei hmu chun hung tlung ding Dt.12 June (Tuesday) hin DU north campus a HSA chun Help Disk hawng nawk a tih. Registration thaw nuom hai chu HSA thuoituhai le inhriet paw thang a tih.

Mahipalpur Ha’n Mikhuol An Nei

Vawizan khan Mahipalpur area vengbuk inkhawm hai chu South Korea a inthawk kan tu an nei a inkhawm khawm inhawi an ti hle niin chanchun ei dawng, An mikhuol hai hin zanbu awt puiin hnienghnar takin an um ti thu ei dawng bawk.

                       

DT poll:

@ Pathien ni zat a Delhi Thurawn ei zawr tlangpui hi bu 50 vel in a ni a. Ei tamzie en chun ei zawr tam naw hle. Hi neka tam lem ei zawr theina ding chun.....?

1.             Article tam sien

2.             Tawngbau tam sien

3.             Chanchin Lawrkhawm tam sien

4.             Aman suk tlawm inla

5.             Students/Career related tam sien

6.             Subscribtion um nawk sien

Hmar Christian Fellowship, Delhi

Sunde Skul 17^th June 2012, 3:30pm – 5:30pm

Subjek : Exodus Bung-28               

Conductor                 : Pastor Lalsiesang Joute

Tantu                                     : Tv. Jim Blessing

Thuoitu                     : Pastor Lalsiesang Joute