Pu JS Lalringum Ei Lo The Tah
DHWA Member Pu JS Lalringum (42) S/o Pu Saitho of Saidan, hun
iemani chena inthawka jaundice natna leia damdawiina lo in enkawl ta chu 5
October, 2012 zandar 8:00 khan a chatuon hmun panin a mi lo inlawi san tah.
Ama
hi HSA, Delhi President khawm lo ni hlak, DHWA indintu laia mi, mi tlawmngai le
kawng tam taka ei khawtlangin ei lo hamthatpui em em a ni a. Ei inpam
takzet. A maksan a nuhmei le a nauhai, a sunghai lo tawngtaipui zing ei tiu.
October 5 & 6 zan hai khan DHWA le HCFD
inrawina hnuoiah lumen pui a ni a, October 6 khan a khawtlangin sunna hunser ei
hmang bakah President Secretariat a a thawkpui ha’n sunna hunser an hmang bawk.
Hi sunna hunser a hin President Pu Pranab Mukherjee khawma ralna parchei
a’nhlan. Chun, a ruong hi vawituk, October 7, khan Air India vuongna in an khuo
tieng panin a lo tawl ta a nih.
Thalai Inkhawmpui October 12-ah
Kum
nga liem ta laia inthawka ei lo nei tan Thalai Conference vawingana chu
tuta kar Zirtawpni, October 12, 2012 hin BSSC, Mahipalpur, New Delhi hmunah nei
ning a tih. Delhi le a sevela vengbuk hrang hrang group panga a the hai chu item chi hrang hranga inruolsiekin, hi hun hi
Pathien thu le hla haia inpawlkhawmna a hmang ning a tih. A thei taphawt chu va
thang seng tum ei tiu. Chun, hi inkhawmpui hi Pathien
malsawmna tam tak hmang a ni ngei theina dingin mitinin ei tawngtaina haiah lo hrezui pei ei tiu.
No comments:
Post a Comment