THE 3RD THALAI CONFERENCE 2010

THE 3RD THALAI CONFERENCE 2010 REPORT

Department of Music & Youth Affairs, Hmar Christian Fellowship Delhi chun kum bul a inthawka a lo tung tah Thalai Inkhawmpui vawithumna chu September 25, 2010 khan Apostles Methodist Church, Sector-IV, RK Puram, New Delhi hmuna hlawtling takin a lo hmang zo tah. Hi inkhawmpuina ding le inzawm hin Delhi khawpui a vengbuk hrang hranghai kei kawpin Group 5 a inthe ani a. Chuonghai chu:-

1. Abraham Group (Mahipalpur & Gurgaon Area),

2. Daniel Group(South Extn., RKPuram & Lajpat Area),

3. Gideon Group(Munirka),

4. Job Group (JNU, BerSarai, Mehrauli & Vasant Area),

5. Mosie(North & West Delhi Area) hai anni a.

Hi group pangahai inkara hin inruolsiekna chi hrang hrang nei a nih. First Session hi 1030 hrs. atan ding ti nisienkhawm Biekintieng a staff hai an hung tlung hman naw a, sound system set up nghal thei ani naw leiin a hun taka tanhman ani ta naw a nih. Amiruokchu, hun hmang dan khawm ei thiem pei ta leiin program danghai bahla lovin ei hmang theihram a. Conductor Tv. Stephen L. Ruolngul in hnesaw takin a mithuoi a inpak a um hle. Hun hawng tawngtaina Pastor J.Thanglur in anei zo in Nk.Chawnglienmawi intanna hun a hmang a. Hi session hi Fresher hai lawmlutna hun bik ahmang a nih. Ei thalai tharhai inhmelhrietpuina chu Tv. William R. Darngon in tawi fel takin a hung keihruoi a. Pastor Lalditsak Inbuon in Fresher hai ta ding bika thucha hrilna a nei a. A rawngbawl pui berampuhai kosuokin an ni ta ding bika tawngtai pekna hunin a zuinghal. Hi ruol ma hin mipuikhawma mani remchang ang peiin tawngtainain an lo san zing bawk.“Delhi hi in Bethel, Pathien le inintuokna ni mawl raw seh” ti chu Pastor Lalditsak thucha thupui taka nih. Hi zo hin Rev.Maylawmthang in hunkhatna kharna tawngtaina hun a hmang a Tea-break in a zui nghal. Second Session chu programa inchuon ang takin 1330 hrs.a tan nawk a nih. Hi session hi Tv. Lalneilien Inbuon, Music Secy., in a hung keihruoi a; competition huna hmang a nih. Competition item dang danghai hi kum dang nek hmanin anhawi a, grouphai khawman thang a na tawl hle. Tulaitawngtaka hril chun kum dang nekin competition ansang lem a, eiin khawmpui khawm a sukphuisuihle.

Hieng inruolsiekna alawmman latuhai chu a hnuoi a ang pei hi an nih.

I. SOLO(MALZAI)-

Nuhmei:-

1st- Nk. Ruth Ruoltinsing (Mosie Group)

2nd- Nk. Canaan Changsan (Gideon Group)

3rd- Nk. Christina Varte (Gideon Group)

II. SOLO(MALZAI)-

Pasal:-

1st- Tv. James Vanlallur (Job Group)

2nd- Tv. William Darngon (Gideon Group)

3rd- Pu Vanlalmuon Joute (Gideon Group)

III. QUARTET:-

1st- Job Group B

2nd- Gideon Group B

3rd- Daniel Group B

IV. THUPAWLPUI:-

1st- Daniel Group

2nd- Gideon Group

3rd- Abraham Group

V. HLAPAWLPUI:-

1st- Gideon Group

2nd- Job Group

3rd- Abraham Group

VI. SKIT:-

1st- Daniel Group

2nd- Job Group

3rd- Abraham Group

Individual Awards:-

1. Best Actor (Male)-Tv. William Darngon

2. Best Actor(Female)-Nk. Lalthangpui

3. Best Actor(Negative Role)-Nk. Laltharmawi

4. Best Director-Tv. E.Ramngailien

5. Best Scriptwriter-Tv. Solomon V.Hmar

6. Best Narrator-Nk. Dorothy Tusing

7. Best Costume-Job Group

8. Child Actor Special Awards-

Julie Vanlalruati &

Josh Varthangsang

Ei competition item hai hi ei hun awl nei a zuk thiem el chi ziezang ani nawh. Mani tienga chankhawm inhuom naw chun thangdan a um naw ang tluk a ni leiin lungril ruktaka chu huphur um taka nih. Abikin, ei skit thupui kha nikum a nekin a harsa lem a. Ei inchuk tan hlim a inthawkin group tinin harsa zie ngawt ei hril reng a nih. Minute sari (7) sung chaua ‘Pathiena Ringna (Faith In God)’ mipui hai hrietthiem zawnga zuk suklang ding kha chu thil namei annawh. Chu khawm chu dialogue in mark a phur lei khan a suk harsazuol a. Amiruokchu, inelna a ei zuk inchang tawl zet khan chu leh, hmunuom a um ngang el. Ei lo duoi biklem ie! Lungril ngairuotna chi dangseng a ringna thu ei hung suklangkha a ropui takzet a nih. Ei thalaihai inthuruolna le Pathien ram eiinvawina rahai mit ngeia a hmu theia a hang um pei hi lawm a um takzet a nih. Third Session hi basement-a hmang a ni thung a. Program vawngtu chu Nk. Esther Lalsanhim le Tv. Emmanuel Ramngailien Lungtau an ni a, an ‘combi’ a fukhle. Unau Fellowship dang danghai hi hun mi hung hmangpui ding abeisei an ni zing laiin an ni sungtieng a remchang nawna leiin anhung thei ta naw a pawi ei ti hle. Amiruokchu, ei unau Delhi Mizo Inkhawm tiengpang a inthawk thalai sawmthum ding hiel in an mihung hmangpui a tha a suk fan thar hle. Hlapawl khawm hi zana thuhriltu Pu HT Sangliana hlaphuok ngei, ‘Nitin Lalpa’ ti khamawi em em in a hung sak nghe nghe a nih. Thalai Chairman Tv. Jessai L. Shakum in lawmlutna thucha a hrilna a chun, “Unau Delhi Mizo Inkhawmthalaihai hieng anga hlapawl le kan inkhawmpuina inmi hung hmangpui thei hi kan lawm takzet a. Kan in beisei angin tukumchu fellowship danghai hung thang theinaw hai sienkhawm, hi hi atawpna ni naw sien kan nuom a. Ringnawtu tam tak kara cheng eini tlangmi fellowship tawng hrang hrang hmang hai hi hmatieng pei hai hi neka nasa lem a ei inlaichinna siemtha sau sau Pathien rama rawng ei bawlna kawngah thei angang a hma ei lak tlang pei kan nuom takzet. Chu ding chun thang tlangtlat ei tiu” tiin a hril. Thuhrilna hun chu Dr. H T Sangliana’n a hmang a. Ei programmi ngai pawimaw peka sin tam tak kara Bangalore a inthawk khawma a la hung hnawt vang vang kha aropui takzet. Thalaihai khawma amaa inthawk khan inchuk ding tam taka thar tak in ei nei nawk ni’n anlang. Malsawmna ei dawng nasa hle. Hizo hin lawmman semna hun Tv. Lalneilien le Upa (Dr.) Lalsiemlien Pulamte’n an hung hmang a. Ei thiem tlang tawl bawk a lawman khawm an sem ruol deu thuok bawk, ei hlim tlang seng ani tak. Hril vet Kohran Inthuruollo Ruolchamhai khawm an thaw dan pangngai angin inphalam dak in stage an hung hluo tan a. An hungin gop tlangnel met hnung a an hangbei tak tak kha chu an nasa rek ngeiel ie. ‘Ka’n nuina ka phing vun akham vawng’ titawngkam a kat nawk el. Chuonga kham them thuma ei iniel lai zing chun Tv. Zarzolien Infimate’n Secretary Report le Lawmthu hrilna a nei a. Eiin khawmpui chu Pastor Lalditsakin benediction in a mi lo khar peknawk ta a nih.