Kan
hmangai em em kan naupa Mr. K.Thangkhansuan in May 30, 2012 a hun lo
taka a chatuon ram tieng a mi lo inlawi sanna chungah kan hrilhaih hle a.
Sienkhawm
iengkim chunga thuneitu, hringna petu le la theitu Pathien hun ruot a tlat si. Mihriem
rama chu lungkhambangna ding kan invai ruoi a. Abikin, kan naunu Carolyn Ching,
Delhi a um mek chan kan ngaituo in, a khat chau a lusun thlaphang taka a um
ding chu kan ngai ngam naw a.
Amiruokchu,
Delhi a u le nau, mi lainatu, Pathien in hmangaina nei dinga a mi’n chuktirna a
taka suklanga kan naunu lungngaina lo hnemtu hai po po chungah kan lawm takzet
a nih. Delhi Hmar Welfare Association, Hmar Christian Fellowship Delhi le
Nunghak-Tlangval ha’n kan tuorna min tawmpuia
tha le zung, sum le pai le in hun hlu tak tak hai inhlana in mi ralna le in mi
lo sunpuina chungthu ah hi chanchinbu Delhi Thurawn fe thleng hin Pathien
hmingin lawmthu kan hung hril tak meu meu a nih.
Kan
lawmna hi thu’n kan puong seng naw a, thilpek khawma rul zo thei nawng kan ti
cheu ti chu kan inhmai nawh. In chunga kan lawmna hi lungriem mitthli’n a
luongliem lem hiel a nih. Mal tin sawmtu ei Pathien chun taksa le thlarau
mawlsawmna tam taka vurin mi chanhaih le lusunhai ta dinga mawlsawmna ni zawm
pei thei dingin in hma thuoiin
thungrul lem ngei a ti cheu ti hi kan ditsakna le tawngtaina a nih.
In
hmangaina dawngtu,
Mr.
K.Zamkhanpau & Family
New
Lamka, Churachanpur, Manipur
No comments:
Post a Comment