HSA & DHWA ANNUAL AREA VISIT

Kum danga ei lo thaw ta hlak angin tukum 2011 khawm HSA & DHWA inzawm khawmin Delhi khawpui sunga member’s hai kan kuol na Area visit nei dinga rel a ni angin hung tlung ding karthar hin hieng a hnuoia ang hin hung kan kuol ning a tih. Area tina member’s hai po po date ei siem ni a hin a kim thei angin fe khawm seng dinga inhriettir ei nih.

DELHI HMAR WELFARE ASSOCIATION

LAWMTHU HRILNA

Ei hriet ta angin March 19, 2011, 10:00 pm vel khan Pu Hima Varte le a nuhmei Pi Lalneihnem chu RK Puram Sector-5 lai vangduoithlak takin accident an lo tuok a. An hliem tuor a serious deu leiin AIIMS Trauma Centre a an nupain enkawlin an um a. Lainatu le Nunghak-Tlangval tlawngaina suklang a lo bawisawmtuhai po po chungah DHWA chun lawmthu a hril a. Chu el khelah,

Tuta kar thupui

“Chun, kâwlinlep dâm, rawl dâm, vâninrûm dam, ahung um tah a, simkhawleihnuoi khawm nasatakin ân hnîng a, hnuoia mihriem uma inthawk chuong ang hrima nasa a la um ngai nawh, simkhawlaihnuoi inhnîng chuong ang lâwma nasa le ropui chu” 

Thuphuongsuo 16:18

Delhi HSA member hai kuoma lekhathawn

Krista-a ka nau dittak 
Delhi HSA member po pohai


Ei Lalpa Isu hmingin ditsakna chibai ka buk cheu. Tukum kum 2011 Lalpa’n ami hlangkai na kawnga ei lawm em em a nih. Hieng a mi hlangkai si si hin chu ei hmatieng thlir zingin ei ram ei Hnam in varna le thiemna ei la tlaksam zie hrezingin thei tawp suoa hma in hung la seng theina dingin chuoi lova mi hamngaitu ei Lalpa thangpuina ka ngen pek takzet cheu. Lalpa Pathien chu inpakin um raw seh. Nangni Delhi-a HSA Nunghak, Tlangval hai, keini nu le pa haiin tlumte thlirin kan lo thlir zing cheu, Kan i nghakhla tak in ni ti hi hung theinghil ngai naw ro. Nasatakin thang hmun hung la seng dingin kei putar hin ka hung ngen cheu. Thanghmun in lak na po leh ram le hnam in thanghmun a lak a nih ti hi hre zing hlak ro. In lungrila theitawpa thang la dingin ka ngen cheu, nangni in hung dam chun ei hnam a dam ning a ta, ei hnam a dam chu ei tawng a dam ding a nih. Lo hun sien, in ta dingin kar khat a vawi 4 tawngtaina’n hun ka hmang hlak. Ka kum chu kum 88, ka piengna Senvon, Piengkum 4-7-1922.


Upa Hrangmanlien
Muolvaiphei

GOVERNMENT OF HMARRAM

HMAR PEOPLE’S CONVENTION (D)

Serve the Nation

GENERAL HEADQUARTER: SINLUNG

Department of Political Affairs

Ref. No. HPC (D)/Sinlung/PAC-07         Dated: Sinlung, the 8th March,2011

To,
The Home Secretary
Government of Mizoram

Subject: Hmar-Government of Mizoram Political Talk

Sir,

After much deliberations on the ongoing peace process, the Hmar People’s Convention (Democratic) – HPC(D) is convinced of the absence of confidence, trust and commitment despite signing the document for the Suspension of Operation (SoO). The narrow pre-conditions that has been repeatedly put forward by the Government of Mizoram has not only reduced the credibility of the Suspension of Operation (SoO) document, but also the parties that are involved in it. The HPC(D) strongly believe that both the engaging parties should pro-actively work to build confidence, trust and goodwill before the Hmar-Government of Mizoram political talk is put on track. Therefore, in the interest of securing a healthy climate for the political talk, the HPC(D) opines that the current term of the SoO be fruitfully employed by both sides. Accordingly, it is the stand of the HPC(D) that the ‘Hmar-Government of Mizoram Political Talk’ be held only after the extension of the current term of the SoO. To pursue the matter, the HPC(D) will send its delegates for extending the SoO anytime in May, 2011. The Government of Mizoram may kindly find a date for the purpose.

Sincerely Yours,

Sd/-
L.B. HMAR
Secretary
Department of Political Affairs
Hmar People’s Convention (Democratic)

Editorial

Hun iemani chen a inthawk khan tulna dang dang leiin veng suok tulna aum leiin veng kan suoka, chu lai chun Delhi Thurawn hi mumal taka insuo thei lovin aum na thua a hmasan Delhi Thurawn lo ngainatu le mi lo hlutsak tuhai po po khawl in hrietthiemna kan hung ngena, a biek takin subscriber’s hai chunga in mi hrietthiemna kan hung ngena, December thla a inthawk khan in hmu tha mumal nawna thua pawi kan ti tak zeta, kan felzo nawna le kan tlintawk nawna thua inhrietthiemna kan hung ngen nghal bawk a nih. tuta thla hung thar a inthawk hin chu a hma a ei fe dan pang ngai ang subscribe nuom tuhai ta dingin hun hawng ni nawk tang a tih, amiruok chu a hmaa subscribe na sum la pe thla lo iemani zat ei uma lunginsiet takin DT thangpuina anga ngai in mi hung pe thei inla lawm hleng kan tih.
Ei hriet seng ta angin DT hi awlai taka zuk siem chawpel thei a ni naw a, hun le tha khawm lut ve tak a nih. Hi lai zing hi ka sawl ka kham khawm ti lova tlawmngai taka an hunhai, tha le zung mi lo pe pek tu Tv. Lalremlien Neitham, Tv. James Ruolngul le Nk. Thlirnawnmawi hai chunga lawmthu ei hril a, chun tlawmngaia zawr suokna sin milo thaw pek tuhai le ngaina taka milo inchaw pek tuhai po po chunga Editorial Board chun a tawm a telin in chunga lawmthu kan hung hril a nih.
Chun ei chanchinbu hi, hi nek hin hmasawn sienla, hi nek hi hung tha lem sienla, tiem dinghai khawm hung tam thei sien ti chu ei nuom seng ring a um, chu leiin mi tuelkhawm chanchinthar, tawngbau, article le thing dang danghai suok dinga tha ti ei neihai le miin DT fe tlengin lo hreve dinga dit ei nei a ni chun mobile or e-mail a hai khawm iengtik lai khawm editorial board chun a lawmlut zing a nih. Chu el khela DT hi print-out na le xerox na ahin pawisa sum tamtak a lut ve leiin hieng tlawma aman ei siemhai hin a dam thei ve tawk tawk a ni leiin mituel khawm anchawk tieng pang hin a nasa nawk zuola mi hung ur thar pek dingin ei infiel takzet a nih.

DELHI HMAR SIKPUIRUOI 2010 PROGRAM

The 100^th Year of Gospel Among the Hmars”

A hmun: Dr. SR Auditorium, Kendriya Vidyalaya No. 2

A.P.S. Colony, Delhi Cantonment

New Delhi

A ni: 3^rd December 2010

Sikpui Pa-cum-Chief Guest:

Pu (Dr.) H T Sangliana IPS (retd.)

Vice- Chairperson National Commission for Minorities

Govt. Of India

Guest of Honor:

Pu Rohminglien Buhril IFS

Divisional Forest Officer,

Govt. of Meghalaya

Functional President:

Pu Suo Thang

Director, Ministry of Railways,

 Govt. Of India

1^st Session: (13:00 Hrs.)

Compere:

Esther Lalramhuol & E Ramngailien

Hun Hawng Tawngtaina:

Pastor James L Joute

Mipui Hlasak:

Aw Kan Hmar Ram

Delhi Sikpui Sports 2010 Prize Inhlanna:

Sports Secy, HSA Delhi

Delhi Hmar Directory Tlangzarna:

HSA Delhi

T. Kaisang Meritorious Award:

 HSA Delhi

Sikpui Pa, Khuollienhai Lawmlutna

Sikpui Pa Tawnlairang Inkhumtirna:

Nghak Upa hai

Sikpui Hawngna:

Sikpui Pa

Lawmlutna:

Pu C. Thant Khobung, Chairman, DHWA

Sikpui Chanchin Hrilna:

Pu Tawnluaia

Sikpui Hlasakna:

Thuoitu Pu Thanglalmuon

Sikpui Thucha:

Sikpui Pa

Thisen Pehai chawimawina:

Val Upa hai

Thuhril Tawi:

Pu Rohminglien Buhril

Thuhril Tawi:

Pu Suo Thang

The Dawn of New Era:

A Drama by The ATM

Lawmthu Hrilna:

Hrangthangvung, Secretary, DHWA

Sikpui Ruoi Inhlanna:

Upa (Dr) Lalsiemlien Pulamte

Sikpui Ruoi Kil Tlang

2^nd  Session (17:30 Hrs.)

Comperes:

Roselyn Lalumpui & William R Darngawn

Centenary Drama:

HCFD Thalaipawl

Rimawi Khawvel – Rimawi Khawvel

Various Artistes

Hun Khar Tawngtaina: Pastor Lalditsak

SIKPUIRUOI A HRIET DING PAWIMAW

* Hall/Auditorium campus sunga hmuon le hawp- Ziel, Kuva, Gutkha-phal ni naw nih.

* A sunga thuomhnawhai suksiet le suk bal zawnga um hrim hrim phal an nawh.

* Dar 4 a ruoithe ning a ta; Dar 5 hnung a fak le dawn hung zawng hrim hrim chu ngaisak ni ta naw ni hai a. Tucha/ Thuoituhai mawsiet thei ni bawk naw ni hai.

* Buoina siem zawng a khawsa reng reng chu Val-Upa ha’n an phutawk hremna pe thei bawk an tih.

* Hnam thuom chikhat bek inbel seng ding.

* A hmun hi darkar bi a ei haw ani leiin mitin a huntaka kim seng tum ei tiu.

* Ei hnam in ‘festival’ ursun taka ei inser ve sun ani leiin hlimtlang tak; felfai tak si a hmang seng tum seng ei tiu.

INHRIETTIRNA LE NGENNA

Tukum sung chu kum dang nek hmanin Delhi le a se vel a khawm natna chi hrang hrang in a mi thlakbuok a. Ei mi le sa tamtak khawm thi hmun suolin an lo damnaw a. Amiruokchu, ei hnam nun mawi, hnam danghai kara khawm “HMAR ka nih” ti inhawi ei ti phana hlak tlawmngaina kengkaw a nun khal thalai tamtak ei nei leiin ei vangnei pha hle a. Damnaw thisen pek ngai ei um chang khawm a petu ding khawlai kil a inthawkin am ani an lo um nawk pei hlak hi DHWA chun lawmum a ti takzet a. Chuleiin, tukum sung a hieng ang a thisen lo pe a sawmdawl ngaihai sawmdawltu ei tlangval tlawmngaihai thiltha thaw hi rul seng ruol ni naw sienkhawm ei Sikpui Kut hmang ni hin chawimawi a nuom a. Chu ding chun an reng a hriet kim a harsa ta khawpel leiin ei hriet thei pohai chu ahnuoia hin ei hung zieklang a. Hriet hmei pal dam ei um ani chun anhma tieng a Tv. James Pusing (+919899370879) inhriettir dingin ei inhriettir anih.

1. Tv. Jessai Shakum

2. Tv. Stephen L.Ruolngul

3. Tv. Joseph Lalrofel

4. Tv. Vanlalruoi

5. Tv. Lalropieng Faiheng

6. Tv. Lalkhawnvar Shakum

7. Tv. H.Johnson Hmar

8. Tv. Zonunmawia

9. Tv. Forster Lalziding Faiheng

10. Tv. William R. Darngawn

11. Tv. Emmanuel Lalzarlien Sanate

12. Tv. Ramsiemlien Khawbung

13. Pu Timothy Shakum

FIELNA

4th RN Tamchon Football Trophy Opening Ceremony chu Dec. 4 khin Ambedkar Stadium a nei dinga riruong ani a. Hi taka ding hin HSA Delhi khawm Cultural Dance inentir dinga fiel ei nih. HSA chun ei player hai khawrsaw phuhrukna ding fund source iengkhawm ei nei naw a. Hi ceremony a hin ei va lam thei chun mi lukip hisapin lawmman khawm an mi pek ding ani leiin inhawmthaw a um hle.

Hi le inzawm hin hung tlung ding Nov. 30 khin BSSC, Mahipalpur a um ni kham a inchuk rawt ani a. Sun dar 11 a 21^st November tan ding ti anih. Zantieng thlaithleng khawm buotsai ni bawk a tih. Mitin tlawmngai insuo a thang seng dinga fiel ei nih. A tlawm tieng taka mi 60 bek tling thei inla ei nuom ani leiin ei thang tlang a tul takzet. A lam chu khir taluo inchuk ni naw nih. Chuleiin, tthang seng ei tiu.

DELHI GAWP

Tukum khawm kum dang ang bawk in program chi hrang hrang in a mi chenchil zing a. Kum chenve ei pel hnung lem chun ei buoi zuol sau a. HAS Freshers’ Meet, Thalai Conference, Sikpui Sports, DHPL, Nupa/Nu le Pa Camp le a dang iemani zat chu ei hmang zo ta anih. A mihriem ei in angnaw ang bawkin ei thlirna tukver anthawk a ei hmu danhai chu inang naw seng a tih. A thatna zawng thlir chun ei hmasawnna chikhat inlangtirtu ani a. Lawm a um hle anih.

Hun iemani chen a inthawk khan “Sikpui Ruoi/Kut hi ei hmang ding ani?” ti chu zawna tlanglawn pawl tak ani ta a. Hmang ei in beisei ta naw hnung a ‘surprise package’ ang deu in a hung inri nawk hak a. DHWA a inthawk formal taka thusuok siem ani hnung lem chun ei Gawp thupui tak a hung ni ta hrim anih. Mitin in ei phur tlang seng niin anlang. Khingtieng pang a chun ei Thalai Pawl hai chu Saikot hmuna Centenary Closing Program, ei Gospel Centenary lawmna hun kharna, hang hmang ngei tumin thang an lak mup mup zing bawk. Hlapawl el bakah Skits dam inchukin nassatakin thang an lak a. An fena ding tickethai ngaituona leh; an lu inhai deu map map khawpin an bei ve zing anih. Chuonglai zing chun, Delhi University hnuoia Undergraduate student hai chu Home Examination hi December thla a an nei hman dim; January thla a bawk ani nawk dim ti saikar in hun an hmang mek bawk. A thuneituhai a inthawk hlak a thu chieng iengkhawm hriet ding mumal a la um naw bawk leh, student hai chamlakah a sie vawng a. A buoithlak pek hle. Kil khat ei zuk thlir nawk chun North East a inthawk a Delhi hung tlangtla hnam tin lai a inkhelna tienga inelna Tamchon Trophy a ei hnam hming chawia inkhel ve ngei tumin ei inkhel thiem iemani zathai chun HAS Delhi hmalakna hnuoiah Practice khau takin an nei map map zing bawk. Graduate student, exam pe pawlhai khawm exam pe dinga an in buotsai an chawl hman bik nawh. Mi inkhelna le an pungkhawmna haia an van lang khawmin an tin pha thipuhakin an bei nawk hlak. Ruol thenkhat hlawtlingna chang hriet ding an um deu zing bawk leh, inthladana hman khawm a um bik ta nawh. Ei hmazawn sengah ei buoi mup mup seng a. Buoipui nei lo a inzam thabo el nek chun buoipui nei a invir rak rak chu a tha lem naw a?? “Teplohai teplo,” Thuhriltu chun a tih; “Thil po po hi teplo el anih” Anleh ei reng hin thil teplo el ngaituo a buoi rak rak ei ni el ta am anih?? Delhi Gawp.

SIKPUI SPORTS 2010 BADMINTON FIXTURE

Badminton hi tukum ei Sikpui Sports a item nuhnungtak ding anitah. Eini lai a mi thahnemngai thenkhathai in ground haw man an mihung tum pekna zarin tukum a ei Sikpui Sports le DHPL chu ei lohmang a. Tuta ei badminton inkhelna ding, Teflas Badminton Court, JNU khawm hi Pu Alan Sinate le Upa (Dr.) Lalsiemlien Pulamte haiin an mi hung tum pek nawk ani a. An thahnem ngaina hi inpak an um takzet a; lawmthu a thar takin ei la zuk hril nawn anih. Badminton hi November 20 a inkhel ning a tih.

Men,s Single Fixture

1^st Round

1.    Jerry v/s Lalmuonthang

2.    David Ramnei v/s Thathang

3.    Lalneilien Inbuon v/s lalropui Joute

4.    Fimthanglor v/s Jessai Shakum

5.    Edward Sungte v/s Boison/ Lalthuoisang Pangamte

6.    Sunga kholum v/s Isak

7.    Dr. Lalsiemlien v/s Joseph Sanate

8.    William R. Darngawn v/s Laltanpuia

9.    E Ramngailien v/s Foster Lalziding

10. James Pusing v/s Lalkhawnvar

11. Pu. Lalchunghnung Infimate v/s H. Johnson Hmar

12. Alan Sinate v/s Lalrofel

13. Stephen L. Ruolngul v/s Lalhmunlien

14. Elisa Changsan v/s Pastor Lalditsak

2^nd Round

Winner of 1 v/s Winner of 2 = A

Winner of 3 v/s Winner of 4 = B

Winner of 5 v/s Winner of 6 = C

Winner of 7 v/s Winner of 8 = D

Winner of 9 v/s Winner of 10 = E

Winner of 11 v/s Winner of 12 = F

Winner of 13 v/s Winner of 14 = G

Quarter Finals

Winner of A v/s Winner of G = H

Winner of B v/s Winner of E = I

Winner of C v/s Winner of D = J

Advantage to F

Semi Finals

Winner of I v/s Winner of F = K

Winner of H v/s Winner of J= L

Final

Winner of L v/s Winner of K

1.

Pasal Doubles:

Round 1

1. Stephen L Ruolngul & David L Lungtau V/s

Lalchunghnung Infimate & Edward Sungte

2. H Johnson Hmar & Dr. Lalsiemlien Pulamte V/s

Boison & Lalthuoisang Pangamte

3. Zonunmawia & Lalhmunlien V/s James

Pusing & E Ramngailien

4. William R Darngon & Fiemthanglor V/s

Allan Sinate & Jerry

Semi Final

Winner of 1 V/s Winner of 2 = (A)

Winner of 3 V/s Winner of 4 = (B)

Final:

Winner of (A) V/s Winner of (B)

Mix Doubles:

1. Esther Lalramhuol & E Ramngailien V/s

William Darngon & Esther Lalsanhim = (A)

2. David L Lungtau & Thlirnawnmawi V/s

Stephen L Ruolngul & Roselyn Lalumpui = (B)

3. Dr. Lalsiemlien & Lalhmangai V/s

Lalchunghnung Infimate & Lalhmingthangi = (C)

Semi Final:

Winner of (A) V/s Winner of (C) = (D)

Advantage to Winner of (B)

Final:

(B) V/s (D)

Hmar Gospel Centenary -Saikawt

Manipur South District a Chanthintha a hung lut kum zakhat tlingGospel Centenary lawmna Hmar hnam sunga Kohran tum tum han mani puol chita an hmang zo hnungin Hmar Christian Leaders’ Forum (HCLF) in December 9-12, 2010 sunga Hmar hnam pum huopa Gospel Centenary lawm dinga remruotna a lo siem angin Gospel Centenary Celebration Committee, HCLF chun insingsatna ngawr takin an fe pui mek a. Gospel Centenary hmang dinga thil tul le pawimaw hai sukfel le hmang el theidinga inpeifel ani tah, tiin Hmar Gospel Centenary Celebration Committee, Inf. and Publicity Department in thusuok an siema chun an zieklang. Tuta tuma Hmar hnam pumhuopa Gospel Centenary lawmna hiruoi siema a huou huou zawnga hmang tum ani nawh. Programme detail khawm sut zo tep a ni tah. Gospel Centenary hmang ding hin Mizoram, Assam, Tripura, Meghalaya le Manipur hmun tum tuma inthawk le Vairam a Hmar Christian Fellowship um hai khawm thang dinga fiel vawng an nih. Gospel Centenary hmang dan ding tlangpui chuh; Thalaihai ta dingin Music Nite le singing Festival um a ta, Gospel Centenary Choir Hmar umna hmun hran hran a inthawk thlang khawmhaiin Centenary hmangtu hai inpakna hlain inawi an tih. Gospel Centenary darkhuong vuokna nei ning a ta, Dr H.T. Sangliana, Minorities Commission ViceChairman chun Souvenir tlangzarnanei a ta, Rev. Hrilrokhum Buhril in (L) Rev. Thattinlien, Bhutan Missionary chanchin inziekna lekhabu tlangzar bawk a tih. Gospel Centenary hmang sung hin Seminar hmun thumah; Pasal, papui tieng haita dingin “Kohran le inpum khatna(Federal Unity)”, Nuhmei hai ta ding bikin “Nuhmei le Hmasawnna” le Thalaihai ta dingin “Thalai leinchukna” ti thupui hai hmangin neining a tih. Hieng Seminar haia hin anuom taphawt thang thei ning a tih. Hieng Seminar pathum hai baka hin“2010 hnung tienga Ramthim rawngbawl dan ding” ti thupui hmangin Seminar nei ni bawk a tih. Centenary sunga thuhrilna neitu dinghai chu Rev. D. Ruolngul, Rev.Rothanglien Hmar, Rev. Dr. Ruolneikhum Pakhuongte, Rev.Hrilrokhum Thiek, Rev. H. Chungthang Thiek le Rev. Dr. H.M. Songate hai ning an tih. Hmar hnam pum huopa Gospel Centenary hmang ding hi hlawtling taka nei le malsawmna tamtak a hung intlun theina dingin mimal le Kohran tin haichu Pathien kuomah ma lova tawngtainaa Pathien lo buon seng dingin Hmar Gospel Centenary Celebration Committee chun ngenna an siem.

Final Day Sikpui Sports 2010

Hungtlung ding November 13th (Saturday) hin Sikpui Sports Final Day chu zing dar 11 a inthawk tan ning a tih. A hmun dingin JNU/Kathuria Public School hmang ning atih. A hmun ding hi ching taka sukfel thei ala ni naw leiin naki sms a inhriettirna siem ni lem a tih. Items chi dang dang, nupui, papui, naupang hai ta ding khawm a biek taka buotsei ni bawk a tih. Items hi a tam ding an leiin hun hi mituel khawm hmang thiem seng dingin ei infiel. tan hun a umlohai chu iengkhawm hril chir thei ni naw nih.
Items um ding hai:
** Individual:
1. Air Pistol(M) (Entry fee Rs 30)
2. Arm Wrestling
3. Cock Fighting
4. Mini Marathon
5. Jong Meikei
6. Heptathlon
7. Balloon race
** Group:
1. Three lagged race
2. Pillow fight
3. Tunnel Ball (W)
4. Balloon race
5. Football
** Football Fixture:
Third Place:
Renthlei V/s Neilai
Reff: Edward F Sungte
Astt: Henry Varte & Salvador
Final:
Sura V/s Nahai
Reff: Emmanuel R. Lungtau
Astt: Richard Khobung & Mordekai

HSA Tour Report

Hun iemani chen a inthawk a ei lo tung lawk HSA Educational Tour 2010 chu zani, October 30, khan tluongtaka zo a lo ni tah. Tukum chu a hmun khawm a hla naw bawk a khawm ning a ta ring nekin a fe khawm ei thahnem hle. Nikum khan Jim Corbett National Park a fe tum in thang ei lak a. Amiruokchu, a hmun a lo hla deu bawk bakah sengso a hung tam tham deu lei kha ni dingin ring a um, inhnikna suklang mi 10 vel bak ei um naw a. Tour khawm nei thei lo in a hlamzui reng bawk ani kha. Ieng po khawm lo nisien tukum ei nei thei nawk hi lawm a um takzet anih.

            A khawvel in a’nhersuokpui tak lei am ani ding hun vawngdik hi chu ei in hril rawn po leh ei thei tak tak naw zie ei hrietchieng tul el anih. Chuleichun, ngaimaka khawm ngai chuonglo in zuk hril pei el tang ei tih. Ei dan pangngaiin Pick-Up point ei tarlanghai kha pakhat khawm a hunbi indik a ei tlung hman naw anih. Asanchu, mi danghai ei ngaituo phak ngai naw lei ni takin ka hriet. Ei hunbi tiem a tlunghan ieng chen am eini leiin rinum an lo tuor hman ding ti ngaisak lek lo in ei hun ei hmang a. Apawi hle.

            Leh! Report tawite’n hang thailang ei tih. 47 Seater Tourist Bus pahni a intar lo tawk a inthawk suok ani a. Ka lo tiem chie naw a chu mi 90 vel chu kan tlingin hriet. Naupang pahni an um bawk. Bus driver pakhat in lam a hriet chieng naw a. “A hriehai in hmasa tir la a hnungah hnawt el rawh” kan ti hlaka hnawt phak mumal thei bawk lo. A tlansan hla met leh phone in a ko chat nawk pei a. A buoithlak hle. Chu chu hun remchang a la in tlangval thenkhat in video a lain bus pahni a chuonghai po po chu introduction an lo nei pui a. Darkar 1 lam chu darkar 2 vel kan tlan hnungin Sultanpur National Park chu kan tlung tah a. Haryana sung ani tak leiin phone khawm roaming  service in a um vawng ta a. Bus pakhat nghak lai chun thuoituhan tickethai lo sukfel vat vat a. An hung tlung kim chun thil pawimaw tlawmte puong ani zo in park fang ding chun kan invakdar tah anih.

            A park chu a lien ve angreng khawpel a. A hmun khawm anhawi ve hle. Amiruokchu, tui a lo kang nasa lei khan a mawi ding angin a mawi zo ta naw a. Dil chung tlang bawlawl a thinghai chu vate chi hrang hrang, abikin tui vatehai, in an ra kur tek tuk a. Va fe hnai rak dan a um naw leiin zuk thlier hrang a harsa a, vate chu an tam hle ti naw thei an nawh.

            Ramtina invak dar a thla dam la a hun kan hmang hnung chun 2pm in main entrance lai kan intuokkhawm nawk a. Game chi hrang hrang a insukhlimna kan nei zo chun A-Mart han fak le dawn ding an mi hung thak pek chu thlaitakin kan kil tlang tah a. Kan lo tam tawl ta tho chu ning a tih; kan hlim tlang hle. Chuongchun zawng hawn le inchu pumin lunch chu kan kil anih.

            Kan inthun khawp zo chun huon fang ding chun kan lut nawk ta a. A lo sawl deu entrance bulhnai lai a lo hadam pawl khawm kan um bawk a. Kan inhman tawl tho a khawm ni ding ana, hmangruo iengkhawm thanglo a kutlawng tawp a nga manna ding mi thenkhat in an lo va hmusuok a. A chin a lien, a hmei a pa a hre taphawt deuthaw chu an lo va tlan khawm a. Vakam a hung inper dawkhai lo rut el ani leiin, a dan le dun kha chu thu dang nisien, nga man lai chu a awlsam pawl ni hrim hrim a tih. Thenkhat lem chun an rack sack a inleng lo vang khawp a man le kan insawp nawk el.

            Zantieng kan hung kirna lama chun bus pakhat chu tluong takin a hung thei a. Pakhat lem ruok chu traffic incheptak kara hung inhmang kuol hrepin thimbutin dar 7:00 vel in Mahipalpur a hung inher dawk thei hram chau anih.

            Ieng po khawm nisienla, lawm uma ngai ei ta; kumthar tieng chu inthuruolna tha lem leh hmun puithu lemhai khawm ei la fang thei ngei beiseiin lo insingsa sau sau ei tiu.