Lawrkhawm 21 Oct, 2012

## Innei thar: Tv. Hrilliensang Ralsun S/o L.Rawnkung Patpuihmun le Nk. Fimneikhawl D/o Lalrawnthang Senvonhai chu zani tarik ni 20^th  October, 2012 khan Bethesda Social Service Centre.

Mahipalpur New Delhi hmuna HCFD huoihawtna hnuoia Kohran dan thienghlim in Pastor. Lalsiesang in a lo innei tir tah. Hrila le Fimi hi nupa ditum tak hung niin kohran le khawtlanga mihai tadinga malsawmna hung ni zawm pei dingin DT chun ditsakna an hlan nghal bawk.

## Editorpu’n Delhi suoksan a tum: Hun sawttakel Delhi Thurawn editor lo chel tah, ei Editorpu Tv. William Darngawn chu a hung kir nawkna ding hun tiemchin umloin karthar khin vengtieng a lo suok tum ve tah. Hi le inzawm hi zani tarik 20^th Oct. 2012 khan HSA Executive members le DT Editorial Board hai chun inthlana hunser ropuitakin, ruoi hnienghnar tak leh nei a nih. Ei editorpu Pathien-in thuoina dawng pei dingin ei ditsak takzet.

## Lawmman lawmna hunser nei: 5^th Thalai Conference HCFD huna group tin haiin anlawmman dawng hai lawmna hunser annei tawl mek. Zirtawpni liem tah khan Rev. Chawnga Group hai chu ropui takin an lo lawm zo tah. Voizan khawm hin Upa Ngama Group haiin lawm nawk ve thung an tih. Thawtan zan hin Pastor. Thangngur Group hai khawmin nasa taka lawm dingin an insingsa mum mum zing ni in chanchin el lo dawng.

## Delhi an suoksan ta ding: Pu Jessai Ralsun le Pi. Lalbieklien hai chu hun sawttakel kum 10 lai hiel Delhi, Mahipalpurah an lo khawsa hnungin karthar thawlenni hin an khuo Sielmat tienga um lem ta dingin an lo inthok suok tum tah. Mahipalpur mipui hai chu ankhuo a sawt tan mek. Thawtranzan hin inthlana programme annei ding thu ei palai a inthawkin thu ei lo dawng. Dam taka fe dingin ei ditsak ei in hlan nghal bawk a nih.