KRAWS THILTHAWTHEINA

(4th Thalai Conference Report)

William R.Darngon

Tukum 2011 a hung inhersuok hlim laia thalai thuoituha’n tha le zung le ngaituona tam taksenga an lo tinzawn laia pawimawtak pakhat chuh kum li liem taa’nthawka ei lo hmang tan tah Thalai Conference, a vawilina dinghi a ni a.

Group hai inthe ininruolsiekna ding item hai siem fela ni char a inthawk khan Group Leader tin hai khawma theitawp athang la in hun intep tak karah eiinchuk map map a. A then lem chukar hla tak tak a inthawkin sum lepai hai sengin inchuk dingin an fehlak a. Thenkhat chu inchuknading hmun remchang nei lo a invaichang dam nei hiel in an lo umbawk a. Chun, mani target khumtuma thang la in behna dam, sasung dam, zawngtate rawt daman zawr a. In tin fang kuola BPcheck a inhlaw leh, ngam tawktawk dengkhawm pawl leh, eihma zawn sengah ei thaw nasatlang hle. Chuonga ei sawlpui leinrimpui hai po po chu hung intlingkhawmin Thalai conference chu tluong takin ei lohmang zo thei tah a nih. Lalpa’n ropuina chang raw seh.Zing dar 10 a programmetan dinga ti ani a. Ei fe danpangngai angin ei ti huna chu eitan hman rek naw a. Ruotui thlaknasat lei a khawmuol le lampuipawr, tuihawk ti vel lei kha’m ani ding a hun changtu ding haikhawm ei tlung kim el thei nawa, a pawi khawp el. Thenkhat chuan incheina thuomhnaw mansaa pai a tuihawk pal a Biek in panel pawl khawm an um a. Entawnan tlak takzet. A nawk tiengkhawm tan hun dinga ei ti hai hingai pawimaw hram hram dinginei in fiel thar a nih. Ei programme tawp tiengdeu khan lawmthu hril dingin kangir a. Amiruokchu, ei hunhmang dan kha sawi danglammet met a um bawk leh ka loinring lawk ta naw a. Tawngbau thiem ka ni naw bawk leh, samngei ngei ding awm a inlang samhmai ka nei nuol el a. Hril hmainei pal ka’n lau luotin “Ka samhmai pal hai chungah khawmlawmthu ka hril nghal a nih” ti’nka lawmthu hril ka suk tawp a.Ka hril zo khan ka zuk ngaituonawn takluo chun “Ehe! Chu khawmchu ka lo sam hmai a ni chu tie!” tiding kha a hung indawk ta zut zutel a. Ka’n phalam hle a chuh zukthaw rak ngaina a um ta chuong sinawh. An chungah khan ei lawmnaa nep bik tina ni lo in, mihriem ei lani leiin famkimlona khawvel a hinchuh hriet kim hunah khawm theinghil chang ei nei hlak ti suklang tu chau a ni lem a. Pathien hminga in mi hrietthiemna ka hungngen nghal a nih.Ei tucha hai kha an tam raknaw a chuh ruosur le tuihawk karah taima tak le fel takin anthawk a, khawp le tlai taka kil dingruoi an mi buotsai pek a lawm a umhle. In tieng a bu mi lo suong pektuin khat nu hai khawm an thawhlawk hle. Belpui a bu suong hminhi a harsa leiin mi tam tham deufak ding ruoi ei buotsai zatin ei insuong tir el hlak a ni a. “Ka sawl kakham” khawm ti lo in lungawi takinan mi suong pek a lawm an um hle.An renga chungah lawmthu ei hrila nih. Chun, ruoi kiltuhai khawmei tucha han “ei fak le dawnnahmun hi Biek In compound a nileiin sukhnawp le sukpawrche lo inmani hnung fai taka sie ding” anhung ti chu thuawi takin ei zawmtlang a lawm a um hle. Hmun thenkhat lai a hnung a sukfai tul ala um zeu zeu ruok kha chu a pawikhawp el. Ei tuchahai an sawl veileh mani fakna hnung le hmun bekkha chu zuk suk fai el awm tak khaana maw! A nawk tiengah chu mitin fimkhur nawk zuol dingin ei in fielthar nghal a nih.A telpui a beipui thlaka eibei mup mup chang um de sienkhawm, mi hmu phak lo a mani ning ninga kil khata lo buoi ve charchar khawm an lo um bawk a. Aieng ieng khawm chu nisienla lawma um takzet. Pathien zar le thiltumhmunkhat neia inthuruol takamani hmazawn senga ei thang tlanglei chau a khang ang programme kha ei hmang thei a ni a. Eiinkhawmpui a hlawtling theina dinga tha le zung, sum le pai sengalo inrimpuitu hai po po chungah Department of Music & Youth Affairs hmingin lawmthu ka hunghril thar nawk a nih.Pathien ram ta dinga thahnemngai taka sum le pai a mi thangpuitu le ei lawmman mi tumpektu hai chungah ei lawm takzet. Pathien hminga ei lawmman mitum pektuhai chu a hieng hai hi annih:-

1. Pu L.Keivom 2. Pu Lalchungsiem Thlawngate 3. Nk. Jenny Amo 4. Nk. Mawii Famhoite 5. Pu Lalthuoisuok Pudaite 6. Nk. Roselyn Lalumpui 7. Pi Huolthavul 8. Pi Grace Khawbung 9. Nk. Stephanie Lalduhawmi 10. Nk. Sandra Darsingpui 11. Nk. Esther L.Hmar 12. Nk. Vari Fanai 13. Tv. Lalngailien Joute 14. Pu Sunga F.Kholum15. Nk. Lalruotmawi Pudaite 16. Nk. Lalfamkim KhawbungSum le pai el khela lawman sukkimtu pakhat, ei trophy hai khakum khat sung hmang lo a ei lo sieta an ni a. A thar ang hlawl a thlevawka mi nawtfai pektu Rev.V.T.Kappu Group (Munirka) hai chungah ei lawm hle. Chun, Live Music le ei hlasak mi thuoitu Rev.Thangngur Group (Mahipalpur) hai khawm lawm an um takzet. Ruosur lei a boruok in-up tak hnuoia eiin khawm laiin Tv. DJ Varte’n darkar khat lai AC a mi’n chawng pekin boruok inhawi takin eiinkhawm bawk a. Lawm a um hle. Pathien ram a an thahnemngai na ropui ei ti takzet a; iengkim Lalpa chun an hmazawn sengah tam taka malsawmin thuoi pei raw se. Ei inruolsiekna chi hrang hrang mi endik pek tu ei judge-haipo po chungah ei lawm takzet. Nule pa iemani zat hai bakah ei judge ha’n ei programme tawp chen miuop a an mi la hmang pui dam khaa mawiin a hlu em em a. Ei inkhawmpui hlawtling zie tarlangtu pawimaw tak el a nih. Inruolsiekna chi tum tum (Grouple mimal) a lawmman dawngtuhaichu a hnuoia ang hi an nih:-

A. Hlapawlpui:-

Winner : Upa Ngama Group

1st Runners-Up: Rev. Lienrum Group

2nd Runners-Up: Rev. Thangler Group

Best Choir Conductor: Tv. NehemiaD.Ruolngul/Rev. Thangler Group

B. Thupawlpui:-

Winner : Upa Ngama Group

1st Runners-Up: Rev. Lienrum Group

2nd Runners-Up: Rev. V.T.Kappu Group

C. Quartet:-Winner: Rev. V.T.Kappu Group

1st Runners-Up: Rev. Chawnga Group

2nd Runners-Up: Rev. Thangngur Group

D. Skits/Short Drama:-

Winner: Rev. Chawnga Group

1st Runners-Up: Upa Ngama Group

2nd Runners-Up: Rev. Thangngur Group

Best Actor (Male):Tv. Chanchinmawi Faiheng/Rev. Thangngur Group

Best Actor (Female):Nk. Melody Varte/Upa Ngama Group

Best Actor (Negative Role):Nk. Laltharmawi/Upa Ngama Group

Best Scriptwriter:Tv. E.Ramngailien Lungtau/Rev. Chawnga Group

Best Narrator:Nk. Rebek Khobung/Rev. Thangler Group

E. Malzai/Solo (Pasal):-

Winner: Tv. William R.Darngon/Upa Ngama Group

1st Runners-Up: Tv. Zawlkapthang/Rev. Chawnga Group

2ndRunners-Up:Tv. Chanchinmawi/Rev. Thangngur Group

F. Malzai/Solo (Nuhmei):-

Winner: Nk. Melody Varte/Upa Ngama Group

1st Runners-Up : Nk. MercyLalumpui/Rev. Chawnga Group

2nd Runners-Up : Nk. RuthiChangsan/Rev. V.T.Kappu Group

G. Talent Contest:-

Winner: Tv. E.RamngailienLungtau/Rev. Chawnga Group

1st Runners-Up:Tv. Lalramhmangai/Rev. Lienrum Group

2nd Runners-Up: Nk. Sary Joute/Rev. Thangler Group

H. Others:-

Target Khum rawn tak:Rev. V.T.Kappu Group(An target Rs. 3000 bakah Rs. 4000in an khum a nih)

Most Punctual Group:Rev. Thangler Group

Lawmman dawng lo haikhawm an thiem tawl seng a, poin thmu zat hai khawm an tlau naw tawl hle. Kum thar tieng chu a neka nasa nawk zuol a thang hung la thar senga lawmman dawng ve pei dingin ditsakna ei inhlan nghal anih. Kum tin hin ei inruolsiekna level hi an sang deu deu a ni leiin ei inchuk dan kawng khawm hma ahung sawn pei ei beisei a. Kum thar tieng Pathien in rem a ti a eiin khawmpui nawk thei a ni chun tukum neka tha le fel lema ei hmang ngeina dingin nasa taka thang ei lakzawm pei nuom a um takzet a nih. Tukum a ei inkhawmpui misukburiptu pakhat chu unau Hmar Christian Fellowship Chandigarh (Pi Runchawng Group) hai kha anni a. Mi sawmhni bawr vel hung inthawkin inruolsiekna khawm hlapawlpui, skits le malzai a hai anhung thang thei a lawm an um takzet. Tuta ei inkhawmpui a anhung thang hi a tawpna ni lo a hunla hung um pei a khawm an hung thang zawm pei ei beisei a. Pathien rama rawngbawlna kawng hrang hrangah khawm nasa nawk zuol aei inthlawp pei ei beisei bawk a nih. Pathien in remti zawng a ni chun metro-cities hrang hrang a cheng ei unau hai le khawm inkhawmpuina hun tha ei la tawngpei ei beisei hle a. Mitin in tawngtaina leh nasa taka Pathien kuoma ei intlun nawn rawp nuoma um. Ei Thalai Conference vawilina khang ang a ei hmang theichun a vawi sarina, vawirietna, sawmna ti hai chen ei phak hun ding dam ei zuk suongtuo chun phur a um hlut hlut hle. Pathien malsawmna ei dawng dan hai ei thlirin a ropui takzet a, ei phu bak bak malsawmna leh a mi thuoi tak meu ni’n an lang. Ropuina le chawimawina a tharin chang mawl sien. Ei Fellowship, a bikin thalaihai hin lawmthu hril ei bat nasa hle a ni ti hrezingin ei hmazawn sengah a tharin thang lasau sau ei tiu. Suolin thla a zar naram Khawvel a hin Kraws Thilthawtheina chau naw chusuong ding ei nei naw a. Chu Kraws Thilthawtheina chu ei nitin nuna chawisawng a Krista hminga hnena hlado insam pei dingin “Takchapa!” ti’n thang la thar ei tiu. Eiin khawmpui le inruolsiekna hai abo ruol a ei thuhril ei hlasak le ei skits inentir hai kha bo el ding ni loin ei hringnun a thu mi hril pekrawptu, Pathien nau, a mit naulenghai ei ni zie mi hril nawn hlak tu nisien la nuom a um tak meu el! Ka nun a’nfuka I nun a’nfuk phawt chun ei khawtlang le kohran nun infuk a ta; Krista hming sukmawitu ni ngei ei tih. Kraws Thilthawtheina zara chatuon hringna ei chang el khelah taksaramah khawm hieng ang lawm a hamthatna chungchuong ei dawnghi hre chang nuom lo a ei khawral vei chun insirin ban pel ngei a ta. A’nhnuk hnung ruok chun sawt tachuong si nawng a tih. Thaw ro, ahun lai hin Krista tadingin thangla thar ei tiu. Thim laia var ding haiei ni naw am a nih? Krista le a ramta di’n; thaw ro Krista ta dinga thalai. (September 10, 2011)