Inhriettirna Le Ngenna

A hmasa’n Delhi Thurawn mi hlutsak pek a, a hmakhuo ngai tak pum zing a article, poem le thil dang hlu tak tak hung ziek a insuo mi phalek hlaktuhai po po kuomah DT Editorial Board hmingin lawmthu ka hung hril. Tiemtuhai el bakah nangni le mi thahnemngai tlawmtehai zarin vawisun chen hin ei magazine chu hrat le hratlo in a la suok thei zing a lawm a um hle.

Chulaizingchun, DT hih hi  neka a hrat theina ding le a puitling tieng a pan pei theina ding chun suksuolhai(errors) theitawp a pehel tum tal hi ani a. Chu ding chun DT a insuo ding item hrim hrim chu tuta kar a inthawk anhnu takah Friday zan chenah hung thawn ta hlak dingin ka hung ngen cheu. Iemani tia emrgency thil ani ngawt naw chun Friday hnung a hung luthai kha chu a next issue a a lo suok hman naw ani khawm a ngai mak a lo ngai lo dingin ka hung ngen nghal bawk cheu.

Student tieng a inthawk contribution a tlawm taluo, thang la thar sau sau ei tiu. Ei talenthai inzapui a ei lungril a ei invawizawnghai khawm to bo pui el lovin DT a ding hin hung thawn hlak inla. Tukhawm a thiemsa a pieng ei um chuong nawh. A zai a zai in mani tieng khawm hma ei sawn lem ngei ring a um. Article pakhat pahni bek a um naw chun DT hi a suok thei naw ang ana a chang hin chu ei chatlak vang hlak anih. DT vang hi nang le kei a an nghatna a um anih. Delhi Thurawn dam zing raw seh.

                                                            -Editor