HSA le DHWA thangruol a vengbuk hran hran kanna, Area Visit an nei chu an vawikhat suo a lo ni tah. Area thenkhat a khawsa mekhai chun ‘keini area an la hung kan nawh’ khawm ei ti el thei a.
Chu chu ei thuoituhai remhriet dan dan ah ingnghat ei ta. Iemani ti a an mi lo hung kan thei naw ani khawm a nuor thusim inzawt a ei thuoituhai hrilsie el lo in puitling tak a an hung theinawna san kha ei lo hrietthiem pui nuom a um takzet. Chun, mipuihai khawm a ei area an hung kan zo ta lei el khan ei mawphurna ei zo tina ani chuong naw a. Thiltha lem beiseina lei ei ngaituo le hril tlanghai po po kha a tak a’nchang ngei theina ding chun ei reng a inthuruol a hma ei lak pei a tul a. Tam tak chun ei ngaidan ei lo hril ringawt khan ei chan ei thlak angah ei ngai hlak a a’ndik naw anih. Hma sawn pei a ei inthang tak tak ding chun ei hmazawn senga ei put thar a pawimaw a. Ei thuoituhai khawm a hma nek a nasa lem a ei thlawp a tul takzet.
Chu chu ei thuoituhai remhriet dan dan ah ingnghat ei ta. Iemani ti a an mi lo hung kan thei naw ani khawm a nuor thusim inzawt a ei thuoituhai hrilsie el lo in puitling tak a an hung theinawna san kha ei lo hrietthiem pui nuom a um takzet. Chun, mipuihai khawm a ei area an hung kan zo ta lei el khan ei mawphurna ei zo tina ani chuong naw a. Thiltha lem beiseina lei ei ngaituo le hril tlanghai po po kha a tak a’nchang ngei theina ding chun ei reng a inthuruol a hma ei lak pei a tul a. Tam tak chun ei ngaidan ei lo hril ringawt khan ei chan ei thlak angah ei ngai hlak a a’ndik naw anih. Hma sawn pei a ei inthang tak tak ding chun ei hmazawn senga ei put thar a pawimaw a. Ei thuoituhai khawm a hma nek a nasa lem a ei thlawp a tul takzet.
Delhi Thurawn chungchang khawm tam tak ei hril a, hi neka a changkang pei theina dingin theitawp ei suo pei ding anih. A hmel hmang chu thu hran la ni sienla; a thuziekhai belchieng a dawl theina ding thang nasa tak a lak mek anih. Chun, harsa hle sienkhawm thang la hung thar pei ding, abiktakin Delhi a seilien hai tading khawm a Hmar tawng ziek le tiem inchukna tlak a insuo hram hram ei tum anih. Ei suksuol pal le thil dang dang chungchangah iengtik lai khawm thurawn ei lawmlut zing anih.
Tuta ei Area visit khan DT tading in ra tha tam tak a’nsuo ngei ei beisei a. Tu khawm hi ei sawr tan mek a lawm a um takzet anih. HSA a ei Adviser, Pu Benjamin Khawbung in ei tul zie mi hrepuiin DT print out-na ding printer thar hlawk, HP Deskjet 1050, a mi’n chawk pek a. A man khawm a tlawm naw hle. Hieng ang khawp a hnam le khawtlang tading a inphal thuoitu ei nei hi ei suong takzet a. A chunga DT Editorial Board lawmna hi thu a hril seng ni naw sienkhawm; lawmthu a tlampui in ei inthut tawp el anih. Malsawmtu Pathien malsawmna tam tak in a zui peina dingin ei ditsakna ei inhlan nghal bawk anih. “Pu Ben, kan lawm che.”
No comments:
Post a Comment