LAWMTHU HRILNA

November ni 8 dar 3:43 pm khan Fortis Hospital, Vasant Kunj-ah Tubal Ectopic Pregnancy leiin ka nuhmei Lalthienghlim Sanate Joute Emergency Operation thaw in a um a.

Operation thaw ding hin a HB a lo inhnuoi leiin,thisen 4 Units zet mamaw a nia. Chuonga beidawng taka kan um lai chun Delhi Hmar Welfare thuoitu haiin thisen pe thei ding an mi zawng pek nghal a. Tlawmngai em em Tv. Lalhuopzau, Tv. Joseph Sanate, Tv. Zonunmawia Pachhuau le Pu Thathang Leivang haiin thisen 1 unit seng an donate a. Donors hai zar chau a operation thaw thei kan ni leiin, a bik takin Donors hai chunga hin kan lawm tak zet a nih ti DT fethleng-in lawmthu ka hung hril hmasa a nih.

Operation tluong taka zo fel a ni hnungin ICU ah kan um a. ICU a kan um lai khawma zankhawvar a mi khawvarpui tu Tv. Nathan Varte, Tv. Zacharia Varte, Tv. Michael Lienhmingthang Hringlon, Tv. Michael Joute, Nk. Nienghoihkim Gangte le Nk. Jenny Joute hai chunga khawm kan lawm thu kan hung hril bawk a nih. Chun, Delhi Hmar Welfare thuoitu hai le Delhi Hmar mipui hai, Telephone a inthawk chau ni lo, Hospital a hai tha le sum, mani sin tulhai maksan a mi ngaina a mi hung thangpui tuhai po po kuomah khawm lawmthu kan hril bawk a nih. Thangpui ngaihai thangpuina le sawmdawlna kawnga tlawmngaina kengkaw zing dingin ditsakna kan in hlan bawk cheu a. Pathien in a let tamin malsawmin thuoi pei raw se cheu. That tieng kan pan pei tak leiin Dt 10th Nov’12 dar 5:19 pm khan In tieng a in enkawl lem ta dingin Doctor haiin an mi lo discharged tah.

Ka lawm ie!

Vanlalmuon Joute. Munirka, New Delhi