Amazing Facts In History

Amazing Facts In History

(Hriet ve mei mei dinga tha)

*1630’s lai vel khan Japan a chun Japanese mi hrim hrim an ram suok san tuma an hriet hai chu an that pei hlak.

*1865 February thla khan thla lir zan (fullmoon) a um nawh. Hi hi tu chen a hieng ang thil tlung record la um sun a nih.

*Kum 3000 liem ta khan Tutankhamen-a thlan a’nthawka an cho dawk rangkachak a siam hmul metna chem (razor) chu tu chen hin hmang thei in a la ngei zing.

*August 2, 1830 khan France lal pakhat Louis XIX chun breakfast a fak a’nthawka a sun thingpui dawn hun chen chauh an lalna a chelh.

*Kum tam tak liem ta khan Scotland a chun infiemna thar hmusuokin, a dan chu ‘Gentlemen Only; Ladies Forbidden’ ti a ni a. Hi taka inthawk hin tuta English word a GOLF an ti hi a hung suok ta a lo nih.

*Inhma laia Chinese doctor hai khan an damnawhai an enkawl dam chauh in fee an hmu hlak a. Zuol tieng an pan pei lem chun a doctor hai lemin damnawhai kha pawisa an pek lem hlak a nih.

*Charles Dickens-a kha a in pha pha sim tieng a ngha zie hlak.

*Tarmit hi kum 700 vel liem ta a’nthawk khan bun tan a ni tah.

*White House, tuta Washington DC a mi hi a hma khan chu Grey rawng (colour) a ni a, 1812 indo lai khan Canadian sipaihan an raw a. A bang vel hai chu a kang ung vawng leiin chu kangung rawng thupna ding chun tuta a rawng var hin an chei tha a nih.

*Inhma lai a European mi hai khan khuoihli an nei pha a nat suk nepna dingin rangkachak nawi chu tui leh an pawla an lo dawn hlak.

*Allied Forces han Berlin a bomb an thlak hmasak tak tum khan Berlin zoo a sai pakhat chauh a thi.

*Celtic warrior-hai khan a changin saruoka rawng pâwl innal vawngin ral an bei hlak.

*Acupuncture ti a hriet lar hi 2700 BC vel khan Chinese Emperor Shen Nung in a hmang sin hmasa tak.

*Tienlai Aigupta mihai khan an mengtehai (cats) an thi pha a sûnna’n an mit hmul an ziet hlak.

*Kum zabi 10 lai vel khan Persia lal pakhat Abdul kassam Ismael chun a fena taphawtah a library a chawi sa zie a. A lehkhabu hi a rengin bu 117,000 niin sanghawngsei zali velin an phur hlak a nih.

*Europe khawmuolpui a ‘The Black Death” ti a hriet lar em em el, Epidemic disease inkaisawng leia thina khan 1347 leh 1351 inkar ringawt khan Europe population chu hmunthum a the a hmunkhatin a tlak hnuoi pha a nih.

*Coca-Cola rawng indik tak chu a hring a ni daih.

*America a African sal thuoi phei hmasa tak tum chu 1619 niin Dutch lawngin Virginia a phur phei an nih.

*Pope lo ni tah 262 laia 33 hai chu tuolthatna (murder) leia thi an nih.

*Vestle Virg chu nuhmei-pasalna kawngah a thutiem a hlen naw leiin a hring a phum (buried alive) a nih.

*Cleopatra khan a unau pui pahni zet pasalin a neive tlat chuh!

*Sakawr chung chuong lim (statue) ang hi park vel ah leh movie a hai dam ei hmu nuol tah ring a um. Hieng hai hi umzie nei thlap a indin an lo nih. Lim ah chun sakawrin a hma ke pahnih a khai kang chun a chunga chuong chu indona ah a thi a ni ti an entir. Chun, a ke pakhat chauh a khai kang chun a chunga chuong chu indonaa a hliem tuor lovin a hnung metah a thi tina a nih. A ke khai kang loa a ngir ruok chun natna leia thi a ni ti an entir a nih.

*1920 khan Germany ah pawisa hlutna a tlahnuoi thut el a,US Dollar khat hin German Mark 4 quintillion a tluk a nih (quintillion chu 1 le biel 30 intlar a nih. Rep Rep mei a!).

*Indopui pahnina lai vel khan thir a vang em leiin Oscar Award a an sem suok khawm kha Plaster a siem a nih.

*Tienlai a Roman hai khan sie an insam ding phat an zamaw an hup phawt hlak.

*Typewriter hmang a novel ziek hmasa tak chu Tom Sawyer a nih.

*1800 hma tieng khan chuh mani inthat tum, thi si lo hai chu a hremna dingin that nghal a ni hlak.

*Panama Canal bawlna a khan a bawltu mi 25,000 vel thi in mi 20,000 vel in malaria an invawi.