LAWRKHAWM

* Hmar United An Hrat: Manipur Students’ Association Delhi (MSAD) chun October 4 le 5 khan Annual Siroy Sports Meet 2011 chu Ramjas College, University of Delhi, New Delhi ah an lo huoihawt a.

Hi Sports Meet a hin HSA Delhi team-Hmar United, khawm an va thang ve a. Final chu Zeliangrong hai leh inkhelin an intum tawk hle a. Hun bituk a bo hnung khawma 2-2 a an lan hnetawk leiin tie-breaker (penalty) pet ani a, a tawpah chun Hmar United in hnena an chang ta lem a nih. Hrattak lawmmanin Nopui (Trophy) le cash prize Rs. 7000.00 an dawng a. Chu el khelah, Hmar United Central Mid-Fielder Tv. Samuel Tusing chu ‘Player of the Tournament’ a puong a nih. Lawmmanin Trophy le sumfai (Cash) a dawng bawk. An hlawtlingna hi DT chun a lawmpui takzet a nih. Fund mumal khawm um lo hieng chen phak thei a an um hi ei suong hle laizingin mipui tieng a inthawk khawma sum le pai le moral support ei thei ang ang a pe pei dingin ei in ngen thar bawk a nih. Hmatieng khawm hlawtlingna chang pei dingin Hmar United hai ditsakna kan inhlan thar cheu.

* Vengbuk Sandamna Camp: Hmar Christian Fellowship Delhi hmalakna in Vengbuk Sandamna Camp chu kar liem ta a inthawk khan tan a lo ni tah. Programme ang dungzui chun hi camp hin October thla le November thla bul chen a aw ding a nih. A thanghai chun inhawi an ti hle ni’n chanchin ei lo dawng. Ei rengin thang seng thei inla an nuom thu ei thuoituhaiin ei palai an lo hril a. Ei ruol le pai hai khawm hi programme chungchang hi lo hril sawng a bau lo in tam deu dingin ei in fiel thar a. Tawngtaina leh theitawpin lo bawzui pei ei tiu.

* HSA Educational Tour: Hung tlung ding October 14 le 15 khin HSA Delhi hmalakna’n Educational Tour 2011 chu Jaipur ah nei ning a tih. October 14 zan dar 12 vel hin Delhi suoksanin Jaipur pan ning a ta, October 15 zanah Delhi hung lut ni nawk a tih. A fe dinghai le thu chieng lem indawn nuomtuhai chun ei thuoitu Tv. Zacharia Varte (+919711721497) begin_of_the_skype_highlighting            (+919711721497)      end_of_the_skype_highlighting, Nk. Esther Lalsanhim  (+918802813429) le Nk. Thlirnawnmawi Puruolte (+919654385267) begin_of_the_skype_highlighting            (+919654385267)      end_of_the_skype_highlighting hai kawla ngaiven thei ning a tih.

* DoM&YA Meeting: Department of Music & Youth Affairs, HCFD chu vawizan, October 9, zan dar 7:00 hin Pastor Lalditsak in, Sector-1, RK Puram ah meeting nei an tih. Hi meeting a hin 4^th Thalai Conference Review nei a ni bakah Music Video Album Volume II chungchang le thu pawimaw iemani zat hai hril tlang ning a tih. 

* Hmar United Player Thar: Delhi hmuna cheng Hmar United player hai chun hun iemani chen a inthawk khan nasa takin training an lo nei map map ta a. State League le League dang dang a hai an lan khel tawl leia la hung el thei lo, puotieng a inthawka Hmar United hminga Tamchon Football Trophy a inkhel dinga beisei hai khawm kar thar tieng khin Delhi an hung vuong lut ta ding ni’n ei thu dawngna chun a hril. Player incha a um hai chu a hnuoiah tarlang an nih.

1. Barjon Thanglallawm (Rengkai),

2. Daniel (Muolbem),

3. Darchawilien (Muolvaiphei),

4. Kenneth (Rengkai Road),

5. Lalnuntluanga (N.K.T.), le

6. Lalramsang (Rengkai)

* Anil Das Music Competition: Ei inkhawmna Biek-In neitu Apostles’ Methodist Church ha’n kum tina an buotsai hlak Anil Das Music Competition chun kar nawk, October 16, Pathienni khin nei ning a tih. Ei thalaihai khawm hlapawl, malzai le a dang dangah thang an tum ve nawk ni’n ei hriet a, a thei thei in va uopmawi a lo va support dingin ei in fiel a nih.

DT/09/10/2011