CHANCHIN LAWRKHAWM

## HSA Area visit nei mek:Thla hmasak anthawk a ei lo nei tah HSA area visit chu nei zawm zing a la nih.

Karliem tah khan South Extn. le RK Puram-ah hai hi hunser hi hmang a ni a, ngaidan tha tak takhai khawm khawnkhawm mek a nih. Area la visit lohai khawm, karthar tieng khawm khin a remchang ang peiin hi visiting programme hi la hung hmang zawm pei tum a nih.

## Nk.Sunita Lalparmawi Inthlana hunser hmang a nih: HSA Joint Hqrs. Delhi thuoitu lo ni hlak Nk. Sunita Lalparmawi chu tarik ni 4th April 2012a pasal a nei ta ding le inzawmin  zani, tarik ni 17 march 2012 khan HCFD Thlaipawl prokram siemna hnuoia inthlana hunser ropuitaka hmang a nih. Hi hun a hin a pasal ding Tv.Zosanglur Joute khawm a hung thang ve. Hunser hmangzo a hin mipuihai tadingin ruoi ropuitakel an buotsai chu kil thlangna nei a nih. Hiengang kohran dan thienghlima an innei ding hi HSA Delhi Joint Hqrs khawma a lawmpui takzeta hi inthlana hunser a hin a lawmpuizie inentirna’n thilpek an hlan nghal bawk.Tarik ni 4 april 2012 EFCI Biekin Rengkai hmuna an inneina ding a khawm hin mituelkhawm an fielthu Pu. Vanlalhlir Pulamte chun sungkuo tieng aiawa thuhriltu chun fielna a siem nghal bawk. Inneina hunser hlawtling taka hmanga, nupa ditum tak hung ni dingin DT chun ditsakna an hlan nghal bawk.

## Innei thar: DHWA member Tv. Jessai Ralsun s/o Sapbiekthang Sielmat le Nk. Lalbieklien d/o L.Rochung Rengkai chu zani tarik ni 17 march 2012 khan Sielmat ICI Biekina kohran dan thienghlimin Pastor. I. Denlien-in kut insuitirna a lo inneitir tah. Nupa ditumtak hung ni dingin DT chun ditsakna insang tak an hlan.

## Hlawtlingna chang: GATE (Graduate Aptitude Test in Engineering) 2012 result suoka ei Tv.Eleazer Sungte s/o Rev. Neichawngthang chun hlawtlingna a chang. Ama hi tuhin JNU a M.Sc (Physic) inchuklai mek a nih. GATE hi all India examination, IISc ( Indian Institute of Science, Bengaluru) le IIT (Indian Institutes of Technology)-7 – Indian Institute of  Technology Bombay,  Delhi, Guwahati, Kanpur,  Kharagpur, Madras le  Roorkee hai in National Coordination Board – GATE, Department of Higher Education, Ministry of Human Resource Development (MHRD), Government of India ai a an huoihawt a nih. GATE exam a fe thleng hai chu an mark dungzuiin a chunga institute haia khin an lut theiin, Master le Doctoral Degree lak theina a nih.