LAWMTHU HRILNA LE MIPUI KUOMAH NGENNA

RUONGLEVAISUO EDUCATIONAL SOCIETY
CHURACHANDPUR, MANIPUR

LAWMTHU HRILNA LE MIPUI KUOMAH NGENNA
The 21^st April, 2012

Pathien ṭhangpuina zarin Ruonglevaisuo Educational Society (RES) in Hmar ṭawng hmang, inchuklaihai ta dinga Churachandpur, Manipur-a ‘Free Coaching for Competitive Examinations Conducted by SSC’ a huoihawt 1st batch (Nov 17, 2011 – March 17, 2012) chu zo a lo ni ta a.

CHANCHINTHAR

HSA Delhi President A Hung Tlung:

            Hmar Students’ Association, Jt. Hqrs., Delhi President sin chel lai mek Pu James Pusing Sanate (E, kan ziek suol an nawh. Tv. ei ti hlak kha Pu ti a tul ta si a ngei rem lo tutin ei zuk ti tan phawt an ta hih!) chu Rengkai, Tuithaphai ah ei Treasurer Esther L.Hmar leh kut insuina an nei zo hnungin an khuo Parbung tieng chawlkar khat vel an zun zin nawk a. Tuta kar liem khan dam takin Delhi an lo hung chuongkai nawk tah. Sungkuo hlim tak indina ei khawtlanga an mawphurna hai thafan taka sunzawm pei dingin Tuokthar, ei President le First Lady/a nuhmei hi ditsakna ei inhlan a nih.

Pu Ruolngulji Hospital A’nthawk Discharge:

Tawngbau

@@ Tv. Jonathan Pakhuongte: William hi in phone thei naw chun an inah a um tina nel.

@@ Tv. Zonunmawia: Pepe hi a hming reng khawm Pusing ana; a jersey a khawm hin ‘Pupu’ tia an ziek tum anchuh ‘u’ ai khan ‘e’ an lo type pal a Pepe an ti sawng mei mei a nih.

Lalpa Chu Josef Kuomah A Um Peia

                      Lalpa Chu Josef Kuomah A Um Peia

-Rev. H.P Runremthang,

2.1.’11. Chennai

“Nisienlakhawm, Lalpa chu Josef kuomah a um peia, a chungah za a ngaia, intangna in vengtu khawm an lunginsiettira” (Gen.39:21)

Bible-a Pathien mi ei ihmuhai hi Lalpa iumpuihai vawng an ni a. “Chun David chu a hung ropui deu deu a, sipaihai LALPA chu a kuomah a um a” ti a nih (1Chro.11:9). Mosie kuoma khawm Pathienin “Hi ka umpuina hin zuipei a ti che” a ti bawk a (Ex.33:14). Amiruokchu,a hril dan le a thu fe dan (context) a dang seng a nih. David chu a hung ropui deu deu na san chu- LALPA  a kuomah a um lei a nih ti ei hriet thei a. Chun, Mosie chu Pathienin Israelhai an thuoitir a ni lei khan khawlai hmuna khawm “Ka umpui pei ding che a nih” a tina a nih. Josefa chungchang hrilna a ruok hin chu “Niseinlakhawm” tiin a tana, “Lalpa a kuomah a umpui pei a” tiin a sunzawm a. Hitaka “umpui” ti chau ni lo, “pei a” ti kher kher hin ka ditna a suk zuol. “Niseinlakhawm” ti hin Josefa ngirhmun a huolhim a, “pei a” ti hin a thlathlam nawzie a suklang a nih.

Ka Khuol Zinna Lampui

(UK a Kristien Kohran tlak sietzie)

-Lal Remsiem

            Khawvel pumpui deuthawa Chanchin Tha (Gospel) the dartu United Kingdom (UK) chuh kum zabi sawmhnina sung khan nasa takin a tla hnuoi a. India ram a chàn hnung lem chun a ni têlin a ropuina a chuoi a, ni tla seng loa roreltu khah sawt nawte sungin thlierkar chikte chaua roreltu a hung ni nawk el  tah a nih. Ieng leia hieng lawma tla sie am an na?  ti chu zawna poimaw le ngaituo tham a nih.

“Who is Jesus?”

“Who is Jesus?”
   Blessing S.H Buhril
    April  7, 2012

Good Friday is gone
And Bad Fridays are on

The Donkey carry
But We bury

And with all our lust
Do we ever asked

“Who is Jesus?”

Tawngbau

Tv. Mordekai : “Dr.Tv. Pu. U Dina” title hi kan hnar top a nih.

Tv. Miliente : Kei chu Munirka a um hi inhawi ka ti tak, lengna ding khawm a um bawka.

Tv.Mordekai: Robullien, ka starnu kha a hmel a tha top a ni aw, kan tla chak nawk el an tah.

Dr.Tv.Pu. U Dina : Nunghak  I dam maw? I va’n du ta de….

A silfen hai an in sem a!!!

A silfen hai an in sem a!!!

Jim Greene

Tukum Goodfriday ding chu ka lungril khawma alo um fuk rek ta naw a, ngaituo khawm ka lo ngaituo phak ta naw reng renga, zankhat chu ka sinthaw na a tuta zirtawpni chu Goodfriday ding ana ka hung kainaw ding ti ri ka hriet chun ‘Lungai hapta’ a um kani ti chu ka hung inhrietsuok ta ve cho a, ka lungrilin Goodfriday ka hang ngaituo chun, kalvari tlangdunga hmangaina thang der lo a ka Lal an sawi lai hmel dam chu ka suongtuona mitthla a chun a hung inlang ta vel vawnga, khawvel mi taluo ringawt, lunginsietna le hmangaina tawngbau lem chu vawi iengzam ang bau a inthawk a suok ta ding ti ngaituo um rak khawpa mi rorum, hmelma hai sawisak na tienga chu na talu neilo

TRANSLATION & INTERPRETATION

TRANSLATION & INTERPRETATION

By

L.Keivom

Translation le Interpretation hi thil thuhmun angin mi tam takin ei ngai a, ei hmang pol bok.  An thil tum chu trong pakhata hril khah trong danga a umzie phur suok dinga inlet a nih.  Trong inlettu (interpreter) chun mi dang thu hril lai kha a hril zo charin a ngaithlatu ding hai trong hriet khan a hril a, chu chu ‘trong inlet’ ei tih.  Thuhriltu hril umzie khah a ngaithlatuhaiin an hriet theina dingin trong inlettu chun a ngiel a ngana inlet loa ama trongkama mi hriet thiem thei zawng dinga a  thur suok chang a um.  Hi hi Saptronga ‘contextualisation’ an ti vet hi a nih. Ei sumphuk le taptebula intrumtir ding chun a poimaw hrim a nih. Isun kum thum rong a bawl sung khan a hmang nasa hle.

MANI TAWNG NGAI HLUT

MANI TAWNG NGAI HLUT- - Rochunghnung Hmar, Aizawl

Mizoram HSA silver jubilee souvenir a, Rev. Dr. J Huoplien Neitham ziek ‘Mani nina inzapui lo ding’ ti ka zuk tiem chuh, lungrila nasatakin chona thar a mi pekin ka hriet kei a tawk tawk a, Pathienin ei nina ding ang taka a mi sie na hi ei ngaihlu nawa ei inzakpui/zapui a ni chun a mi siemtu Pathien ei hmusit niin ka hriet. Chuleiin iengang poin um inla khawm, mani nina hrea, ngai hlua, ei vawng ṭhat tlat hih a pawimaw  el ni lo in thil ṭul le makmaw a nih. Nangin i nina i ngai hlu nawa, in zapui a ni chun tukhawmin ngai sang chuong naw ni hai che, chu nekin an hnuoisie lem ding che a nih. Mani nina khawm ṭan ngam lo mi chu damtlak khawm a ni nawh, thi lem mawl raw sen.

INPUMKHATNA RA

INPUMKHATNA RA[1]

By

L.Keivom

Whatever disunites man from God

also disunites man from man.

-Edmund Burke

Inpumkhatna le inpumkhat nawna hi tangka hmai hni ang an ni leiin, inpumkhatna ra hril ding chun inpumkhat nawna ra khom makmawa hril sa a ngai ding a nih.  Sam nambar 133 phuoktu chun unau inngei diel diela um khawm hlutzie le chuonghai chunga chun malsawmna vurin a um hlak thu a hril laiin, mani le mani indo sungkuo chu an ngir suok thei naw thu Isu ngeiin chieng fakin a hril bok a nih (Mk 3:25). A hmasa hi hnam tin thil tum le beisei a ni a, a nuhnung hi hnam tin pumpel nuom, sienkhom hmasielna le inpumbilna lungril puthaiin an inkuopui le inthla harsa an ti èm ém si chu a nih.

CHAWLKAR POIMAW TAK

CHAWLKAR POIMAW TAK

By

L.Keivom

Those who cannot remember the past

are condemned to repeat it.

-George Santayana

          Kum khat sunga Judahai kùt poimaw tak le ropui tak ‘Pesach’ chu an Tempula ngei hmang dingin Roman lalram hmun tina Juda mi indar tahai le Palestina rama la khawsa zinghai chu Jerusalemah an fuon khawm hlak a. Chu Kût chu Israel ram sunga chu ni sari sung, an thla tiema Nisan 15-21 inkar an hmang a, hmun hrang hranga indar Orthodox Jews hai ruok chun ni riet sung an hmang thung. A ni hmasa ni hni le a tawp tieng ni hni chu ‘holy days’ anga an hmang a nih. Chu hun chu kum 2012 hin April 1-April 7 inkarah a tla a, Isu a thi kum AD 30 ruok khan chu April 2-8 sungah a tla ve thung niin thil sui chik mihai chun an hril.  Hi Kùt hi Fekan Kùt amanih Chol thrang lo Bei Kùt ti a ni bok. Eini rawi hi sa ei du bik deuh bok ning a ta, ‘Fekan Ruoi Thre’ tiin ei Baibul hmasatuhai chun an mi siepek.

TO A SKYLARK

                                                              (P B Shelly) 

                                                                                            Translated by Thangnuntluong Ralsun

                                                                                            Sunday, 12^th August, 1990

                                                                                            Lower Minister Hill, Kohima                                                                                                                               

                                                   

Chibai  vochuom, rauthla ngainobei;

          Sîrvate hrim in’nawh.

Pielrâl a’nthawk; an’nawleh a kâwl a’nthawk bêkin

          Insuo hlak; i lungrila sipliem chu,

Zaihla tam tak le inzir si lova thiem tak siin.

Insâng tiel tielin;

          Hnuoi a’nthawk boruokah

Meikhu ang elin i vuongkai a;

          I thla dumpâwl le chun,

Zaihla rem peiin hlimzai i vâwr hlak.

TAWNGBAU

## Tv.Isak Parate : Tulai chu Asian kitchen ah sin ka hmu thar ve ta a,ka thalai chanpuihai ka hmel in lo hmu naw ani khawmin, mi hrethiem hram ro. ka far hai thawsa fa a lengkuol mi ti hai. zu,hmum le hawp hai ka bansan ta a, hlawnei ngaizawng dit hai ta din vaccancy ka ruok lai tak a nih....

## Tv. Robert Khawbung : Hmar biel educational tour kha ei hril nasa bawka, HSA Delhi ai awin ka khatin hung nei nghal ka ta nel.

CHANCHIN LAWRKHAWM

Staff Selection Commission in a buotsai Combined Graduate Level Exam 2011 chu final result puong a ni tah.

Hmar mi hlawtlingna changtu hai :-

1.Lalthuoisang Pangamte - Asstt/Asstt(Cypher) in External Affairs

2.Rohminglien Songate - Assistant in CVC

3.Lalthazam - Inspector (Central Excise) KERALA

4.Ebenezer Thuoitulien Chhangte - Asstt/Asstt(Cypher) in External Affairs