LAWRKHAWM

* Mid-Semister Exam: Tulai hin J.N.U le Delhi University studentshaiin mid- Semister Exam an nei mek.Inchuklai hai -

Under graduate le Postgraduate course student po po haiinresult lawm um tak tak ei hmu nawkpei theina dingin nasa nawk zuolinthang lain infui zuol sau sau ei tiu.

* Kidney Transplant Tluong Taka Nei: SinlengNews a’thoka thu ei lodong angin; Mr. Paul Buhril chu Kidney failure leiin Kolkata tieng hun iemani chen a’nthok ta khan damdawiina inenkawl a lo ni tah a. Delhi a in enkawl sunzawm dingin September thla bul khan Delhi anhung pan pui nawk a. Indraprastha Appolo Hospital (Sarita Vihar)-ah admit a ni hnung, September 9, 2011 khan Kidney Transplant chu hlawtling taka thaw a lo ni tah. Aunaupa Lamkhanthang (Thathang) Buhril in a Kidney a pek a nih. Karkhat sung ICU a an um hnung, September 15 khan Tha thang Buhril chu discharge a ni tah. Paul Buhril khom chu 16 September khan discharge ve nghal a nih. Tu hin an pahni’n Munirka-ah an um. Tawngtaina’n lo san nawk pei ei tiu.

* Kal Operation: James Lalremruot s/o John Robert Joute Chirag Delhi acheng mek chu Kal natna leiin RG Hospital ah kar hmasak lai khan Operation thaw a nih. A room-mate Tv. Damrawse Sinate in DT palai ahril dan in James Lalremruot chu damtieng a pan pei a, ngai a hung aw nawk vat beisei a nih. Tawngtaina’n lo hrezing ei tiu.

** NE Thamchon Trophy 2011: H.S.A FC naran ela in ko nuom ta lo a HMAR UNITED hming sala Delhi-a ei tlangval hai chun Inkhelna field ahthang an lak mup mup zing. Physical training cum Players’ Selection chukar hni lai IIT ground-ah nei a lo nitah. Player pakhatin DT palai an biek puina a chun, “Refreshment man ding khom kan nei zo nawh, nunghak nilang chu tlangval hai glucose manding bek chu pe nghal ka tih” a ti chu. Hi tournanment a hin final vawihni ei kai tah a, tukum chu final chau nita lo in CHAMPION ni ei tum thu Head Coach, Tv. Edward Sungte chun DT palai a hril mawl mawl a nih. DT khomin ei players hai refreshment man ding chu pek ve an tiem. A zatding chu la hril dal ei tih.

** Lawmman Lawmna: September 18, Pathienni khan Upa Ngama Group hai chun Thalai Conference a an lawmman lakhai lawmna Sector-3, RK Puram ah an nei. Chun, zani September 24 khan Rev. Chawnga Group hai chun hi inkhawmpuina aan lawmman lakhai ropui taka lawmna hun an lo hmang ve nawk tabawk. Vawizan Inkhawm tin hin Rev.VT Kappu Group han lawmman lawmna hun Munirka ah hmang venawk an tih.

** SI Thar Pu Samuel V Hmar: Pu Joseph D Hmar hai nupa chu an naupa Pu Samuel V.Hmar ITBP (Sub-Inspector) Passing Out Parade neina tawiawm dingin kar hmasak lai khan Delhi an lo hung chuongkai ve. Pu Samuel V Hmar hlawtlingna hi DT chun a lawmpui takzet a, hlawtlingna insang lem chang pei dingin ditsakna ei inhlan nghal bawk a nih.

** Anil Das Music Competition 2011: Kum tina ei lo thangna hlak Anil Das Music Competition chutukum khawm October 16 a nei dingin riruong a nih. HCFD thalaipawl, Department of Music & Youth Affairs khawm thang nawk ngei dingin hma an lak mek ni’n ei palaia inthawk thu ei lo dawng. Lawmman tam tak hung dawng nawk ngei dingin ditsakna eiin hlan.

** In Enkawl Dinga Hung: Delhia khawsa ve mek Nk. Lily Infimate a nu Pi Lienpuitling chu chuoptieng natna leiin Delhi a in enkawl dingin a hung a. September 29 khin AIIMS a admit ning a tih. Mitin inei tawngtaina’n lo san ve zing ei tiu.

** Delhi Thurawn Suoklo: Ei Editor Tv. William R Darngon hritlang khawsika a nat el bakah Editorial Board tieng pangin harsatna neu neu ei nei leiin karliem tah September 18 khan Delhi Thurawn insuo thei lo in ei um apawi ei ti takzet. Tiemtuhai po poin hrietthiemna kan hung ngen anih.

** Khawsik le Natna A Hluor: Tulai sik le sa inthlak vel lei hin hmuntinah natna chi hrang hranga hluor hle. Kiltinah damnaw le khawsik ei um fir fer a, an hunghrisel pei ta ei beisei. Mitin inveng fimkhur a tha a, mani in duot hunlai tak khawm ni’n a’nlang. Intawngtai pek tuo zing ei tiu.

DT 25^th September 2011