LAWRKHAWM

@@ Liem ta September 5, 2011(Thawtanni) khan “Get Together-Students of Delhi University, Manipur State” ti banner hnuoi ah NSUI le Congress thuoituhai chun Manipur a inthawk a hung DU ainchuklai hai inpawlpuina an nei.

Hi hun hi Mavalankar Auditoriuma nei a nih. HSA Delhi khawm fiela ei um angin a khat tawk mihriemum naw inla khawm bus pahni thuoiin hi programme a hin vathang ve a nih. Thuoitu le politician dang dang hai a inthawk thuhril ngaithlak a ni bakah Meitei hlasakthiem Sadananda le Puspa Devihai a’nthawk hla dam ngaithlak anih. Programme zo char hin ruoi ropui tak a the a ni nghal bawk anih. Inchuklai pungkhawm an thahnem hle.

@@ Hun iemani chen a inthawk aei lo tung tah 4th Thalai Conference chu September 9, 2011 (Zirtawpni) khan Apostles Methodist Church,Sector-4, RK Puram ah hlawtlingtaka hmang zo a lo ni tah. Inruolsiekna chi hrang hrang haineiin zan chen hi programme hihmang a ni a, lawmman semnakhawm nei nghal a nih.

@@ Zani September 10 khan HAS Jt. Hqrs., Delhi chun term thar adinga a vawihnina dingin meeting an nei. Hi meeting a hin thil dang dang rel a ni bakah Year Planner khawm siem nghal a nih. Chun. Tukum khawm hin Educational tuor nei nawk rawt a ni a, Jaipur, Rajasthan a fe dinga riruong meka nih.

@@ HSA Delhi chun inchuklaihai thangpuitu ding library siem arawt thar nawk a. Chu dungzui chun library ding hin HSA General Secretary Tv. Zacharia Varte haiin, 112/A Kishan Garh, VasantKunj (temporary) hmang ding a tia nih. Almirah tlawmte sie niphawt a ta, chu chu sukbittu dingchun mi tu el khawm lekhabu (TextBook, magazine, novel, story lecomics book ti hai chen in) thawlawm thei a nih. Ropui hehu naw sienkhawm library burip takei nei theina dingin mitin inthahnemngai insuo seng dingin eiin fiel a nih. Thu chieng lem hrienuom hai chun Nk. Zenneth Lalhlimpui Varte, Library Incharge contact thei ning a tih.

@@ Ei President Tv. James Pusing Sanate chu tulna leiin zing September 12 tuk khin Manipur panin Delhi suok san a tih. Iengchen am a hang um ding ti chu eila hriet thei hri naw a nih.

@@ Vawisun September 11 inkhawm tin hin Hmar United Managing Committee hai chun NE Tamchon Football Trophy le inzawma ei hmalak pei dan ding ngaituo in meeting nei an tih. Chun, player hai khawm kar thar Thawtanni a inthawk khin IIT ground a practice tan ni tang a tih.

DT-11^th  September 2011