Lawrkhawm 23 Sept. 2012

Exam! Exam!

          Pathienni hmasak, 16 September, khan ei member iemani zat chun Staff Selection Commission hnuoiah Combined Graduate Level (Mains) exam an lo nei tah a, vawisun khawm khan mi thahnem ve tawk tak chun Assistant Central Intelligence Officer-II (Itelligence Bureau) exam an pek ve nawk thung.

Chu chau chu ni lo in tuta kar khawm hin Post-Graduate (Term Paper) exam nei ding an um nuol a, Under Graduate hai khawm Internal Assessment exam pe dingin an insingsa mek bawk a nih. Ei inchuklai hai hi exam chi hrang hrang pe dingin an insingsa zing a ni ti hrein mitinin maloin lo tawngtai pui zing hlak ei tiu. Lenglai hai khawm kha thaw ding mumal nei ni si lo a ramtin ramtanga leng lawr mei mei kha chu a thing tei an tah ti theinghil nawng ei ta; eini ei lo thawveng lai deu a ni khawma lungrilah mi dang hai ngaituo ranin, hnawksaka inchang tum lo dingin ei in fiel thar a nih. Ei hriet ta sa khawm nisien thahnemngai thilah ei zuk tarlang sa a ni chuh!

Delhi a Sin Hung Zawm Thar:

          Delhi tlangval hlui Pu Lalthuoisang Pangamte aka Bawia Pangamte chu Ministry of External Affairs hnuoia a sin thar zawm dingin Delhi a lo hung chuongkai nawk tah niin ei palai a inthawk chanchin ei lo dawng. DT chun ei lo lawmlut nawk takzet a, hmatieng peiah hlawtlingna insang lem chang zawm peia ram le hnam ta dinga malsawmna intluntu ni zawm pei dingin ditsakna a’nhlan nghal bawk.

Pu Ruolngulji A Tha Pei:

Pu Lalhmingthang Ruolngul damnaw enkawl mek a um chu that tieng a hung pan met met pei tah niin chanchin ei lo dawng. Tawngtaina’n lo san zui pei ei tiu. A damnawna le inzawma tlawmngaia thisen lo petu ei tlangval hai inpak an um takzet. Lawmna ni a chau ni lo a nat le sat ei tuok chang khawma pi pu nunmawi tlawmngaina insuo a ei insawmdawl tuo thei pei hi lawm a um takzet. Pathien hring neituhai thaw ding hrim khawm a ni bawk. Tu chena Pu Lalhmingthang Ruolngul damnawna lei a thisen lo petu ei hriet thei hai po chu a hnuoia hai hi an nih:

1. Tv. Damrawse

2. Tv. Lalsansuok

3. Pu Thanglalmuon

4. Tv. Lallawmthang

5. Pu Timothy Shakum

6. Tv. Hrilzarlien

7. Tv. Ngamneivung

8. Pu Samuel Sungte

9. Mr. Kanak Das

10. Tv. Lalfakzuala Hrangchal

11. Tv. David Khawbung

Dawr Thar- Ben & Rose International:

Pi Rosy Khawbung w/o Pu Benjamin Khawbung chun zani tarik 22 September 2012 khan K-96, Mahipalpur New Delhi-ah Dawr, Ben & Rose International ti a lo hawng thar ve nawk tah. Hi dawr hi Pastor Lalsiesang-in tawngtaia inhlanna a nei zo hnungin hluo tan a nih. An dawra hin thuomhnaw chi dang dang, nuhmei/pasal incheina thil hai sie a ni a, a tam lem chu Bangkok thuomhnaw a ni tlangpui niin ei palai ainthawk chanchin ei lo dawng. Delhi a eini mi hieng ang dawr hawng thei a ei hang um pei hi ei lawmpui takzet.

Hrillang lai lai tlawm a zawng la zuk belsa zawk inla; thla iemani zat liem ta a inthawk khan Tv. Joseph Lalzuithang Sanate khawma Arjun nagar, Safdarjung lai sawn call center thar, Xanate Global Services ti a lo hawng tah a. Chu hnung meta Pi Lalengmawi khawma Mahipalpur ah North East Store a hawng thar ve nawk a. Tu hin Pi Lal Remsiem hai khawma Vikaspuri lai sawn restaurant hawng thar nawk dingin an inpuocha mek niin chanchin ei lo dawng bawk. Sumdawngna tienga hmalatu hai ei suongin ei lawmpui hle. An reng hin hlawtlingna chang pei dingin DT chun ditsakna a’nhlan nghal bawk.

Sikpuiruoi OC Meeting:

          Vawisun, 23 September, dar 6:00 pm hin tukum Sikpuiruoi le inzawmin Pu Hrangthangvung in, Sector-3, RK Puram ah Organising Committee hai inthungkhawm an tih.

HSA Meeting:

          Hung tlung ding September 29, Inrinni hin HSA office, Vasant Vihar ah HSA Meeting um a tih.

6^th North East Tamchon Trophy:

          Kumtina India hmarsak mi hnam hrang hrang hai fo inkhela an inruolsiekna hlak North East Tamchon Football Trophy vawi ruk na chun 17^th November khin tan ni nawk tang a tih. Hi taka thang ding hin nikuma pathumna latu Hmar FC khawm fielin an um nawk a. A tul anga hmalatu dingin HSA Delhi chun Hmar FC Managing Committee (HMC) khawm a lo indin fel nawk der ta bawk. Tamchon Trophy huoihawttu Tangkhul Naga Society Delhi (TSND) chun vawisun, 23 September, zantieng dar 6:00 pm hin Nagaland House ah Dinner Party an buotsaia, fixture draw ni tang a tih.

            HMC chun Delhi a ei inkhelmi hai khawm anhma tienga mani remchang ang peia lo in la fit ta dingin a beisei a. Hmar FC Squad Final Selection chu October thla velah puonglang ning a tih. Hmar FC hminga inkhel thei ding awma HMC in inkhelmi a thlang suok (probables) hai chu a hnuoia tarlang hai hi an nih:-

1. Damrawse Sinate;

2. David Ramchullo;

3. Erwin Infimate;

4. Gospel Ralsun;

5. James Milienropui Khobung;

6. Joseph Lalmalsawm Mihriemate;

7. Lalramlien Tusing;

8. LH Michael Hringlon;

9. Mordekai Joute;

10. Paul Hellienthang;

11. Puia Hmar;

12. Richard;

13. Robullien;

14. Rochanlien;

15. Roland Tuolor;

16. Samuel Tusing;

17. Solomon Mihriemate;

18. Stephen L. Ruolngul;

19. William R. Darngawn; &

20. Zalienhmang