Lawrkhawm 14th July 2012

DHWA In An Lawmlut

            Zani, July 14, 2012, Inrinni khan Delhi Hmar Welfare Association chun Aizawl, Mizoram a inthawka Delhi a hung transfer tah Pu LT Hrangchal, IPS chu inpawlpuina le sunbu kil puina hun an hmang.

Hi programme, DHWA Chairman Pu C.Thant Khobung in, Dwarka a hmang hi ama Pu LT Hrangchal lawmlutna ni fawma nei ni’n chanchin ei lo dawng. Ei chipui ngei hieng ang officer pawimaw Delhi lai a hung um hi thlamuong um ei ti takzet a. A sinthawna a hlawtling pei dingin DT chun ditsakna ei inhlan a nih.

DHPL-V Tan A Nih

            Hun iemani chena inthawka tlumte thlira ei lo thlir Delhi Hmar Premier League-V, (L) Fimlunghnem Memorial Trophy 2012 chu zani, July 14 khan Vasant Kunj Sports Complex, Vasant Kunj, New Delhi ah ropui taka tan a lo ni tah. Zantieng dar 4:00 ah Opening Ceremony nei a ni a, 1^st Match a inkhel Hmarthlipui FC hai chu Khuplal FC lakah 2-1 in an tlawm der a. 2^nd Match a inkhel Habakuk (Muvanlai FC ti kha thleng a ni tah) hai chun an intumpui Faith United hai chuh 3-2 in an hneban bawk a nih. Full time inkhel phet phet tum a ni a chuh khuo a lo inhnu deu ta a, thimtham hnuoia inkhel thei a ni si nawh. Player thenkhat an insuk hliem pal bawk leiin 2^nd Match hi referee’n a suk tawp el ta a nih. Inkhelhai an pu nasa hle a, puo tienga inthawka lo thlawptu thilrtu mipui hai rihau khawm a nep bik chei nawh. Boruok ansangin a tu tu khawma inhawi an ti chum chum hle ni’n ei palai chun a hril. A ni hnina chu July 21, Inrinni a nei nawk dinga riruong a nih. Zanita inkhel thlirletna le Day 2 Fixture chuh Editorial page a hmu thei a nih.

Thalai Video Shooting Sawn Hlat

            A hma rel ta le kar liem ta suo DT thalai pawl video shooting ni ding ti a insuo July 30, 31 le August 2 ti kha camera crew tieng pangin harsatna an nei nawk thut leiin Emergency Meeting nei a ni a. Hi Meeting a hin shooting chu August 1&2 a sawn hlat dinga rel a nih. Thu chieng lem hrie nuom hai chun ei thalai thuoituhai indawn thei zing an ni thu Thalai Secretary chun DT palai an hril. Hi le inzawm hin hla inchuk malamin vawizan inkhawm tin char hin Pu HT Sangliana hai inah inpawlkhawmna hun hmang ning a tih. Chun, zanbu khawm kil tlang nghal a ni bawk ding a nih. Video Sooting a thang thei ding hai po po chu kim taka thang seng dingin thuoituhai chun DT fethlengin thalai hai an hung fiel bawk.