Chanchin Lawrkhawm 25 Nov. 2012

@@ DOM&YA Music Video Album tlangzar ding: Buoina dang neu neu um leia beisei anga tlangzar vat thei lova lo um, HCFD, Dept. of Music & Youth Affairs in a buotsei music Video Album Vol-II  ‘Kan nghatna lungpui’ ti a inbûk chu voizantieng HCFD chawibiek inkhawmna huna Upa Dr Lalsiemlien in tlangzarna nei a tih.

Hi Album hi HCFD Silver Jubilee kum thar ela ei hmang ta ding le inzawma siem khawm a ni bawk a nih. Aman chu Rs.150 le a chung tieng ngam tawk tawka inchawk thei a ni thu Secy. Tv. Lalneilien Inbuon anthawk thu ei lo dawng.

@@ HSA  FC Quarter Final a kai: 6^th Tamchon Football Trophy Ambedkar Stadium a khel mêk a chun HSA FC chun a khelpui SSPP FC le ASUD (Arunachal) chu 3-2 ve ve a hne-in quarter final a lo kai tah. 1^st match SSPP FC hai le khel tum hin Lalmalsawm, Ramngailien (C) le John L Hmar haiin goal-1(khat) sengin an thuna, 2^nd match ASUD (Arunachal) hai le pet tum hin Lala Buhril-in goal-1(khat) le Ramngailien (C)in goal-2(hni) a thun bawk. 3^rd match TSFD (Tripura) hai le ruok chu in draw 0-0 a ni thung.  Hungtlung ding 26-11-12, (Monday) 1:30pm zinga hin HSA FC chun Demazong Boys (Sikkim) chu hin quarter final-ah inkhel pui tang a tih. Hratna hung chang zawm ngei ding ditsakna ei inhlan nghal bawk.

@@ Christmas le inzawma Bible study nei ding: HCFD thuoituhai remruotna in hungtlung ding karthar 26 Nov – 1 Dec 2012 sung hin Vengbuk tin hai a bible study nei ning a tih. Tu tuma ei Bible study ding chu Mathai 1:18-2:12 ning a ta, Thuoitu dinghai Munirka:Pu. Immanuel Khawbung, R K Puram 1&2: Pastor. Lalsiesang Joute, North Delhi: Upa Dr. Lalsiemlien Pulamte, Safdurjang:Pu Hrangkaplien Sinate, Merauli: Pu Lalchungsiem, Vasant Vihar: Pu Darsuothang, Mahipalpur: Upa Dr. Lalsiemlien Pulamte, South Extn.:Pastor Lalsiesang, West Delhi: Pu Immanuel Khawbung hai ning an tih. Pathien malsawmna ei dawng seng theina ding tawngtaina hai lo hrieng ei tiu.

@@ ITBP training a nei zo: DHWA member lo ni hlak Nk. Mercy Lalhmangai Tuolte d/o (L) Rev. Lalkhawmawi Tuolte SA Road, Churachandpur chu thla 4 (li) zen zawn Sub-Inspector,  Indo-Tibetan Border Police (ITBP) training a nei chu zo fel ta in November 20, 2012 khan Chandigarh hmunah Passing-Out Parade an lo nei tah. Hieng ang Hmar nunghak ei hang nei hi lawmpui a umin ei suong takzet.

@@ Album tlangzar a ni ding: Nk. Daisy Khawbung in “Khawngaihna A Vanga Chhandam” ti hming chawia Album (Vol-II) a siem chu November 28, 2012 5:30PM khin Upa L.Kiemlo Pulamte, Chairman, Hmar Musical Society in Sielmat ICI Biekin-ah tlangzar a tih. Ei hnam sunga Music Video Album thar ei hang nei sa pei hai dam hi ei hnam sukmawitu pawimaw tak el a nih. Ei lawmpui takzet.