HMAR STUDENTS’ ASSOCIATION

Joint Headquarters, Delhi

Zani September 10, 2011 khan HSA meeting a vawihnina chu HSA Office 16/E, CGH Complex, Vasant Vihar ah nei a ni a.

Thu pawimaw tak tak hai rel a ni bakah term thar tan a ni ai nthawka kum khat sunga dingin ‘Year Planner’ khawm siem anih. Hi meeting a thurel thenkhat, mipui hriet ding a pawimaw deu hai chu a hnuoia ang hi an nih.

EDUCATIONAL TOUR:

Tukum hin HSA Joint Headquarters Delhi chun Educational Tour chu Jaipur, Rajasthan a nei ni sien tha ti a nih. October ni 14 zana suok a October ni 15 zan a hung kir nawk dinga riruong a nih phawta. A man chu Rs.800 per head (entry fee thangsa in) vel ning a tih. Fakman le Camera/Video Camera chawi lut man hai chu mani a in tumding a nih. A fe nuom hai chun Nk. Thlirnawnmawi, Secy. PublicRelation (#9654385267) le Nk. Esther Lalsanhim, Secy. Education (#8802813429) kuoma hming anhma tienga pek lut ding a nih. HAS executive member hai kuoma khawm indawn thei ran a nih.

HSA JT. HQRS. DELHI MEMBERSHIP REGISTRATION:

Ei organization hi a hrat zuol theina ding le student organization dang hai le khawm ei inpaw nawk zuol theina dingin, HSA Membership Registration hi thaw ngei tha ti a ni a. In registerman chu Rs.20 Per head ning a tih. Mi tu el khawm nunghak/tlangval hai, full time/part time student hai chu in register ngei dingin kan hung inhriettir cheu. Hi Registration hi kum khat sung, HSA Freshers’ Social Meet 2012 hma po a ding a nih.

THINATUOK HAI RALNA:

HSA member lai hin thina tuok an lo um a ni chun, HSA, Delhi hmingin ralna pek ning a tih. Amiruokchu, thi dan thalo a thi hai, DHWA in an ruong a chawimawi lo hai chu ralna pek ni naw ni hai. DHWA member ni si lo, HSA member ni lai, thi dan pangngai a thi ani ruok chun ralna chu pek ni ngei a a tih. Hi le inzawm a hriet ding pawimaw chu HSA Delhi hin Ralna Hunser a siem ngai naw a, ralnapek le pek lo thu chau a nih.

HSA LIBRARY:

HSA, Delhi chun library nei sien tha ti a ni a, a hmun dingin temporary in 112/A Kishan Garh, Vasant Kunj hmang ni phawt atih. Library in-charge dingin Nk. Zenneth Varte (#9911685924) ruota nih. Mi tu el khawm lekhabu hlui (education related, novels etc.) donate nuom ei um chun kawt lien tak an hawng ran a nih. Ei hnamle inzawm lekhabu hai hrim hrim chu anhmat thei anga nei kim vattum a nih. HSA, Delhi I-Card nei hai phawtin haw thei an tih. A hawman chu bituk um nawng a ta, ei library enkawlna dingin mani ngamzat zat pek thei ning a tih.Hmun lailina deu (eg. Munirka, R K Puram, Vasant Vihar) aum hai, mani in a hi Library ta dinga space chikte pe nuom dam eium chun HSA thuoitu hai hung inhriettir hram dingin kan ngen cheu,ei renga ei hlawkpui ding thil a ni si a. Hi le inzawm a suggestions amani donation amani pe nuom,an naw leh zawna indawn nuom nei dam ei um chun iengtik lai khawm Library in charge contact thei ran ning a tih.

Zacharia VarteSecretary,

HSA Jt. Hqrs., Delhi