Lawrkhawm 30 Sept. 2012

## Tuta kar liem ta a Manipur Civil Service result puonglanga uma chun ei unau mi pasari lai zetin hlawtlingna an lo chawng ve nawk tah. Hieng hai laia a tam lem chu

Delhi HSA member lo ni hlak le Delhi a la khawsa ve mek hai an nih. HSA Delhi thuoitu lo ni hlak le thahnemngai taka lan hmang ve zing Tv. Solomon L Fimate khawm hlawtlingna chang hailai hin a thang ve. Hlawtlingna changtuhai po po DT chun a lawmpui takmeu a nih.

## DHWA Member Pu JS Lalringum chuh zani hmasak lai khan sung tiengpang harsatna leiin damdawiin lutpui a ni thu ei lo dawng a. A’n rik fut leiin thisen dam pek a ngai a, ei thuoituha’n mi tlawmngai an ngaiven zeta chuh a thawkpui han an pek ta lem ni’n ei thu dawngna chun a hril bawk. A chanchin ei hriet chena chuh a la chau hle ni’n ei hriet a pawi ei ti takzet. Mitinin lo tawngtaipui ei tiu.

            Hieng lai zing hin Pu Lalhmingthang Ruolngul khawm la changkang hlei thei loin damdawiinah enkawl sunzawm pei a ni bawk. Ama khawm lo tawngtawipui sunzawm pei ei tiu.

## October thla tawpa NE Tamchon Football Trophy a inkhel dinga shortlisted player hai kha October 1, Thawtanni zingkar a inthawk hin IIT Ground ah training tan a ni ta ding thu Hmar FC Managing Committee a inthawk thu ei lo dawng. Remchang lema hriet a ni leiin training hi nitin zing dar 6:00-9:00 am inkar sung nei ning a ta, player hai kim taka thang seng ding. Chun, DT a ei lo insuo ta Probable Player List a thangsa kher lo hai khawm inhnikna nei tak tak hai chun hi training session hi zawm ve thei a nih. Ei hril ta angin thlangchieng sa an la um bik naw a, final squad chuh thla tawp tieng ei thlang fel a ni ding a nih.