Ø
Zani, August 18, Inringni khan Mahipalpurah HSA
Meeting nei a nih. Hung tlung ding 25th August a ei Freshers’ Social
Meet hmangna ding le inzawma thu pawimaw thenkhat
ngaituo tlang a nih.
Ø
Hung tlung ding August 20, 2012 (Thawtanni)
zantieng khin DHWA meeting, PMS Guest House, Dwarka ah ko a ni a, Executive
member, Val upa, Nghak upa hai po po thang seng
dingin Secy. Pu Lalchungsiem Thlawngate’n inhriettirna a siem. Hi Meeting hi
zantieng dar 5:30 a tan ning a ta, dinner buotsai nghal ni bawk a tih.
Ø
Saikot constituency a MDC Pu Hrila chu tuta kar liem
ta lai khan tulna thenkhat leiin Delhi a hung chuongkai niin ei palai a’nthawk thu ei lo
dawng. DT chun ei MDC hi a lawmlut takmeu a, hlim tak le hlawtling taka a um
sung hun a hmang ei ditsak bawk.
Ø
Tulaia ei boruok ptawng mek le inzawmin liem tah
August 17 khan Delhi Police chun Hauz Khas Station ah North East mi community
hrang hrang le Student Union hrang hrang, Delhi a cheng hai chu thukhawchang
hrilpuina hun an hmang pui. Hi huna hin HSA Delhi hmingin ei President rawiin
mi iemani zat an va thang ve. Delhi Police chun, North East mi hai chu ti lo ding le
harsatna/vauna an lo tuok pal a ni chun an rang thei anga Police kuta intlun
nghal dingin a hril a. Belchieng dawl lo thuvuongva mei mei lei a lungril tithawng lo
dingin a thlamuon. Chun, NE mihai thangpui dinga
iengtik lai khawm an in pei zing thu an hril bawk. Thu chieng lem chu Editorial page ah hmu thei a nih.
Ø
Olympic Bronze Medallist Pi MC Mary Kom thangin India
inkhelmi iemani zat chu August 17 khan Delhi a hung vuong lut a. IGI Terminal 3
a lawmluttu mi tam tak lai HSA Delhi khawm va thang ve in
Hmar Thangsuopuon insiltirin a hlawtlingna a lo va lawmpui ve. Ei thuoituhai an
thaw tha, lawm an um takzet.
Ø
Independent Church of India Council vawi 135-na chu
tuta kar liem ta khan BSSC, Mahipalpur ah hlawtling taka zo fel a lo ni tah. August
17 khan Council palai thahnem tawk tak chu Agra tour nei pui an ni bawk.
No comments:
Post a Comment