LAWRKHAWM

DHPL-V: Day 3 Zo A Ni Nâwk Tah

            Zani, July 28 khan (L) Fimlunghnem Memorial Trophy 2012 ni thumna chu DDA Sports Complex, Vasant Kunj ah hlawtling taka hmang zo a lo ni nâwk tah. League stage zo a ni ta a, August 4, Inrinni khin final inkhêl nìng a tih. Team tin vawithum seng an inkhêl zo hnunga point hmu insâng tak Habakuk FC (9 points) le a dawttu Khuplal FC (6 points) hai chun final inkhêl an ta. Chu taka hrat lem lem chu Delhi Hmar Premier League-V champion niin, (L) Fimlunghnem Memorial Trophy le sumfai chêng sìng khat (10,000) an dawng ding a nih. 

 

Inzin Suok Le Lut

            HSA Delhi President lo ni ta hlak le Delhi Thurawn ta dinga thahnemngai ém èm, SIPHRO Chairman Pu David Buhril chu kar hmasak lai khan Delhi a lo hung chuongkâi nawl el. Seminar a thang dinga hung niin chanchin ei lo dawng. A sin tulhai tluong taka a zo ngei ei ditsak.

            Chun, kâr hmasak lai vel a’nthawk khan châwl hmanga mani khuo tienga suok hai a hung vuong lût nâwk tak tak tah. HSA Delhi General Secretary Tv. Zacharia Varte chu nipui châwl hmanga hun iemani chen Rengkhawpui, Tuithaphaia a hang thang hnungin zani, July 28 khan dam takin New Delhi a lo hung chuongkâi nâwk tah. A rawng khawm a nuom nekin a hang tak hman deu niawmin ei palai chun a hril. Chuonglaizing chun, ama nêka châwlkâr khata inhma in DU North tienga ei thuoitu hlun Tv. David Joute le Tv. Lalhrietsung hai khawm Delhi an lo hung chuongkâi ta bawk.

            A then an hung lût zing laiin Pu Benjamin Khawbung chuh tuta kar hin a sin thaw le inzawmin Hongkong tieng a’nzin suok ding niin chanchin ei lo dawng thâwi vuot a. Ieng chen am a hang châm ding ti ruok chuh ei hriet ta naw tlat. Iengpo khawm nisien, hlawtling tak le dam taka Delhi a hung chuon nawk ngeina dingin ditsakna ei inhlan.

 

HCFD Music Video Album

HCFD Zaipawlin Music Video Album Volume-II buotsai a um mêk chu August 1 (Cathedral of Redemption Church le President’s Estate) le August 2 (Apostles’ Methodist Church) hai ah video shooting nei ning a tih. Hi le inzawm hin nasa takin hma lâk mêk a ni a. Thawleni khan Pathien thu le hla a inpâwlkhawmna hun nei a ni bakah Nilaini khan Pastor Lalsiesang rawiin ei thalai thuoituha’n a hmun le hmang hai enfelna khawm an lo va nei ta a nih. Chun, Zirtâwpni khan Pu HK Kawllienthang hai in, Sec.-8, RK Puram ah hla inchûkna nei a ni nâwk a; July 29, Pathienni inkhâwm trin char hin Pu RH Hminglien Hmar hai in, Sec.-3, RK Puram ah hla inchuk ni nâwk bawk a tih. Video a thang ding hai po po chuh hi hla inchûkna a thang seng dingin Music Secretary in inhriettirna a siem.

 

Lekhabu Thar ‘Ka Lunglai Hluozotu’ Tlangzar

Hmar Literature hmasâwnna dinga thaw hlawk tak el, Pu L Ruoivel Pangamte lekhabu ziek ‘Ka Lunglai Hluozotu’ chu July 27, 2012 khan an chêngna in, Rengkai, Tuiṭhaphai ah tlangzarna hun hmang a nih. A ziektu kum 60 a tlingna le inzawma buotsai, Phêk 102 a sa, chêng 70 man lekhabu hi a pa, Pu Ngamthangvung Pangamte’n mitin inchêwk le tiem thei dingin a tlangzar a. Hi lekhabu a hin Pu Ruoivel in a thusep (article) hai a hluo lut a nih. Lekha inchûkna kawnga mi ṭhahnemngai, pa bengvâr le râwn kai, Pu Ruoivel hi Churachandpur Govt. College ah Vice Principal sin chel mek, English Department-ah Head of Department a ni a. Zohnathlak hai lai chuh English Grammar thiema hrietlâr a ni bawk.

Civil Services 2012 (Prelims) Result A Suok

            UPSC hnuoia Civil Services 2012 (Prelims) result chu tuta kâr liem ta khan puonglangin a lo um tah. Eini mi a tling an um le um naw ruok chu hi chanchin ei sut chen hin hriet thei ei la nei hri nawh.

SHDC Thuoituha’n Rs.1.75 Crore An Hlêprûk

Sinlung Hills Development Council (SHDC) a thuneituha’n State Treasury a’nthawk chêng vaibêlsie (crore) 1.75 zet indiklo takin an lak dawk ni’n Comptroller and Auditor General of India report chun a hril. Hi sum hi June 2010 le February 2011 inkâr sûng khan bill tehlem 263 siema an lâk suok niin a tarlang bawk.

HSA General Hqrs. In Inrem Dingin A Ngen

Tulai hnaia Assam rama Bodo le Muslim hai buoina le inzawmin HSA Gen. Hqrs. chun a tu tieng tieng khawm buoina tâwpsan a inremna lampui hraw lem dinga a ngen a. Hi ngenna, ‘Press Release’ hi tuta kar liem ta khan sap tawng chanchinbu tam takah inchuonin a um niin ei palai chun a hril.

 

Hmar Artistes Association (HAA) Thuoitu Thar

Kum 2012-2015 sunga Hmar Artistes Association (HAA) thuoitu dinga thlang thar hai chu:-

1. President  : Mr. Suozalien

2. Vice President  : Mr. L. Muonthang

3. Secretary  : Mr. Lalsuong Famhoite

4. Asst. Secretary  : Mr. Boris Ramnghakmawi

5. Finance Secretary  : Ms. Jeneth L. Varte

6. Treasurer  : Mr. Lalzarlien Zote

7. Information Secretary  : Mr. Immanuel Lalneisang

8. Publicity  : 1. Mr. Joseph Joute,                        2. Mr. Timothy Zote

9. Auditors: 1. Mr. John Banyan Songate,           2. Ms. Lalramthang

Committee Members:-
1. Mr. Zaituokung                 2. Mr. Lalramsiem

3. Mr. Elmuonvel                  4. Ms. Vanlalhriet

5. Mr. Lalsanglien Zote        6. Ms. Lalparzo

7. Mr. Hrangtluonthang      8. Mr. Lalzarlien Inbuon

9. Rev. Thangsuolien            10. Mr. John F. Hmar

11. Mr. Zokung

Executive Members:-
1. Mr. Lalhrillien, MDC       2. Mr. James Songrolal Songate

3. Ms. Lalnunthar                 4. Mr. Rochullo

5. Mr. C. Lalthlunglien        6. Mr. L. Rochunghnung

7. Rev. G.B. Niropui             8. Mr. Vanlalhlun Traite(Buonga)

Regional Secretaries:-
1. Mr. Lalrawngbawla Ralte, Mizoram
2. Mr. L.Z. Hmar, Meghalaya
3. Mr. Ngamrothang, N.C. Hills
4. Mr. J.L. Faihriem, Cachar
5. Ms. Nienglawmkim, Vangai
6. Mr. Chunga, Hmar biel

Legal Advisers:-
1. Mr. Albert Thangthasiem

2. Ms. Margareth Traite

Advisers:-

1. Mr. Samson, Mahajon
2. Mr. J. Barnaba
3. Pu Thangsawihmang.
4. Rev. Ruolhlei Pakhuongte
5. Mr. Laltlangmawi

(Sourcce~HmasawnnaThar)