Lawmthu

Kar liem tah, September 4, 2010, a Hmar Students’ Association, Jt. Hqrs., Delhi huoihawtna hnuoia 25th Freshers’ Social Meet ei hmangna le inzawm khan HSA chun lawmthu hril seng lo ei bat takzet a. Mawphurna ei in pekhai tlawmngai taka mi hung sukhlawtlingpektuhai po pohai chungah lawmthu ei hril mawl mawl a nih. Abik takin Opening Act, Cultural Show le drama en nuom um tak el mi thawpektu ATM Group-hai, ei programme hnesaw taka mi vawng pektu ei Comperes-hai, hla mawi tak taka min awitu ei Artiste-hai, mi hmu phak lo a ei fak le dawn ding sawl tak a mi buotsaipektu ei tuchahai, mipuihaithungna ding zawngbuoi ngai lo a mi kawkhmutu ei Ushers, ei Receptionist-hai, Sound In-charge le Musician-hai chungah thawpek thei ei nei naw zing laiin a thar in lawmthu ei hril nawn a. Chun, phal taka an motorhai min hmangtirtu Puhai HK Kawllienthang le Chunga Infimate chungah ei lawm bek bek a. Ei Freshers le hi ni a hung uopmawitu mipui chunga khawm ei lawm takzet a nih. Pathien thangpuina le ei reng a ei thang tlang lei a programme mawikhai taka ei hmang thei chau a ni leiin mitin chungah lawmthu ei hril.
Thlirnawnmawi
Secretary, HSA, Jt. Hqrs., Delhi